Գարդման-Շիրվան-Նախիջևան համահայկական միության հայտարարությունը կորսված գույքի վերադարձի խնդրի կապակցությամբ

Գարդման-Շիրվան-Նախիջևան համահայկական միությունը հայտարարություն է տարածել կորսված գույքի վերադարձի խնդրի կապակցությամբ։

«Ինչպես հայտնի դարձավ Հայաստանն Ադրբեջանի դեմ միջպետական 4–րդ գանգատն է լրացնում ՄԻԵԴ-ում՝ Լեռնային Ղարաբաղի գույքային իրավունքի վերականգնման հարցով։ Սեպտեմբերի 19-20-ի Լեռնային Ղարաբաղի դեմ սանձազերծված պատերազմի հետևանքով Լեռնային Ղարաբաղի ամբողջ հայությունը մի քանի օրերի ընթացքում ենթարկվեց էթնիկ զտման՝ զենքի սպառնալիքի տակ լքելով սեփական բնակավայրերը։ Բռնի տեղահանվածները ստիպված են եղել թողնել ողջ անշարժ գույքը, շարժական գույքի մի զգալի հատված։ Ճնշող մեծամասնությունը Հայաստան է հասել՝ զուրկ առաջին անհրաժեշտության պարագաներից։ Ուստի, գույքային իրավունքների պաշտպանության հարցը Լեռնային Ղարաբաղի մեր հայրենակիցների համար կենսական նշանակություն ունի։ 

Սակայն այս խնդրի կարևորությունը չի սահմանափակվում միայն սեպտեմբերյան իրողություններով և դրա համապատասխան հետևանքներով։ Այն մեծ կարևորություն ունի նաև մեր՝ պատմական Գարդմանի, Շիրվանի, Նախիջևանի տարածքից հայրենազրկվածներիս համար։ Մենք անհրաժեշտ ենք համարում, որպեսզի մեր գույքային իրավունքների խնդիրը ևս բարձրացվի, որովհետև 1988-1992 թթ․ Ադրբեջանի տարածքից բռնությամբ հեռացածներիս մեծամասնության մասնավոր սեփականության և գույքային իրավունքը արմատապես խախտվել է այն համատարած թալանի ու բռնությունների հետևանքով, որոնց մենք ենթարկվել ենք։ 

Ուստի, մենք ակնկալում ենք, որ մանրամասն հետազոտություն կանցկացվի 1988-1992 թթ․ Ադրբեջանի տարածքից բռնի տեղահանված հայ բնակչության կորցրած ունեցվածքի վերաբերյալ և միջազգային իրավապաշտպան կառույցներում կբարձրաձայնվեն նաև մեր ոտնահարված իրավունքների պաշտպանության և փոխհատուցման խնդիրները»,-ասված է հայտարարության մեջ։

Այս թեմայով ՀՅԴ Հայ դատի Եվրոպայի գրասենյակի նախագահ Գասպար Կարապետյանի հետ քննարկվել է Արցախահայության վերադարձի իրավունքի իրացման հրամայականը Ալիևը հերթական անգամ խոսում է «ՀՀ վերադարձի» մասին, որին ի պատասխան Փաշինյանը լուռ հեծանիվ է քշում․ Մանե Թանդիլյան Ապոլոն 11-ի վայրէջքի օրվա կապակցությամբ դեսպանությունն առաջարկում է դիտել հայ կինոռեժիսորների ֆիլմը Չվերթերի կուտակումն առաջացնում է ոչ պլանավորված խցանում․ «Զվարթնոց» օդանավակայանի հայտարարությունը Ֆոն դեր Լեյենը խոստանում է ԵՄ-ն վերածել պաշտպանական միության Պետքարտուղար Զեյայի այցի կապակցությամբ դեսպան Քվինն ընթրիքի էր հրավիրել մի խումբ կին առաջնորդների Վճռաբեկ դատարանի դատավորի տեղի համար թեկնածուների առաջադրման մասին ԱԺ նախագահի հայտարարությունը ՀՀ դեսպանը մասնակցել է Չեռնոգորիայի Պետականության օրվա կապակցությամբ կազմակերպված ընդունելությանը «Ոսկե ծիրան»-ի շրջանակում կբացվի «Կորսված ետնաբեմ» ֆոտոցուցահանդեսը Կոռուպցիայի դեմ պայքարին, ապօրինի ծագում ունեցող գույքի բռնագանձմանը և այլ ոլորտներին վերաբերող հարցեր են քննարկվել