Տավուշում կասեցվել է հանրային սննդի օբյեկտի արտադրական գործունեությունը
Հասարակություն![Տավուշում կասեցվել է հանրային սննդի օբյեկտի արտադրական գործունեությունը](/timthumb.php?src=disc/29-11-23/412d19d37c0d391a8d4040b51997cff7.jpg&w=780)
ՀՀ սննդամթերքի անվտանգության տեսչական մարմնի Տավուշի մարզային կենտրոնի տեսուչներն անհատ ձեռնարկատեր Արմինե Խաչատրյանին պատկանող հանրային սննդի օբյեկտում իրականացրած ստուգման ընթացքում պարզել են, որ այն գործում է իրավական ակտերով սահմանված սանիտարահիգիենիկ նորմերի խախտումներով (Տավուշի մարզ, գյուղ Աչաջուր):
Մասնավորապես՝
- սննդի կառույցը նախագծված, կառուցված ու տեղակայված չի եղել այնպես, որ հնարավոր լինի կիրառել հիգիենայի պատշաճ մեթոդներ՝ ներառյալ աղտոտումից պաշտպանումը և միջատների դեմ պայքարը,
- սննդի կառույցի հատակը, պատերը չեն ունեցել հարթ մակերես, չեն գտնվել նորոգ վիճակում, հեշտությամբ չեն մաքրվել, պատրաստված չեն եղել անջրանցիկ, չներծծվող, լվացվող նյութերից,
- Չի կանխարգելվել կամ նվազեցվել կեղտի կուտակումը, գոլորշու խտացումը, անցանկալի բորբոսների աճը և մասնիկների թափվելու հնարավորությունը,
- սննդամթերք պատրաստելու համար աշխատանքային մակերևույթները չեն գտնվել նորոգ վիճակում, հեշտությամբ չեն մաքրվել ու ախտահանվել,
- խոհանոցում բացակայել են ձեռքերի և հումքի լվացման լվացարանները, կառույցն ապահովված չի եղել անձնակազմի համար հանդերձարանով:
Հանրային սննդի օբյեկտի արտադրական գործունեությունը կասեցվել է, սահմանվել է ժամկետ հայտնաբերված խախտումները վերացնելու համար:
![](banners/armflix.jpg)