Շոլցը կրկին հայտարարել է Պուտինի հետ զրուցելու իր պատրաստակամության մասին
Աշխարհ![Շոլցը կրկին հայտարարել է Պուտինի հետ զրուցելու իր պատրաստակամության մասին](/timthumb.php?src=disc/18-11-23/8b06fbe47665d37d430b185f86e296af.jpg&w=780)
Գերմանիայի կանցլեր Օլաֆ Շոլցը հերթական անգամ հայտարարել է, որ մտադիր է շարունակել երկխոսությունը ՌԴ նախագահ Վլադիմիր Պուտինի հետ։ Նրա խոսքերը հայտնում է ՏԱՍՍ-ը՝ DPA գործակալությանը հղումով։
«Ես կխոսեմ նրա հետ», - ասել է կանցլերը քաղաքացիների հետ հանդիպման ժամանակ: Միևնույն ժամանակ Շոլցը պարզաբանել է, որ չի տեսնում այնպիսի սցենար, որում Մոսկվան որևէ զիջման կգնա Ուկրաինայի հետ հակամարտության հարցում։
Նախկինում Շոլցը բազմիցս հայտարարել է, որ պատրաստ է շարունակել բանակցությունները Պուտինի հետ Ուկրաինայում իրավիճակի շուրջ։ Կանցլերը նշել է, որ նախկինում արդեն բանակցել է ՌԴ նախագահի հետ և ապագայում էլ կբանակցի, քանի որ իրավիճակը դա է պահանջում։ Այնուամենայնիվ, կանցլերը նշել է, որ բանակցությունները պահանջում են «Ռուսաստանի կողմից վճռական քայլ՝ զորքերի դուրսբերում»։ Շոլցի խոսքով՝ ռուսական կողմը հիմա պատրաստ չէ դրան։
![](banners/armflix.jpg)