Լիտվայում առաջարկել են զինվորականներին ագելել Հայաստան մեկնել․ ԶԼՄ

Լիտվայի պաշտպանության նախարարությունը (ՊՆ) կազմել է այն երկրների ցանկը, որտեղ առաջարկվում է արգելել զինվորականներին ծառայությունից ազատ ժամանակ մեկնել։ Այս մասին, Lenta.ru–ի փոխանցմամբ, հայտնում է LRT-ն։

Այսպիսով, առաջարկվել է ոչ բարեկամ երկրների ցանկում ներառել Ռուսաստանը, Բելառուսը, Ղազախստանը, Ուզբեկստանը, Տաջիկստանը, Ղրղզստանը, Թուրքմենստանը, Հայաստանը, Ադրբեջանը, Վրաստանը, Հարավային Օսիան, Աբխազիան, Չինաստանը, Մոլդովան և Մերձդնեստրը։

Զինվորականները նաև չեն կարողանա մեկնել երկրներ, որտեղ հանրապետության արտաքին գործերի նախարարությունը խորհուրդ է տալիս չայցելել կամ անհապաղ հեռանալ։ Բացի այդ, փաստաթուղթը պետք է սահմանի, թե բանակում ծառայող քաղաքացիներին որ դեպքերում կարող է տրվել այդ երկրներ այցելելու թույլտվություն։ Սպասվում է, որ փոփոխություններն ուժի մեջ կմտնեն 2024 թվականի հունվարին։