Հայաստանում հայտնաբերվել է գրիպի Բ տեսակի հարուցիչ

Դետքային համաճարակաբանական դիտարկման շրջանակներում լաբորատոր հետազոտության արդյունքում Հայաստանում հայտնաբերվել է Գրիպ Բ տեսակի հարուցիչ։

Գրիպի ընդհանուր ախտանշանները ներառում են՝

ջերմություն, մարմնի ջարդվածության զգացում, դող, սարսուռ և քրտնարտադրություն, գլխացավ, չոր հազ,

շնչարգելություն, հոգնածություն և թուլություն, քթահոսություն (հարբուխ)

կոկորդի ցավ և քերոցի զգացում,

ակնագնդերի ցավ, լուսավախություն և արցունքահոսություն, փսխում և փորլուծություն, որն ավելի տարածված է երեխաների մոտ։

Բարդություններն են երկրորդային վարակները, ինչպիսիք են՝ երկրորդային թոքաբորբը, բրոնխիտը, բկաբորբը, սինուսիտը, լարինգիտը, ականջաբորբը։

Գրիպի վիրուսով պայմանավորված առաջնային բարդություններից հատկապես վտանգավոր են առաջնային թոքաբորբը, վիրուսային միոկարդիտները, մենինգիտը, էնցեֆալիտը, մենինգոէնցեֆալիտը, միելիտը,  երիկամային անբավարարությունը և այլն։ Հղիների մոտ՝ որպես կյանքին սպառնացող ամենավտանգավոր գրիպի բարդություն, կարող է զարգանալ սուր շնչառական անբավարարություն։

Սուր շնչառական վարակներով և գրիպով չհիվանդանալու, ինչպես նաև բարդություններից խուսափելու նպատակով՝ ԿՐԿԻՆ հիշեցնում և հորդորում ենք.

✅ պատվաստվե´ք սեզոնային գրիպի դեմ՝ դիմելով պոլիկլինիկա/ամբուլատորիա, ներկայում հանրապետությունում առկա գրիպի պատվաստանյութը պաշտպանում է գրիպի երկու Ա և երկու Բ ենթատեսակներից,

✅ խուսափե´ք սուր շնչառական վարակներին բնորոշ ախտանշաններով հիվանդների հետ շփումից,

✅ եթե հիվանդ եք՝ մնացե´ք տանը, հատկապես՝ սուր շնչառական վարակներին բնորոշ ախտանշաններով երեխաներին մի´ թույլատրեք հաճախել դպրոց և մանկապարտեզ՝ ապահովելով բժշկի կողմից խորհրդատվությունը և բուժումը,

✅ եթե հիվանդ եք, հրավիրեք տեղամասային մանկաբույժին, թերապևտին կամ ընտանեկան բժշկին և մի´ զբաղվեք ինքնաբուժմամբ,

✅ մի´ օգտագործեք հակաբիոտիկներ, քանի որ դրանք ցուցված չեն գրիպի և սուր շնչառական վարակների բուժման համար,

✅ հագնվե´ք եղանակին համահունչ,

✅ պահպանե´ք հազի և փռշտալու վարվելակարգը,

✅ օգտագործե´ք հնարավորինս շատ հեղուկներ,

✅ հաճախակի օդափոխե´ք փակ տարածքները,

✅ հետևե´ք անձնական հիգիենային:

Այս թեմայով ՀՀ «լամպուշկա» իշխանություններից պետք է պահանջել կալանքից ազատել բոլոր քաղաքական բանտարկյալներին. Զոհրաբյան ՀՀ-ում շրջանառվում է հոնկոնգյան գրիպը․  Sputnik Արմենիա Հայաստանում խոզի գրիպից 2 մարդ է մահացել. Ռոմելլա Աբովյան Գրիպի համաճարակներից տարեկան արձանագրվում է 3-5 միլիոն ծանր ընթացքով դեպք, 650.000 մահվան դեպք Հայաստանում հաստատվել է գրիպի Ա տեսակի H1N1 ենթատեսակի վիրուսի հարուցիչ Ռուսաստանում հայտարարվել է նոր գրիպի առանձնահատուկ վտանգի մասին Գրանցվել է գրիպով և կորոնավիրուսով միաժամանակ վարակման հերթական դեպքը Հայաստանում հայտնաբերվել է գրիպի Ա տեսակի H3 ենթատեսակի վիրուսի 12 դեպք Հայտնաբերվել են գրիպի Ա տիպի H3N2 ենթատիպի վիրուսներ. ԱՆ COVID-19-ից մահացության դեպքերը 3,5 անգամ գերազանցում են գրիպից մահացության դեպքերին․ CMAJ