Վիետնամում ուսուցչուհին կորցրել է գիտակցությունը աշակերտների կողմից ծեծի ենթարկվելուց հետո

Վիետնամում ուսուցչուհին կորցրել է գիտակցությունը աշակերտների կողմից ծեծի ենթարկվելուց հետո, գրում է Tuoi Tre News-ը։

Վիետնամի հյուսիսում գտնվող Վան Ֆու միջնակարգ դպրոցի աշակերտները փակ դասասենյակում անկյուն են գցել երաժշտության ուսուցչուհուն, վիրավորել նրան և առարկաներ նետել նրա վրա, հաղորդում են ԶԼՄ-ները: Ենթադրվում է, որ միջադեպը տեղի է ունեցել այն բանից հետո, երբ ուսուցչուհին երեխաներին արգելել է դուրս գալ դասարանից։

Ինչ-որ պահի ուսուցչուհին փորձել է գնալ դեպի դուռը և դուրս գալ միջանցք, սակայն աշակերտներից մեկը սանդալով հարվածել է նրա գլխին։ Դրանից հետո կինը կորցրել է գիտակցությունը։

Տեղի իշխանությունները մեկնաբանել են իրավիճակը և հայտնել, որ ուսուցչուհին նախկինում նախազգուշացումներ է ստացել աշակերտների նկատմամբ անպարկեշտ արտահայտություններ օգտագործելու համար:

«Դեպքի օրը նա նաև վիրավորել է երեխաներին, ինչի պատճառով նրանք նման կերպ են վարվել նրա հետ»,- ասվում է հաղորդագրության մեջ։

Այս թեմայով «Հրապարակ». ՔՊ-ին աջակցելու համար ուսուցչուհին հեռախոս է նվեր ստացե՞լ Դիմումիս համաձայն ազատվել եմ աշխատանքից և գնում եմ ընկերներիս հետ պայքարելու․ ուսուցչուհի Թիվ 122 դպրոցի տնօրենի կողմից ուսուցչուհուց ենթադրյալ կաշառք վերցնելու նյութն ուղարկվել է ՀՀ ոստիկանություն