«Գորիսը շուտով հեքիաթային տեսք կստանա, երեկոյան ժամերին կլուսավորվեն ժայռերը»․ Գորիսի համայնքապետարան
Լուսանկարներ![«Գորիսը շուտով հեքիաթային տեսք կստանա, երեկոյան ժամերին կլուսավորվեն ժայռերը»․ Գորիսի համայնքապետարան](/timthumb.php?src=disc/23-11-23/15f7983d0d87edad7906946e926a9252.jpg&w=780)
«Գորիսը շուտով երեկոյան ժամերին հեքիաթային տեսք կստանա, կլուսավորվեն Գորիսի ժայռերը»,- հայտնել է Գորիսի համայնքապետարանը։
«Ժայռերի լուսավորության ծրագրի նախագծային աշխատանքները ավարտական փուլում են, ավարտից հետո կմեկնարկեն լուսավորության անցկացման աշխատանքները: Լուսանկարներում լուսավորվող ժայռերի նախնական տեսքն է: Լույսերը լինելու են միագույն, սակայն հնարավոր է լինելու երանգները փոխել տարվա տարբեր եղանակներին համահունչ:
Ծրագիրը Գորիսի գրավչությունը էլ ավելի բարձրացնելու նոր հնարավորություն է, որն իրականացվելու է Գորիսի համայնքապետարանի կողմից՝ Գերմանական միջազգային համագործակցության ընկերության (GIZ) կողմից իրականացվող «Լավ կառավարում հանուն տեղական զարգացման Հարավային Կովկասում» ծրագրի շրջանակներում, Գերմանիայի տնտեսական համագործակցության և զարգացման դաշնային նախարարության աջակցությամբ և Հայաստանում՝ Շվեյցարիայի զարգացման և համագործակցության գործակալության (ՇԶՀԳ) համաֆինանսավորմամբ: Ծրագիրն իրականացվում է ՀՀ տարածքային կառավարման և ենթակառուցվածքների նախարարության (ՏԿԵՆ) հետ համատեղ»,- նշված է համայնքապետարանի հաղորդագրությունում։
![](disc/23-11-23/11db7493c4c59ec9240a9da2bd5fb550.jpg)
![](disc/23-11-23/5dee3085cda74f363822fe0e159502f6.jpg)
![](disc/23-11-23/418ecc21117723707546310c200a6b44.jpg)
![](banners/armflix.jpg)