Շուռնուխի եւ Որոտանի՝ իրենց տները կորցրած բնակիչներին ամսական 68 հազար դրամի աջակցությունը կտրվի եւս 5 ամիս

Կառավարությունն իր այսօրվա՝ հոկտեմբերի 19-ի նիստում որոշեց Սյունիքի մարզի Շուռնուխ և Որոտան բնակավայրերում հաշվառված եւ Ադրբեջանի վերահսկողության տակ անցնելու պատճառով իրենց տունը կորցրած բնակիչների օգնության ծրագրի ժամկետը երկարաձգել եւս 5 ամսով՝ մինչեւ այս տարվա դեկտեմվերը ներառյալ:

Հիմնավորման մեջ նշվում է, որ այս ծրագրի շրջանակներում 2021-ի փետրվարից մինչև 2023-ի հուլիսը՝ ներառյալ շահառուներին տրամադրվել է միանվագ (300,000.0 դրամ) և ամենամսյա (68000 դրամ) դրամական օգնություն։

2023 թվականի օգոստոսից միջոցառման շրջանակներում դրամական օգնություն  այլևս չի տրամադրվում։

Շուռնուխ բնակավայրում իրականացվում է բնակելի թաղամասի կառուցման ծրագիր, որով կառուցվում են թվով 13 բնակելի տներ՝ իրենց տները կորցրած անձանց համար, եւ շինարարական աշխատանքների վերջնաժամկետ է սահմանվել 2023 թվականի դեկտեմբեր ամիսը։

Հաշվի առնելով, որ բնակելի թաղամասի կառուցման աշխատանքները երկարաձգվել են, Քաղաքաշինության կոմիտեն առաջարկել է որոշմամբ հաստատված միջոցառման շրջանակներում հատկացվող դրամական աջակցության տրամադրման ժամկետները ևս երկարաձգել մինչև 2023 թվականի դեկտեմբեր ամիսը՝ ներառյալ:

Ըստ այդմ, ամսական 68000 դրամ աջակցությունը կտրամադրվի այս տարվա օգոստոսից մինչեւ դեկտեմբեր ամիսը՝ ներառյալ:

Ըստ Սյունիքի մարզպետարանից ստացված տվյալների՝ 26.07.2023 դրությամբ աջակցության ցուցակում ընդգրկված շահառուների թիվն անփոփոխ է, այսինքն՝ 38 անձ է:

Նախագծի ընդունման դեպքում այդ 38 անձի համար 5 ամիսներին (2023 թվականի օգոստոս-դեկտեմբեր) դրամական օգնություն տրամադրելու համար անհրաժեշտ կլինի հատկացնել 12,920.0 հազ. դրամ գումար (38 x 5 x 68000=12,920.0հազար դրամ), որը նախատեսվում է ֆինանսավորել ՀՀ աշխատանքի և սոցիալական հարցերի նախարարությանը հատկացված միջոցների հաշվին։

Այս թեմայով Վերահաստատել եմ ԵՄ աջակցությունը վրացիներին. Միշել Գերմանահայոց Կենտրոնական Խորհուրդը աջակցություն է հայտնում «Տավուշը հանուն Հայրենիքի» շարժմանը Շուռնուխի նոր տները պատրաստ չեն, բայց փոխհատուցումները կտրել են․Դավիթ Գալստյան ՀԱՊԿ-ից դուրս գալու հարցը ՀՀ-ն պետք է ինքը որոշի՝ այդ մասին 6 ամիս առաջ տեղեկացնելով կառույցին (տեսանյութ) Շտապ. ինչպես են ծեծում ու բերման ենթարկում Կիրանցի բնակիչներին (տեսանյութ) Այ էս հայերի տները տալիս են թշնամուն, որոշում են էս շենքից, հաշտ չեմ, վաղը բոլորիս տներն են տալու Ուսուցիչներ կան՝ ամիսը 25 հազար են ստանում, տնից դուրս գալու համար եք աշխատո՞ւմ, բա էրեխեքի ապագա՞ն Ադրբեջանցուն հպատակ դառնա՞մ, հողը երբ տվեց, մարդասպանությունը կշատանա, Էժան ապրանքը թող իրենց պահեն «Հրդեհից 1 ամիս առաջ տեռորիստ էին բռնել Ազատ գյուղում». կացարանի հրդեհից զոհվածի պապիկ (տեսանյութ) Գլխավոր դատախազությունը 2023-ին վերականգնել է շուրջ 5 մլրդ 63 մլն 193 հազար դրամին համարժեք գույք