ՀՀ պատվիրակությունը Հաագայում ընդգծել է քիմիական ահաբեկչության դեմ պայքարի կարևորությունը

Ս․թ․ նոյեմբերի 27-ից դեկտեմբերի 1-ը Հաագայում տեղի ունեցավ Քիմիական զենքի արգելման կազմակերպության (ՔԶԱԿ) մասնակից պետությունների համաժողովի 28-րդ նստաշրջանը։ Այս մասին հայտնում են Նիդերլանդներում ՀՀ դեսպանությունից:

Համաժողովին մասնակցող հայկական պատվիրակության կազմում էին ՔԶԱԿ-ում Հայաստանի մշտական ներկայացուցիչ Վ․ Բիյագովը, ՀՀ արտաքին գործերի նախարարության միջազգային անվտանգության վարչության խորհրդական Ա․ Հովհաննիսյանը և ՔԶԱԿ-ում ՀՀ ՄՆ երրորդ քարտուղար Վ․ Քալաեջյանը։

Համաժողովին հնչեցվեց Հայաստանի ազգային հայտարարությունը, որում ընդգծվում էր Քիմիական զենքի արգելման կոնվենցիայի նշանակալի դերը՝ զանգվածային զենքերի չտարածման և դրանց ոչնչացմանն ուղղված միջազգային օրակարգում, Հայաստանի հանձնառությունը կոնվենցիայի արդյունավետ կիրարկման հարցում, ինչպես նաև ՔԶԱԿ շրջանակներում փոխշահավետ համագործակցության կարևորությունը։

ՔԶԱԿ-ում ՀՀ մշտական ներկայացուցիչն իր ելույթում ընդգծեց նաև ոչ պետական դերակատարների կողմից առկա վտանգին դիմակայելու, քիմիական ահաբեկչության դեմ պայքարի և Քիմիական զենքի արգելման կոնվենցիայի համընդհանուրացման կարևորությունը։

Նստաշրջանի ընթացքում տեղի ունեցան ՔԶԱԿ Գործադիր խորհրդի կազմում Արևելյան Եվրոպայի խմբի ներկայացուցիչների ընտրություններ, որի արդյունքում ընտրվեցին Լեհաստանի, Լիտվայի և Ուկրաինայի ներկայացուցիչները, ինչպես նաև հաստատվեց ՔԶԱԿ երկամյա բյուջեի ու ծրագրի նախագիծը։

Այս թեմայով Եղիշե Կիրակոսյանը գործուղվում է Հաագա ՀՀ ԱԳՆ-ն ամփոփում է Արարատ Միրզոյանի հագեցած այցը Հաագա Ադրբեջանն առ այսօր չի կատարել Հաագայի դատարանի` Լաչինի ապաշրջափակման վերաբերյալ որոշումը․ Ջուլհակյան Բաքուն հավաքել է ականները ՀՀ ինքնիշխան տարածքից. Հաագայում հայկական կողմն արձագանքում է Ադրբեջանին Հաագայի դատարանում ՀՀ ներկայացուցիչն ու իրավախորհրդատուները հակադարձում են Ադրբեջանի հայցին․ ուղիղ Հաագայի դատարանը MH17 գործով մեղադրյալներին մեղավոր է ճանաչել Հաագան հետևում է Բաքվին. Nederlands Dagblad օրաթերթ Հաագայի ՄԱԿ-ի միջազգային դատարանը Հայաստանին պարտավորեցրել է կանխել ադրբեջանցիների դեմ ռասայական ատելության հրահրումը Եղիշե Կիրակոսյանը կգործուղվի Հաագա. նա կմասնակցի Ադրբեջանի դեմ Հայաստանի հայցի վերաբերյալ որոշման հրապարակմանը Եղիշե Կիրակոսյանը մեկնում է Հաագա՝ Հայաստանի՝ Ադրբեջանի դեմ հայցով որոշման հրապարակմանը ներկա գտնվելու համար