Նյու Ջերսի նահանգը մտադիր է պատժամիջոցներ սահմանել Ադրբեջանի դեմ

Նյու Ջերսի նահանգի սենատոր Էնդրյու Ցվիքերի օրինագիծը, որն առաջարկում է Ադրբեջանի դեմ պատժամիջոցներ սահմանել մարդու իրավունքների խախտումների և, առաջին հերթին, հայտնի տնտեսագետ Գուբադ Իբադօղլուի ձերբակալության պատճառով, ներառվել է նահանգի Սենատի հանձնաժողովի օրակարգում։

Օրինագծում ասվում է, որ Նյու Ջերսի նահանգը «խորապես մտահոգված է» Ադրբեջանում ձերբակալված բժիշկ Գուբադ Իբադօղլուի վիճակով և իրավունքներով։

«Հաշվի առնելով, որ Նյու Ջերսիի օրենսդրությունն արգելում է կառավարության հարաբերություններն այլ երկրների հետ, որտեղ կան մարդու իրավունքների խախտումներ, ապա պետության շահերից է բխում նմանատիպ քաղաքականություն վարել նաև Ադրբեջանի նկատմամբ»,- ասվում է օրինագծում։

Ընդունման դեպքում կարգելվեն Ադրբեջանի հետ կապված ձեռնարկությունների հետ պետական ​​գործարքները։

Յուրաքանչյուր ոք, ով աշխատում է Ադրբեջանում կամ Ադրբեջանի հետ, կընդգրկվի ֆինանսների նախարարության ցուցակում և Նյու Ջերսի նահանգում նրան կարգելվի.

– պայմանագրեր կնքել պետական ​​մարմինների հետ։

– ունենալ հանրային աշխատանքի իրավունք։

– ստանալ սուբսիդիաներ տնտեսության զարգացման համար։

– ստանալ արտոնություններ համայնքային գույքահարկի գծով.

– դիմել կամ ստանալ հարկերից ազատման վկայական։

– ունենալ քաղաքաշինական աշխատանքի վկայական։

Բացի այդ՝ օրինագիծն արգելում է պետությանը ներդրումներ անել թոշակային ֆոնդերը ընկերություններում, որոնք ունեն Ադրբեջանի կառավարության բաժնետիրական կապիտալ։ 

Այն նաև արգելում է պետությանը և դրա փոխկապակցված կազմակերպություններին իրականացնել բանկային գործառնություններ, ունենալ բաժնետոմսեր, պարտատոմսեր կամ այլ կապիտալ ներդրումներ, կամ պահպանել ապահովագրական ծածկույթ՝ Ադրբեջանի կառավարության հետ բաժնետոմսով կապ ունեցող ֆինանսական հաստատության հետ։

Այս թեմայով Ադրբեջանի համար դեպի ԵԽԽՎ վերադարձի ճանապարհ չկա․ Ֆրանկ Շվաբե Ադրբեջանը Տավուշի 4 գյուղերը պահանջել է, ոչ թե սահմանազատման համար, այլ զոհվածների դիակների․ Նարինե Կիրակոսյան ՀՀ–ն և Ադրբեջանը հաստատել են, որ մասնակցելու են Ալմաթիի բանակցություններին. Ղազախստանի ԱԳՆ Ֆրանսիայի ՆԳՆ–ն Ադրբեջանին մեղադրել է անջատողականությանն աջակցելու մեջ Կոոպմանն Ադրբեջանում կառաջարկի ստեղծել ականազերծման գործողությունների եվրոպական խումբ 10 000 ադրբեջանցի ուսանող մասնակցել է «Արևմտյան Ադրբեջան» թեմայով օլիմպիադային, սա մարտահրավեր է (տեսանյութ) Փաշինյանը Բլինքենի հետ քննարկել է Հայաստան-Ադրբեջան խաղաղության գործընթացը Միրզոյանը Կատարի վարչապետին ներկայացրել է ՀՀ-Ադրբեջան հարաբերությունների կարգավորման գործընթացը Ագրեսիա Արցախի դեմ, սպանություններ, խոշտանգումներ. ԱՄՆ Պետդեպի զեկույցն Ադրբեջանի վերաբերյալ Ադրբեջանը պետք է հարգի մարդու իրավունքները․ Շոլց