Շան կծելու հետևանքո՞վ է լեռնագոգցի 44-ամյա կինը մահացել, նրա մոտ հայտնաբերվել է կատաղություն հիվանդություն. ՀԺ

Ամիսներ առաջ շան կծման հետևանքով վերջերս Ինֆեկցիոն հիվանդությունների ազգային կենտրոն տեղափոխված երիտասարդ կինն այս գիշեր մահացել է։ Նա Արմավիրի մարզի Լեռնագոգ համայնքից էր։

Տեղեկությունը «Հայկական ժամանակ»-ի հետ զրույցում հաստատեց համայնքի ղեկավար Սարգիս Մարգարյանը։

«Դեռ սեպտեմբերին էր շունը կծել նրան, բայց չեմ կարող ասել՝ դրանի՞ց է եղել մահը. տարբեր հարցերով ինքը դիմել է հիվանդանոց։ Որևէ խնդիր չէր եղել, վերքը առողջացել էր, փակվել, դրանից հետո մեջքի ցավի բողոքով էր դիմել բժշկի, հետազոտության արդյունքում արյան հետ կապված խնդիր չէին հայտնաբերել, հետո այլ խնդիրներ էր ունեցել։ Ընթացքում պարզվել էր, որ շան կծելու հետևանքով է, ինչ-որ հիվանդություն էր առաջացել, որի ախտանշանները մի քանի ամիս հետո են հայտնաբերվում։ Երկու օրից պետք է դատաբժշկական հետազոտությունը լինի, կիմանանք»,- ասաց նա։

Նրա խոսքով՝ համայնքում թափառող շների հետ կապված խնդիրը առկա է, սակայն նման դեպք առաջին անգամ է գրանցվում․ «Հիմա ես Երևանում եմ, այստեղ էլ շատ են թափառող շները։ Համայնքում փորձեցինք մրցույթ անել, տարեկան նախատեսել էինք 2 միլիոն դրամ, բայց մասնակից չեղավ։ Ով մասնակցեր, նա էլ համայնքի շներին կստերջացներ։ Բոլոր ժամանակներում էլ շների հետ կապված խնդիր ունենք»։

Առողջապահության նախարարի մամուլի խոսնակ Մարիամ Ծատրյանն էլ «Հայկական ժամանակ»-ի հետ զրույցում հայտնեց, որ 44-ամյա կնոջ մոտ առկա է եղել կատաղություն հիվանդություն։ 

Այս թեմայով Փոքրիկ շունն իր կյանքի գնով փրկել է տերերին թունավոր օձից Ավստրալիայում շունն ու կաչաղակը կվերամիավորվեն վարչապետի շնորհիվ Ամերիկուհին քնում է վանդակում և իրեն ներկայացնում որպես շուն Կինն իր ողջ կարողությունը կտակել է իր ընտանի կենդանիներին ԱՄՆ–ում շունը փրկել է իննամյա աղջկա կյանքը Շան հարձակման հետևանքով հիվանդանոց տեղափոխված կինը շարունակում է գտնվել ծայրահեղ ծանր վիճակում․ «Փաստնիֆո» Երևանում շան հարձակման հետևանքով երիտասարդ աղջիկ է տեղափոխվել հիվանդանոց․ «Փաստինֆո» Շուն դարձած ճապոնացին պարտվել է շներին Գյումրիում շները հարձակվել են 68–ամյա կնոջ վրա Կատաղած շան կծածից տուժած 4 երեխաներից 3-ը դուրս են գրվել հիվանդանոցից