Նոր այգի կկառուցվի Կոմիտասի պողոտայում. շատրվաններ, ամֆիթատրոն, սրճարան. տարածքը կտրվի առանց մրցույթի

Կառավարությունն իր այսօրվա՝ նոյեմբերի 9-ի նիտում որոշեց «Սլոն-ֆուդ» ՍՊԸ-ին առանց մրցույթի կառուցապատման իրավունքով հողամաս տրամադրել:

Հիմնավորման մեջ նշվում է, որ «Սլոն-ֆուդը» Երևանի քաղաքապետարան է ներկայացրել Երևանի Կոմիտասի պողոտայի հ.2/3 հասցեում գտնվող 5089.13 քմ մակերեսով հողամասում գտնվող այգու վերակառուցման (արդիականացման) առաջարկություն: Այն նախատեսում է նոր ճեմուղիներ, նստարաներ, երեխաների խաղահրապարակ, հասարակական սանհանգուց, ամֆիթատրոն միջոցառումների համար, մարզահրապարակ, շատրվաներ, սրճարան, մանկական զարգացման կենտրոն:

Միաժամանակ նախագծով  առաջարկվում է քննարկվող հողամասից 220.0քմ  մակերեսով հատվածը Ընկերությանը տրամադրել կառուցապատման իրավունքով ժամանցի և մանկական զարգացման կենտրոն կառուցելուն նպատակով:

Նշվում է, որ քննարկվող հատվածը ներկայումս գտնվում է անմխիթար վիճակում և բնակչության համար բարեկեցիկ միջավայր ստեղծելու համար անհրաժեշտություն կա խոշոր ներդրումների:

Ներկայումս նախատեսվում է իրականացնել այգու վերակառուցման (արդիականացման) նախագիծ, որը ենթադրում է կանաչ տարածքի վերականգնում՝ պահպանելով բոլոր առկա առողջ ծառատեսակները: Կանաչապատմնան նախագծով կտնկվեն նոր արժեքավոր եւ երիտասարդ ծառեր, որոնք տվյալ տարածքում կստեղծեն միկրոկլիմա եւ առանձնահատուկ տեսք կհաղորդեն: Ինչպես գոյություն ունեցող ծառերի՝ այդպես ել նորատունկ ծառերի եւ բուսատեսակների համար նախատեսված է նոր ոռոգման ցանց՝ կաթիլային համակարգով: Այգուկներդրվի լուսավորության նոր ժամանակակից համակարգ: Ամֆիթատրոնի հատվածում հնարավոր է լինելու անցկացնել միջոցառումներ:

Միաժամանակ ընկերության կողմից կիրականացվի տրամադրվող հողամասին կից «Մերգելյանի» այգու վերակառուցման (արդիականացման) աշխատանքները, ինչպես նաև մասնավոր ներդրումների հաշվին կիրականացվի այգու կանաչ գոտիների, ոռոգման ցանցի, ճեմուղիների, լուսավորության համակարգի պահպանումը, ընթացիկ նորոգումը և շահագործումը: Երևան քաղաքի Արաբկիր վարչական շրջանը կունենա պուրակ, որը կդառնա յուրահատուկ վայր բնակչության և զբոսաշրջիկների համար:

Այս թեմայով Առանց կարմիր գծերի. լրագրողներին էլ «բաժին հասավ». «Փաստ» Հայաստանը պետք է լինի առանց Նիկոլի. ակցիայի մասնակից Առաջիկա օրերն՝ առանց տեղումների, ջերմաստիճանը աստիճանաբար կբարձրանա Հենց հիմա որ ստեղ կանգնած ենք, էս տարածքը անցնելու ա Ադրբեջանին, բայց կադաստրով մերն ա (տեսանյութ) Ադրբեջանական զորքն առանց մեկ կրակոցի տեղավորվում է Տավուշի մեր դիրքերում. Կարեն Վրթանեսյան ԱՄՆ-ում կկառուցվի երկրի ամենաբարձր երկնաքերը Ոնց գնացել, ընտրել են Փաշինյանին, հըմիկ էլ թող հանեն. Փաշինյանն ամեն ինչ արել ա առանց հարցնելու «Ո՞վ կարող է Եկեղեցու դռները փակել մեր առջև` ոչ ոք», «Տարածքը փակ է, 1 ժամից կարող եք Եկեղեցի գնալ» (տեսանյութ) Սողանք Տաթև-Լծեն ավտոճանապարհին․ փրկարարները սահմանազատել են տարածքը Փաշինյանական խունտան փորձում է առանց մեկ կրակոց արձակելու զրկել Հայաստանը պաշտպանունակության հնարավորությունից․ Արմեն Այվազյան