Հեղափոխական պաշտոնյաների աշխատանքի ՕԳԳ-ն. Ասլան Ավետիսյան

Շարունակելով ներկայացնել հեղափոխական պաշտոնյաների աշխատանքի արդյունավետությունը՝ այսօր կանդրադառնանք Արարատի համայնքապետ Ասլան Ավետիսյանին:

Վերջին ՏԻՄ ընտրությունների արդյունքում Արարատի քաղաքապետ էր ընտրվել ՔՊ-ական Ասլան Ավետիսյանը: Իսկ ինչո՞վ է նա հայտնի: Ասլան Ավետիսյանն անցնում է Մարտի 1-ի գործով, տարիներ առաջ դատարանը հաստատված էր համարել մեղադրանքն առ այն, որ «Ասլանյանը 2008թ. մարտի 1-ին Երեւան քաղաքի Գրիգոր Լուսավորիչ փողոցում բռնություններով, ջարդերով, հրկիզումներով, բացահայտ հափշտակություններով, իշխանության ներկայացուցիչներին զինված դիմադրություն ցույց տալով, նրանց նկատմամբ հրազենի, պայթուցիկ նյութերի, որպես զենք օգտագործելու համար հարմարեցված տարատեսակ առարկաների գործադրմամբ խմբակային հարձակումներով իրականացված, ինչպես նաեւ մարդկային զոհերի պատճառ դարձած, զանգվածային անկարգությունների ժամանակ չի ենթարկվել իշխանության ներկայացուցիչ հանդիսացող ոստիկանության աշխատակիցների օրինական պահանջներին, այլ, ավելին, նման պահանջ է ներկայացրել նրանց` դիմելով անկարգությունների մասնակիցներին, կոչեր արել ոստիկանության աշխատակիցների պահանջներին ակտիվորեն չենթարկվելու, նրանց վրա հարձակվելու եւ բռնությամբ, ուժի գործադրմամբ Մյասնիկյանի արձանի եւ ՀՀ-ում Ֆրանսիայի դեսպանատան հարակից տարածքից «վռնդելու» եւ իր օրինակով հրահրել եւ ոգեւորել է մյուսներին, մոտեցել ոստիկանության աշխատակիցներին եւ բղավել՝ «թողեք, հեռացեք, հակառակ դեպքում՝ զոռով հանելու ենք ձեզ»»: Նա կես տարի անգամ ազատազրկվեց, հետո ստորագրությամբ ազատ արձակվեց: Սակայն 2021 թվականի մայիսին Ասլանյանն արդարացվել է, իսկ այժմ արդեն ոչ ավել, ոչ պակաս համայնքապետ է:

Ավետիսյանն ընտրվելուց խոստանում էր մի կողմ դնել եթե-ները և խնդիրներին օպերատիվ լուծումներ տալ: Պարզից էլ պարզ է, որ արարատցիների թիվ մեկ խնդիրն այսօր ոռոգման ջրի հարցն է, որը, կարծես թե, գրեթե մեկ տարի անց էլ լուծված չէ, հակառակ դեպքում` համայնքի բնակիչները չէին արտահայտի իրենց դժգոհությունը, այն էլ այդչափ բարձր և հրապարակային:

Մյուս կարևորագույն և դեռևս չլուծված խնդիրը՝ տրանսպորտի խնդիրն է, որը մշտապես եղել է արարատցիների աքիլեսյան գարշապարը, սակայն 10 ամսից ավել ղեկավարող Ասլան Ավետիսյանն այդպես էլ ձեռնամուխ չի եղել քաղաքի տրանսպորտային ցանցի բարեփոխմանը: Մեծածավալ աշխատանքների մասին հաշվետվությունների փոխարեն՝ Արարատի համայնքապետարանի պաշտոնական էջում տեսնում ենք միայն մշակութային միջոցառումների մասին ազդարարումներ և համայնքապետի շնորհավորական ուղերձներ: Գյուղացիների համար մատչելի պարարտանյութերի ձեռքբերման հարցը նույնպես օրակարգային է, սակայն այս մասին համայնքապետարանի էջում ընդամենը մեկ հիշատակում կա և հասկանալի չէ՝ գործընթացն առաջ գնում է, թե մյուս պրոցեսների պես դոփում է տեղում: 

Ուշագրավ են նաև համայնքապետարանի գնումները: Վերջերս 4500000 դրամի ուղևորափոխադրման ծառայություններ են գնվել «ՎԵԴՈՒ ԲԵՌՆԱՈՒՂԵՎՈՐԱՏԱՐ ԱՎՏՈՏՐԱՆՍՊՈՐՏԱՅԻՆ» ՍՊԸ-ից:

Մինչդեռ այս ընկերությունը տարիներ առաջ հայտնվել էր տեսչական մարմնի ուշադրության կենտրոնում։

Սակայն, բացթողումների և հարցեր առաջացնող քայլերի կողքին առկա են նաև դրական քայլերը: Դիցուք՝ մասնավորապես,  Արարատ համայնքի 2023 թվականի հունվար-նոյեմբեր ամիսների սեփական եկամուտների հավաքագրման ցուցանիշը գույքահարկի, վարձակալության վճարների և տեղական տուրքերի մասով կազմել է 1 112 277 863 ՀՀ դրամ, ինչը նախորդ տարվա նույն ամիսների ցուցանիշից ավելի է շուրջ 622 209 904 դրամով։ Բացի այդ, լուսավորության համակարգ է կառուցվել Սուրենավան բնակավայրի Բաղրամյան, Բակունցի, Մուրացան, Դուրյան, Արցախի, Այգեգործների, Շահումյան, Գալշոյան, Խաչատրյան նաև բնակավայրի եռահարկ շենքեր ունեցող փողոցներում։

Այս թեմայով Ռուբեն Վարդանյանը գնում է այս ծայրահեղ քայլին, որովհետև նրա մեջքին այդպես էլ հայկական պետությունը չկանգնեց. Հովհաննես Ավետիսյան Իրական ժողովրդավարությունը գոյություն ունի միայն այնտեղ, որտեղ որ բացառվում է մարդու շահագործումը, աղքատությունը․ Մհեր Ավետիսյան «Միասին» հասարակական շարժման նախաձեռնությամբ՝ Երևանում ՌԴ դեսպանության մոտ տեղի կունենա մոմավառություն․ Մհեր Ավետիսյան Շնորհավորում եմ և՛ Վլադիմիր Պուտինին, և՛ ռուս ժողովրդին․ Մհեր Ավետիսյան Արտակարգ իրավիճակների օդանավակայանը արդեն իսկ ամրացվել է ՊՆ-ին. Առնակ Ավետիսյան Հիմա էլ «մեղավորը» արտագնա աշխատանքի մեկնողնե՞րն են․ Թադևոս Ավետիսյան «Տաք» փողերը փախնում են Հայաստանից, հետևանքները չեն ուշանում. Թադևոս Ավետիսյան ՔՊ-ականների ուշագրավ գնումները՝ բյուջեի հաշվին. Ասլան Ավետիսյան 100 լավագույն ուսանող-մանկավարժներին իմ կողմից կշնորհվի Գրիբոեդովի անվան կրթաթոշակ. Մհեր Ավետիսյան Փաշինյանի թիմակիցների մանիպուլյացիաները. Ասլան Ավետիսյան