Հեղափոխական պաշտոնյաների աշխատանքի ՕԳԳ-ն. Հակոբ Սիմիդյան

Շարունակելով վերլուծել բարձրաստիճան պաշտոնյաների աշխատանքի արդյունավետությունը՝ այսօր կանդրադառնանք շրջակա միջավայրի նախարար Հակոբ Սիմիդյանին:

Եվ այսպես, շաբաթներ առաջ պարզ դարձավ, որ ՀՀ հաշվեքննիչ պալատը 2022 թվականի ընթացքում խախտումներ է արձանագրել Հակոբ Սիմիդյանի գլխավորած ՀՀ շրջակա միջավայրի նախարարությունում: Մասնավորապես, ՀՀ շրջակա միջավայրի նախարարությունում անտառօգտագործման գործընթացի նկատմամբ կատարողականի հաշվեքննությամբ արձանագրվել է, որ, օրինակ, «Հայանտառ» ՊՈԱԿ-ի կողմից կնքված թվով 9 վարձակալության պայմանագրերում պետական սեփականություն հանդիսացող անտառների վարձավճարների՝ օրենսդրությամբ սահմանված նվազագույն չափը չպահպանելու արդյունքում, հաշվեքննողների հաշվարկներով, անտառտնտեսության թվով 5 մասնաճյուղերում ընդհանուր վարձակալված 36,7 հա անտառային հողատարածքներից 2019-2020թթ. ժամանակահատվածում 14,086.5 հազ. դրամի վարձավճարներ չեն գանձվել:

Հաջորդ լրջագույն խնդիրը, որը թերևս այդպես էլ չկարողացավ լուծել Հակոբ Սիմիդյանը, Սևանի կանաչելու և հավելյալ ջրառից խուսափելու խնդիրն էր: Ամիսներ առաջ ելույթ ունենալով ԱԺ-ում՝ հետևյալ հայտարարությունը արեց․ «Այս պահին ջրային ռեսուրսների վիճակը լավ չէ, մենք հիմա պարտավորված ենք Սևանից ջուր բաց թողնել ոռոգման համար, գյուղատնտեսությանը ոռոգման ջուր հասցնելու համար»,- և հավելեց, որ այդ մասով բազմաթիվ անելիքներ կան ամենապարզ խնդրից՝ սակավաջուր տարի ունենալու ընթացակարգերը պարզ գրելուց մինչև ոլորտային կարգավորումների սահմանում, քանի որ վերջիններս բավականին թերի են: «Այս տարի այդ իմաստով մեզ լավ տարի չի սպասում, և, ցավոք, Սևանը այս տարի էլ կկանաչի, և դժվարություններ կունենանք»,- հավելել էր նախարարը:

Սիմիդյանը հասցրել է առաջացնել նաև բնապահպանների զայրույթը: Բանն այն է, որ կառավարության կողմից Ամուլսարի հանքը շահագործելու թույլտվություն տալուց հետո նախարարը ռեզոնանսային հայտարարություն արեց՝ նշելով․ «Ընկերությունն ունի շահագործման թույլտվություն, կարող է շահագործել: Ես կոնկրետ տեղեկություն չունեմ, որովհետև խոսքը մասնավոր ընկերության մասին է»: Մինչդեռ թվում էր, թե Սիմիդյանն առաջին մարդն է, ով պետք է ամբողջական տեղեկություն ունենար այս մասով: Կարևորը, փաստորեն, թույլտվություն տալն էր։ Իսկ թե կշահագործվի, չի շահագործվի, Ամուլսարում ինչ է կատարվում, ինչով է զբաղված այդ ընկերությունը՝ նախարարը տեղյակ չէ: Թույլտվությունը տվել են ու կողքի քաշվել:

Մամուլը վերջերս անդրադարձել էր Սիմիդյանի գործունեությանը ՀՖՖ-ում՝ մի շարք ուշագրավ հանգամանքներ վերլուծելով:

Միևնույն ժամանակ պետք է փաստենք, որ բացթողումների կողքին առկա են նաև դրական և ողջունելի քայլեր: Դիցուք՝ նոյեմբերի 23-ին «ԵՄ կլիմայի համար» ՄԱԶԾ-ԵՄ և «Փարիզի համաձայնագրի ներքո Հայաստանի թափանցիկության ազգային շրջանակի կառուցում» (CBIT) ՄԱԶԾ-ԳԷՀ ծրագրերի շրջանակում կայացել է «Փարիզյան համաձայնագրի ներքո կլիմայի փոփոխության չափումների, հաշվետվայնության և հավաստագրման համակարգի խնդիրները. «Էներգետիկա» սեկտոր» խորագրով աշխատաժողովը:  Տեղի է ունեցել նաև Հայաստանի Հանրապետության «Կլիմայի մասին օրենքի» նախագծի վերաբերյալ ազգային աշխատաժողովը: Հայ-իրանական բարձրաստիճան և մոնիթորինգային աշխատանքների նախապատրաստական նիստի  արդյունքում ստորագրվել է կարևոր արձանագրություն:

Վերջում, ավանդույթի համաձայն, ընթերցողի ուշադրությանն ենք ներկայացնում հայ պաշտոնյաների արտասահմանցի գործընկերների հրաժարականի համար առիթ հանդիսացած պատճառները: Եվ այսպես՝ Մոլդովայի շրջակա միջավայրի նախարար Յուլիանա Քանտարաջիուն հրաժարական էր ներկայացրել ... քաղաքացիների կողմից ձմռան համար փայտ ձեռք բերելու նպատակով գործարկված կայքի շուրջ ծագած սկանդալի ֆոնին: Կայքը պարզապես չեն հասցրել գործարկել նախանշված ժամկետներում: Իր հերթին Ֆրանսիայի բնապահպանության նախարար Նիկոլաս Հուլոն հրաժարականի դիմում էր ներկայացրել այն պատճառով, որ իր և նախագահ Մակրոնի հայացքները բնապահպանության հարցում խիստ տարբերվում էին:

Այս թեմայով Երևանն ինչպես ուշացավ Լոնդոնում, այդպես էլ ուշանում է այս դեպքում․ Հակոբ Բադալյան Հակոբ Արշակյանի գլխավորած պատվիրակությունը Վոլոգդայի մարզում ներկա է գտնվել փառատոնի բացմանը Հայաստանում առկա է անվտանգության, արդարության և բարեկեցության դեֆիցիտ. Հակոբ Հակոբյան Հետաքրքիր է շատ. Հակոբ Բադալյան Բագրատ Սրբազանի պայքարը ազգային ճիչ . Հակոբ Այնթապլյան (տեսանյութ) ԱԺ նախագահի պարտականությունը ժամանակավորապես կկատարի Հակոբ Արշակյանը Հակոբ Արշակյանն ու Ուան Յենլին կարևորել են Հայաստանի և Չինաստանի միջև հնարավոր ուղիղ օդային չվերթների գործարկումը 13 առանձնատուն 3 միլիոն դոլարո՞վ․ հետաքրքիր է, ի՞նչ կարող է պարզել ծրագրի անկախ աուդիտը. Հակոբ Բադալյան Արշակյանն ու Հակոբ Ասլանյանը՝ Ինժեներական քաղաքի գիտության և տեխնիկայի թանգարանում 10-ամյա Հակոբ Մանուկյանը՝ Եվրոպայի գավաթակիր