Վերանայվում են ԱԱԾ մարմինների ծառայողների ատեստավորման հետ կապված կարգավորումները. նախագիծ

Կվերանայվեն Ազգային անվտանգության ծառայության մարմինների ծառայողների ատեստավորման հետ կապված որոշ կարգավորումներ:

«Ազգային անվտանգության մարմիններում ծառայության մասին» օրենքում փոփոխություններ և լրացումներ կատարելու մասին օրենքի նախագիծն ԱԺ պաշպանության և անվտանգության հարցերի հանձնաժողովի նիստում ներկայացրեց ՀՀ ազգային անվտանգության ծառայության տնօրենի տեղակալ Անդրանիկ Սիմոնյանը:

Օրինագծով առաջարկվում է վերացնել ԱԱԾ մարմինների ծառայողների կողմից արհեստակցական կազմակերպություններին անդամակցելու արգելքը:

«Նախագծով նաև վերանայվում են ԱԱԾ մարմինների ծառայողների ատեստավորման հետ կապված որոշ կարգավորումներ: Մասնավորապես՝ ծառայության ընդունվողների համար ատեստավորման ժամկետ է սահմանվում պաշտոնի նշանակվելուց հետո 3-9 ամիսը՝ գործող 3-6 ամսվա փոխարեն: Նախատեսվում է առաջխաղացման կարգով սպայական պաշտոնի նշանակված ծառայողների համար մինչև նոր պաշտոնում ատեստավորվելը պահպանել նախորդ պաշտոնի համար հաշվարկված հավելավճարը: Սահմանվում է բարձր պաշտոնի պարտականությունների ժամանակավոր կատարման ընթացքում ատեստավորված ծառայողին առաջխաղացման կարգով տվյալ պաշտոնին նշանակելու դեպքում նրա ատեստավորման արդյունքները պահպանելու վերաբերյալ իրավակարգավորում»,-ներկայացրեց ԱԱԾ տնօրենի տեղակալը:  

Ատեստավորման բացասական արդյունքի դեպքում կադրերի տրամադրության տակ թողնելու և ծառայությունից արձակելու վերաբերյալ կարգավորումները հանվում են՝ որպես հետևանք թողնելով հավելավճարի վճարումը դադարեցնելը, ինչպես նաև նվազեցնելով նոր ատեստավորում անցնելու համար մեկ տարվա ընթացքում դիմելու հնարավորությունների քանակը երկուսի փոխարեն 1 անգամ:

Վերանայվում են ԱԱԾ մարմիններում ծառայության ընդունվելու համար նախատեսված սահմանափակումները՝ հստակեցնելով օրենքով պարտադիր զինվորական ծառայությունից ազատված անձանց ծառայության ընդունվելու հետ կապված հարաբերությունները:

Նախագիծը հանձնաժողովում ստացավ դրական եզրակացություն, կքննարկվի ԱԺ լիագումար նիստում:

Այս թեմայով Ատեստավորման քննությունների բացարձակ գերազանցիկը. գնդապետ Տիգրան Հակոբյան Աշխատանքային իրավունքների պատշաճ իրացման հետ կապված մի շարք խնդիրներ շարունակում են արդիական մնալ. ՄԻՊ «Վարչապետի գավաթ»-ն ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան Հայաստանի լինելիության հարցն է որոշվում. ապագայի շատ կոնկրետ նախագիծ է դրվում սեղանին․ վարչապետ (տեսանյութ) 2026-ից սկսած դպրոցի ավարտական քննությունները կհանդիսանան նաև բուհի համար ընդունելության քննություններ. նախագիծ Բաղանիս-Ոսկեպար հատվածում այսօր նախատեսվում են սահմանազատման հետ կապված աշխատանքներ Սամվել Վարդանյանի հետ կապված պատմությունը՝ «լակմուսի թուղթ» հանրային տրամադրությունների առումով. «Փաստ» Արամ Հովհաննիսյանը պարգևներ է հանձնել Ոստիկանության մի խումբ ծառայողների Պապիկյանը հետևել է ԶՈՒ բարձրագույն և ավագ սպայական կազմերի ատեստավորման գործընթացի կրակային պատրաստության քննությանը Իրավական հիմք կունենան կերային հավելումների պետական գրանցման և ռեեստրի վարման հետ կապված հարաբերությունները