Գավառը հռչակվել է 2024 թ. երիտասարդական մայրաքաղաք

Հայաստանի 2024 թ. երիտասարդական մայրաքաղաք է հռչակվել Գավառը: Տեղեկությունը հայտնում է ՀՀ կրթության, գիտության, մշակույթի և սպորտի նախարարության մամուլի ծառայությունը։

Նշվում է, որ «ՀՀ 2024 թ. երիտասարդական մայրաքաղաք» մրցույթի արդյունքներն այսօր են ամփոփվել:

Մրցույթի համար հայտ էր ներկայացրել 5 քաղաք՝ Աբովյանը, Ալավերդին, Էջմիածինը, Գավառը և Վեդին։

«Փորձագիտական գնահատման և կարճ հաղորդագրությամբ (SMS) քվեարկության արդյունքների համադրմամբ մրցութային հանձնաժողովը Հայաստանի 2024 թ. երիտասարդական մայրաքաղաք է հռչակել Գավառը»,– նշված է հաղորդագրության մեջ:

ԿԳՄՍ նախարարի տեղակալ Արթուր Մարտիրոսյանն առաջարկել է ՏԻՄ–երի համար կազմակերպել դասընթացներ՝ երիտասարդական կյանքը ճիշտ կազմակերպելու, ռեսուրսներն արդյունավետ օգտագործելու նպատակով:

Գավառ համայնքի ղեկավարի առաջին տեղակալ Գրիգոր Դաշտոյանի խոսքով՝ այսօր Գավառում մեծ ծավալի աշխատանքներ են իրականացվում, և երիտասարդական մայրաքաղաք կոչումը լրացուցիչ պատասխանատվություն է՝ հավուր պատշաճի ներկայանալու նախատեսվող ծրագրերին և համայնքներում աշխուժացնելու երիտասարդական կյանքը:

Նշենք, որ «ՀՀ տարվա երիտասարդական մայրաքաղաք» մրցույթին մայրաքաղաք Երևանը չի մասնակցում: Նույն քաղաքը չի կարող երկու անգամ անընդմեջ հաղթող ճանաչվել:

Մրցույթն իրականացվում է 2014 թ. ի վեր։ ՀՀ առաջին երիտասարդական մայրաքաղաքը եղել է Սիսիանը, հաջորդը՝ Ստեփանավանը (2015), Գյումրին (2016), Չարենցավանը (2017), Իջևանը (2018), Վանաձորը (2019), 2020-ին մրցույթը չի կայացել, այնուհետև՝ Կապանը (2021), 2022-ին՝ Հրազդանը, 2023 թ.՝ Մեծամորը:

Այս թեմայով Վրաստանից ավտոստոպով Հայաստան եկած ու անհետ կորած օտարերկրացի աղջիկը գտնվել է Աբու Դաբիում կանցկացվի Հայաստան-ԱՄԷ գործարար համաժողով ՀՀ-ԱՄՆ գործընկերությունն օրեցօր ավելի է ամրապնդվում․ Սամանթա Փաուերն ամփոփել է Հայաստան կատարած այցը Հայաստան մտնող ֆինանսական հոսքերը շարունակում են կրճատվել․ 168.am Մահը բոլորիցս խլեց նվիրյալ զինակցին և պայքարի գաղափարական ընկերոջը. «Հայաստան» խմբակցություն Նիկոլ Փաշինյանը տիկնոջ և դստեր հետ վերադարձել է Հայաստան Կորած ամառը վերադառնում է Հայաստան. Գագիկ Սուրենյան Փաշինյանը Չեխիայի վարչապետի հետ Հայաստան-ԵՄ օրակարգն է քննարկել 115 000 արցախցիներ ստիպված էին փախչել Հայաստան՝ հալածանքների և ոճրագործությունների սպառնալիքի ներքո. Միրզոյան Հույս ունեմ Հայաստան-Ռուսաստան հարաբերությունների, խոսակցությունների ալգորիթմը փոխել. Գուրգեն Արսենյան