«Հրապարակ». Ավետիք Չալաբյանին կրկին կկալանավորե՞ն

«Հրապարակ» թերթը գրում է. «Երեւանի Կենտրոն եւ Նորք-Մարաշ վարչական շրջանների ընդհանուր իրավասության դատարանում՝ դատավոր Մնացական Մարտիրոսյանի նախագահությամբ, դեկտեմբերի 5-ին եւ 8-ին տեղի կունենա «Համախմբում» շարժման անդամ, հասարակական-քաղաքական գործիչ Ավետիք Չալաբյանի գործով դատական նիստը։ Չալաբյանը մեղադրվում է Ագրարային համալսարանի ուսանողներին ընդդիմության հավաքին մասնակցելու նպատակով նյութապես շահագրգռելու համար: Նրա դեմ ցուցմունք էր տվել համալսարանի ուսխորհրդի նախագահ Թոռնիկ Ալիյանը:

Դեկտեմբերի 5-ի դատական նիստում Չալաբյանի պաշտպանները հանդես կգան պաշտպանական ճառով։ Լուրեր են շրջանառվում, որ իշխանությունը մտադիր է Չալաբյանին կրկին կալանավորել, եւ պատճառներից մեկը «Հայաքվե» նախաձեռնությունն է եւ դրա հետ կապված զարգացումները։

Հիշեցնենք, որ Չալաբյանը «Հայաքվեի» նախաձեռնողներից է: Չալաբյանի պաշտպան Վարազատ Հարությունյանը պատահական չի համարում, որ դատարանների ծանրաբեռնվածության ֆոնին դատավոր Մնացական Մարտիրոսյանը 3 օր ինտերվալով դատական նիստ է նշանակում, այսինքն` շտապում են։

«Ամսի 8-ի դատական նիստից հետո չեմ բացառում, որ Մնացական Մարտիրոսյանն արգելանքի տակ վերցնի Չալաբյանին՝ մինչեւ վճռի օրինական ուժի մեջ մտնելը»,- նշեց նա։ Շուրջ 3 ամիս կալանքի տակ մնալուց հետո, հիշեցնենք, Չալաբյանն ազատ էր արձակվել՝ 15 միլիոն գրավի դիմաց»:

Այս թեմայով Ավետիք Իսահակյանի կիսանդրին անտերության է մատնված Ավանում Երևանում կրկին էլեկտրական ենթակայան է այրվում. Կենտրոնում լույս չկար Կարմիր կորսետային զգեստով՝ խորը դեկոլտեով․ Քարդաշյանը իր համարձակ կերպարով կրկին ապշեցրել է երկրպագուներին Ադրբեջանը կրկին ապատեղեկատվություն է տարածում, թե ՀՀ-ն կրակել է իրենց դիրքերի ուղղությամբ «Հրապարակ»․ Ինչու չկայացավ երկկողմ հանդիպումը «ՀՐԱՊԱՐԱԿ»․ քաղաքական որոշում՝ տնտեսական ոլորտում «ՀՐԱՊԱՐԱԿ»․ ագրարային համալսարանի վիճակը ողբերգական է «ՀՐԱՊԱՐԱԿ»․ ԵՄ դեսպանը դիմել է ոստիկանություն Ամերիկացիները կրկին առաջարկում են նշաձող իջեցնել․ Անդրանիկ Թևանյան ՀՀ զբոսաշրջիկների թիվը չի դարձել 15 մլն․ Նիկոլ Փաշինյանը կրկին ստել է