Հեղափոխական պաշտոնյաների աշխատանքի ՕԳԳ-ն. Մուշեղ Մուրադյան

Շարունակելով անդրադառնալ հայ պաշտոնյաների աշխատանքի ընթացքում ի հայտ եկած կիքսերին, բացթողումներին և, անշուշտ, ձեռքբերումներին ու աշխատանքի դրական կողմերին՝ այսօր կանդրադառնանք Շիրակի մարզպետ Մուշեղ Մուրադյանին:

Ի տարբերություն մյուս մարզպետների՝ Մուրադյանի մոտ գոնե աշխատանքի իմիտացիա անելն է լավ ստացվում: Օրինակ՝ վերջինս որոշել է նոր գյուղ հիմնել, ինչպես ինքն է ասում՝ կատարել ջրաձորցիների երկար տարիների երազանքը: Կկատարի, թե ոչ՝ ժամանակը ցույց կտա, սակայն պաթոսախառն անոնսն արդեն արված է:

Ընդհանրապես մարզպետի ֆեյսբուքյան էջը լի է միայն վերջինիս կողմից հնչեցրած շնորհավորանքներով կամ տոնական առիթներով այս կամ այն հուշահամալիր այցելելություններով: Իսկ բուռն աշխատանքի իմիտացիայի կուլմինացիան, անշուշտ, մարզի մուտքի մոտ նոր ցուցանակն է, որի տեղադրումն այնպես են ներկայացրել, ասես լուծել են դոմիկներում մինչ օրս բնակվող հարյուրավոր քաղաքացիների՝ տասնյակ տարիներ ձգվող խնդիրը կամ մարզը ներդրումային բումի ռեկորդ է խփել։

Մարզպետը հպարտանում է նաև այն հանգամանքով, որ 2023 թվականի մայիսի 1-ի դրությամբ 2022 թ․ նույն ժամանակահատվածի համեմատ 103-ով ավելի ծնունդ է գրանցվել՝ ծնունդների թիվը 809 է եղել։ Թե ինչով է նպաստել դրան մարզպետարանը՝ դժվար է ասել: Նշենք, որ մարզպետի պաշտոնավարման առաջին 100 օրերի ընթացքում քաղաքացիների ընդամենը 5 այցելություն է կազմակերպվել, ինչն անչափ վատ ցուցանիշ է իրենց ժողովրդի ծոցից ելած իշխանություն անվանող քաղաքական ուժի ներկայացուցիչների համար

Սակայն, դրական քայլեր, անշուշտ, նույնպես արվել են, թեև դրանց թիվը կարող էր անգամներ շատ լինել: Մարզպետարանը լուրջ աշխատանք է տարել Արցախից բռնի տեղահանված քաղաքացիներին մարզում տեղավորելու նպատակով: Այսպես՝  հոկտեմբերի 3-ի դրությամբ հյուրանոցներում և հյուրատներում տեղավորված անձանց թիվը կազմել է 591։ Կեցության համար հարմարեցված ընդհանուր տարածքներում տեղակայվել են բռնի տեղահանված 126 քաղաքացի, 27-ը՝ Գյումրի ԲԿ-ի մասնաշենքում, 84-ը՝ Մարալիկի սոցիալական թաղամասում, 8-ը՝ Լանջիկում, իսկ 7-ը՝ Աշոցքի ճամբարում։ 3527 քաղաքացի բնակություն է հաստատել անհատական բնակելի տներում: Բացի այդ, Աշոցք համայնքի Ղազանչի բնակավայրում բացվել է երիտասարդական կենտրոն:

Մուրադյանի արտասահմանցի գործընկերներն, անշուշտ, շատ ավելի չնչին, նույնիսկ զավեշտալի առիթներով են հրաժեշտ տվել պաշտոնին: Մնում  է ուրախանալ, որ հայ պաշտոնյաներն առնվազն նման սկանդալների մեջ դեռևս չեն հայտնվել: Օրինակ՝ Միսուրիի նահանգապետ Էրիկ Գրեյթենսը հրաժարականի դիմում էր ներկայացրել սիրուհու հետ կապված սկանդալի ֆոնին: Մեքսիկայի Գերերո նահանգի ղեկավարն էլ հրաժարան էր տվել զանգվածային բողոքի ակցիաների ֆոնին:

Այս թեմայով Երևանում շարունակվում են անհնազանդության ակցիաները, փակ է Շիրակի փողոցը Հայոց Ցեղասպանության 109-րդ տարելիցի օրը հիշատակվեց և ոգեկոչվեց Շիրակի մարզում Ես երեկ ադրբեջանական կայքերն էի նայում՝ էդ Նիկոլին ոնց են գովում. Տիգրան Մուրադյան (տեսանյութ) Պաշտոնյաների ծախսերը՝ պետության հաշվին․ Մուշեղ Մուրադյան Շիրակի մարզի Ախուրյան համայնքի Գետք բնակավայրում փորձարկվելու է շչակ Շիրակի մարզպետի գլխավորությամբ Մարալիկում տեղի է ունեցել մարզխորհրդի արտագնա նիստը Շիրակի թեմի առաջնորդարանում հանդիպում է կայացել, քննարկել են հայրենատիրական պայքարի ձևավորման հարցը Շիրակի մարզում ձյուն է տեղում «Ժողովուրդ». Փաշինյանը պաշտոնա՞նկ կանի Շիրակի մարզպետին Արտուր Հարությունյանը նշանակվել է Շիրակի մարզի առաջին ատյանի ընդհանուր իրավասության դատարանի դատավոր