Ստամբուլում 7 մագնիտուդ ուժգնությամբ երկրաշարժ կարող է լինել

Թուրք գիտնական, պրոֆեսոր Նաջի Գյորուրը «CNN Türk»-ին հայտնել է Թուրքիայի արևմտյան հատվածում գտնվող Ստամբուլի նահանգում հնարավոր երկրաշարժի շուրջ ունեցած իր անհանգստությունների մասին, հաղորդում է Ermenihaber-ը:

Գյորուրը նշել է, որ Ստամբուլում ամեն պահ ավերիչ՝ 7 մագնիտուդ ուժգնությամբ երկրաշարժ կարող է տեղի ունենալ, ինչպես նաև հավելել, որ այն ավելի հավանական է Ստամբուլի եվրոպական մասում:

Ըստ թուրք գիտնականի՝ նմանօրինակ հնարավոր երկրաշարժի վերաբերյալ ահազանգել են նաև մի շարք ամերիկացի մասնագետներ:

«Նրանց խոսույթի համաձայն՝ 1999-ի երկրաշարժերից հետո Մարմարայում 64 տոկոս հավանականությամբ երկրաշարժ կարող է տեղի ունենալ»,- հավելել է նա:

Բացի այդ, Գյորուրն ընդգծել է, որ վերոհիշյալ մասնագետների կողմից իրականացված հետազոտությունների վերանայումից հետո էլ երկրաշարժի հավանականությունը բարձր մնացել՝ կազմելով 47 տոկոս:

«Նույնիսկ եթե մետաղադրամը նետեք, այն նետում եք 50 հավանականությամբ: Քառասունյոթ տոկոսը մեծ հավանականություն է»:

Պրոֆեսորը նշել է հավանական ուժգին երկրաշարժի հարվածի տակ հայտնվելիք շրջանների անունները` Սիլիվրե, Բաքըրքյոյ, Զեյթինբուրնու և այլն:

Այս թեմայով Երկրաշարժ է տեղի ունեցել Իրանում Երկրաշարժ Ճապոնիայում Քիչ առաջ երկրաշարժ է գրանցվել Հայաստանում Մի անգամից 2 երկրաշարժ է գրանցվել ՌԴ տարբեր շրջաններում Երկրաշարժ՝ Բավրա գյուղից 17 կմ հյուսիս-արևելք Ադրբեջանում երկրաշարժ է տեղի ունեցել Ադրբեջանում երկրաշարժ է տեղի ունեցել Վրաստանում 4,2 մագնիտուդ ուժգնությամբ երկրաշարժ է տեղի ունեցել Ադրբեջանում երկրաշարժ է տեղի ունեցել Իրանում երկրաշարժ է տեղի ունեցել