Անցնող շաբաթվա ամենակարևոր լուրերի ընտրանին

Ձեր ուշադրությանն ենք ներկայացնում անցնող շաբաթվա ամենակարևոր լուրերի ընտրանին: Եվ այսպես՝

Նոյեմբերի 13

ՀՀ Անվտանգության խորհրդի քարտուղար Արմեն Գրիգորյանը հեռախոսազրույց է ունեցել Իրանի Հանրապետության Ազգային անվտանգության բարձրագույն խորհրդի քարտուղար Ալի Աքբար Ահմադյանի հետ։ Հեռախոսազրույցի ընթացքում կողմերը քննարկել են Հայաստանի և Իրանի միջև տնտեսական հարաբերությունների զարգացման հեռանկարները։

Վարչապետ Նիկոլ Փաշինյանն ընդունել է գերմանական «Gerkan, Marg and Partners» ճարտարապետական ​​կազմակերպության ներկայացուցիչներ Թոբիաս Քայելին և Յոհան Ռաբեին։

Նոյեմբերի 14

ՀՀ ֆինանսների նախարար Վահե Հովհաննիսյանը հայտնել է որ ՊՆ 2024 թվականի բյուջեի ծախսերը կկազմեն 555 մլրդ դրամ, ինչը 37,7 մլրդ դրամով ավելի է 2023 թվականի համեմատ։

Նոյեմբերի 15

ԱԺ-կառավարություն հարցուպատասխանի ընթացքում Նիկոլ Փաշինյանը հերթական անգամ բողոքեց ՀԱՊԿ-ից՝ նշելով, որ ՀԱՊԿ-ն պատշաճ արձագանք չի տվել Հայաստանի անվտանգային մարտահրավերներին, և դա կրկնվել է մի քանի անգամ: Վարչապետը նշեց, որ հանրության համար էլ պարզ չէ, թե ինչու են ամեն անգամ գնում ու նույն բաները կրկնում` չստանալով ոչ մի արձագանք ու թողնում հետ գալիս:

Նույն օրը Նիկոլ Փաշինյանն ընդունել է Վրաստանի պաշտպանության նախարար Ջուանշեր Բուրչուլաձեի գլխավորած պատվիրակությանը: Վարչապետի պաշտոնական կայքի հաղորդագրության համաձայն՝ Ն․ Փաշինյանը նշել է, որ Հայաստանի և Վրաստանի հարաբերությունները շարունակում են դինամիկ կերպով զարգանալ և հավելել, որ տարբեր ոլորտներում արձանագրվում է համագործակցության ընդլայնում: Նիկոլ Փաշինյանի խոսքով` դա ՀՀ կառավարության համար ունի մեծ կարևորություն և առաջնահերթություն:

Բրյուսելում ՀՀ ԱԳ նախարար Արարատ Միրզոյանը հանդիպել է ԵՄ հարևանության և ընդլայնման հարցերով hանձնակատար Օլիվեր Վարհեիի հետ: Հանդիպման ընթացքում քննարկվել են ՀՀ-ԵՄ գործընկերության ընդգրկուն օրակարգի հարցեր: Զրուցակիցները մտքեր են փոխանակել առկա երկխոսության և փոխադարձ հետաքրքրություն ներկայացնող ոլորտներում համագործակցության ընդլայնման հնարավորությունների շուրջ: Այս համատեքստում կարևորվել է նաև նոյեմբերի 15-ին Հայաստան-ԵՄ քաղաքական և անվտանգային հարցերով երկխոսության երկրորդ բարձրաստիճան նիստի անցկացումը Բրյուսելում:

Հայաստանում 2024 թվականից կսկսվի բժշկական ապահովագրության համակարգի փուլային ներդրումը։ Այս մասին նոյեմբերի 15-ին Ազգային ժողովի նիստում հայտարարել է Հանրապետության առողջապահության նախարար Անահիտ Ավանեսյանը։

Երևանին անվտանգության ոլորտում Եվրամիության հնարավոր աջակցության վերաբերյալ Բրյուսելյան քննարկումներից հետո  Հայաստանի կառավարությունը հաղորդեց՝ վարչապետ Նիկոլ Փաշինյանը չի մասնակցի հաջորդ շաբաթ Մինսկում կայանալիք ՀԱՊԿ-ի խորհրդի նիստին:

Նոյեմբերի 16

ՀՀ կրթության, գիտության, մշակույթի և սպորտի նախարար Ժաննա Անդրեասյանն ընդունել է Ֆրանկոֆոնիայի միջազգային խաղերի կոմիտեի տնօրեն Զեյնա Մինային։

Նոյեմբերի 17

Արդարադատության նախարար Գրիգոր Մինասյանը Աթենքում հանդիպել է Հանրային իրավունքի եվրոպական կազմակերպության ղեկավար (EPLO) Սփիրիդոն Ֆլոգաիտիսի հետ: Հանդիպմանը նախարարը ներկայացրել է արդարադատության ոլորտի բարեփոխումների օրակարգը: Քննարկվել է Հայաստանում Սահմանադրական բարեփոխումների ընթացքն ու այդ ուղղությամբ հնարավոր աջակցությունը:

Այս թեմայով Գազայում իսրայելական ուժերը ձերբակալում են անցակետով անցնող պաղեստինցիներին Դատարանը վերացրեց Աշոտյանի գործով անցնող Մարթա Սիմոնյանի երկրից չբացակայելու արգելքը Նոյեմբերի 13-ից 19-ը գրանցվել է 432 դեպք, որից 156-ը՝ արտակարգ. անցած շաբաթվա ամփոփում «Ումից, որ լսել եք, նրանից էլ հարցրեք». Ավանեսյանը` իր պաշտոնանկության հետ կապված լուրերի մասին Մեկ շաբաթվա ընթացքում Երևանի պարեկները հայտնաբերել են երթևեկության կանոնների 4634 խախտում ԱԱԾ-ի կազմում նոր ստորաբաժանում է ստեղծվել, որը կապահովի Հայաստանով անցնող միջազգային կոմունիկացիաների անվտանգությունը ՀՀ-ով անցնող միջազգային կոմունիկացիաներով կզբաղվի ԱԱԾ ստորաբաժանումներից մեկը․ ԱԺ նախագահ Կստեղծենք հատուկ ստորաբաժանում ՀՀ-ով անցնող միջազգային կոմունիկացիաների ապահովման համար․ Փաշինյան Ֆուտբոլի ազգային ընտրանին նահանջել է ՖԻՖԱ-ի դասակարգման աղյուսակում Երևանում մեկ շաբաթվա ընթացքում արձանագրվել է աղիքային վարակի 65, քիմիական թունավորումների 16 դեպք