Գազայում մարդասիրական հրադադարը երկարաձգվել է (լուսանկարներ)

Իսրայելի և նրա վրա գրոհած ՀԱՄԱՍ ահաբեկչական կազմակերպության միջև պատերազմում հրադադարը երկարացվել է ևս մեկ օրով։ Ինչպես պարզաբանել է Քաթարի արտաքին գործերի նախարարությունը, որը հանդես է գալիս՝ որպես միջնորդ կողմերի միջև բանակցություններում, հրադադարը երկարաձգվել է մինչև հինգշաբթի՝ նոյեմբերի 30- ի օրվա ավարտը՝ «պահպանելով ներկա պայմանները»։ Ի թիվս այլ բաների՝ դա ենթադրում է Գազայի հատվածում բոլոր ռազմական գործողությունների դադարեցում և այս տարածք հումանիտար օգնության առաքում։ Այսպիսով, ժամանակավոր զինադադարի տեւողությունն ընդհանուր առմամբ կկազմի յոթ օր։

Նոյեմբերի 24-ից Գազայի հատվածում գործող հրադադարի երկարաձգման մասին տեղեկությունը հաստատել են ՀԱՄԱՍ-ի և Իսրայելի պաշտպանության բանակի ներկայացուցիչները։ «Հաշվի առնելով պատանդների ազատ արձակման գործընթացը շարունակելու միջնորդների ջանքերը և համաձայնագրի պայմաններին համապատասխան՝ օպերատիվ դադարը կշարունակվի», - ասված է Իսրայելի պաշտպանության նախարարության մամուլի ծառայության հաղորդագրության մեջ։ Մինչդեռ Իսրայելը հաստատել է ՀԱՄԱՍ-ից նոր ցուցակի ստացումը պատանդների անուններով, որոնց ահաբեկիչները մտադիր են ազատ արձակել:

Ավելի վաղ Իսրայելի կառավարության անվտանգության հարցերով խորհրդական Մարկ Ռեգևը ամերիկյան CNN հեռուստաալիքի եթերում հաստատել էր, որ հրադադարը կերկարաձգվի ևս մեկ օրով, եթե ՀԱՄԱՍ-ը ազատի տասը իսրայելցի պատանդների։ «Հարցն այն է, թե արդյո՞ք ՀԱՄԱՍ-ը կհամաձայնի դրան», - ավելացրել է Ռեգևը:

Այս թեմայով Հարավային Կորեան 200 մլն դոլարի մարդասիրական օգնություն կտրամադրի Ուկրաինային Գազայում Նեթանյահուի մոտեցումը սխալ է. Բայդեն Գազայում զոհերի թիվը հասել է 33 360-ի (լուսանկարներ) Իսրայելի արտգործնախարարը Հռոմում կքննարկի Գազայում իսրայելցի պատանդներին ազատելու հարցը Իսրայելի ՊԲ-ն հայտնել է իր զոհերի և վիրավորների թիվը Գազայում հակամարտության սրվելուց ի վեր Իսրայելը հարձակվել է Գազայում գտնվող «Իսլամական ջիհադի» կենտրոնակայանի վրա Ռազմական գործողությունների մեկնարկից ի վեր Գազայում զոհվել է շուրջ 32․8 հազար մարդ ՀՀ Կառավարությունը մարդասիրական օգնություն է ուղարկել Գազայի բնակչությանը Եվրանեսթ ԽՎ-ն ԵՄ-ին կոչ է արել մեծացնել մարդասիրական օգնությունը ԼՂ-ից բռնի տեղահանված անձանց Գազայում սով է սպասվում. ԱՀԿ