Միլիարդատերը որոշել է այգեպանին որդեգրել և իր կարողությունը նրան կտակել

Hermès նորաձեւության տան 80-ամյա ժառանգը որոշել է իր կարողությունը կտակել մարոկկացի այգեպանին եւ նրա ընտանիքին։ Այս մասին գրում է El País-ը։

Շվեյցարաբնակ ֆրանսիացի միլիարդատեր Նիկոլա Պուեշը 2014 թվականին լքել է աշխարհի հնագույն նորաձեւության տներից մեկի տնօրենների խորհրդի կազմը: Այնուամենայնիվ, դեռևս նրան է պատկանում Hermès-ի բաժնետոմսերի 5,7 տոկոսը: Պուեշի անձնական կարողությունը գնահատվում է մոտավորապես 10 միլիարդ եվրո։

Վերջերս հայտնի դարձավ, որ միայնակ ու անզավակ տղամարդն անսպասելիորեն որոշել է փոխել իր վերջին կամքը։ 2011 թվականի կտակի համաձայն՝ նրա կարողությունը պետք է անցներ Իսոկրատ բարեգործական հիմնադրամին։ Սակայն դեկտեմբերի սկզբին շվեյցարական լրատվամիջոցներին հայտնի դարձավ, որ դեռևս 2022 թվականի հոկտեմբերին Պուեշը նամակ է ուղարկել իր փաստաբանին՝ նշելով, որ մտադիր է որդեգրել իր այգեպանին և կարողությունը փոխանցել նրան։

Հավանական նոր միլիարդատիրոջ անունը չի հաղորդվում, սակայն հայտնի է, որ նա 51 տարեկան է, ծագումով Մարոկկոյից է և ամուսնացած է իսպանուհու հետ։ Զույգը երկու երեխա ունի։

Իսոկրատ հիմնադրամը դժգոհել է, որ Պուեշի որոշումը «հանկարծակի էր և միակողմանի»: Բացի այդ, նրանք ասել են, որ հիմնադրամի գործունեությունը՝ ի շահ հասարակության, այժմ «վտանգված է այնպիսի հանգամանքներով, որոնք չեն կարող վերահսկվել»։

Այս պահին կտակը փոխելու գործընթացը չի ավարտվել, և հայտնի չէ, թե կոնկրետ որքան գումար կստանա միլիարդատիրոջ այգեպանը։ 

Այս թեմայով Երկնաքերի գագաթին կառուցված $20 միլիոն արժողությամբ առանձնատան սեփականատերը գուցե երբեք չկարողանա այնտեղ ապրել Եվս մեկ միլիարդատեր հրաժարվել է ՌԴ քաղաքացիությունից 35-ամյա կինն ապացուցել է, որ ինքը միլիարդատեր Տոնինո Լամբորջինիի ապօրինի դուստրն է 2023 թվականին Forbes-ի ցուցակից 21 միլիարդատեր է մահացել Հայտնի են 2023 թվականի աշխարհի ամենահարուստ ընտանիքները Մահացել է եգիպտացի միլիարդատեր Ալ Ֆայեդը Միլիարդատերը պատասխանել է բլոգերի՝ իրեն 1 միլիարդ դոլար տալու խնդրանքին Եմենցի միլիարդատիրոջ որդին 15 տարի անց խոստովանել է, որ կապ ունի ուսանողուհու մահվան հետ Գերհարուստ մարդիկ բողոքել են մեկ խնդրից. CNBC Լոնդոնում մի խումբ երիտասարդներ գրավել են ռուս միլիարդատեր Օլեգ Դերիպասկայի առանձնատունը (լուսանկարներ)