ԿԳՄՍ նախարարությունը ցավակցական ուղերձ է հղել Նիկոլայ Ղազարյանի մահվան կապակցությամբ

ՀՀ կրթության, գիտության, մշակույթի և սպորտի նախարարությունը ցավակցական ուղերձ է հղել հայկական ֆուտբոլի լեգենդ, «Արարատ-73»-ի նախկին հարձակվող Նիկոլայ Ղազարյանի մահվան կապակցությամբ․

«Նիկոլայ Ղազարյանը միջազգային կարգի սպորտի վարպետ է, ՀՀ ֆիզիկական կուլտուրայի և սպորտի վաստակավոր գործիչ: 2013 թվականի հոկտեմբերի 10-ին հայկական ֆուտբոլի զարգացման գործում ներդրած նշանակալի ավանդի և ձեռք բերած փայլուն նվաճումների համար պարգևատրվել է «Հայրենիքին մատուցած ծառայությունների համար» 1-ին աստիճանի մեդալով: 1973 թվականին Երևանի «Արարատի» կազմում դարձել է ԽՍՀՄ չեմպիոն և գավաթակիր, 1971 և 1976 թվականներին՝ արծաթե մեդալակիր։ «Արարատ» ակումբի կազմում անցկացրել է 295 խաղ՝ դառնալով 67 գոլի հեղինակ։

Հանդես է եկել ԽՍՀՄ պատանեկան, երիտասարդական և օլիմպիական հավաքականներում։ 1992 թվականից Հայաստանի Հանրապետության նորաստեղծ Ֆուտբոլի ֆեդերացիայի հիմնադիր անդամ էր: Եղել է Հայաստանի ֆուտբոլի ֆեդերացիայի առաջին նախագահը՝ այն ղեկավարելով մինչև 1994 թվականը։

ԿԳՄՍ նախարարությունն իր վշտակցությունն է հայտնում Նիկոլայ Ղազարյանի ընտանիքին, հարազատներին և մարզաշխարհի ներկայացուցիչներին»,- ասվում է նախարարության ցավակցական ուղերձում։ 

Այս թեմայով Մահացել է պրոֆեսոր Նիկոլայ Հովհաննիսյանը Ներքին զգացողություն ունեմ, որ այս տարվա Ջահերով երթը չի լինի պարզապես հերթական զբոսանքը Երևանի փողոցներով․ Էդգար Ղազարյան Մատով հետս չխոսաս. վիճաբանություն՝ Վահե Ղազարյանի և պահեստազորի գնդապետի միջև (տեսանյութ) Եկել եմ` ասեմ, որ ձեզ խաբող չկա. Վահե Ղազարյան Էդգար Ղազարյանը և Արթուր Խաչիկյանը հավաք են հրավիրում Եսայի քահանա Արթենյանին վաղը հրավիրում եմ հյուր․ Պետրոս Ղազարյան Ամերիաբանկի առաքելությունն է Հայաստանը վերածել տեխնոլոգիայի և նորարարության տարածաշրջանային նոր հանգրվանի․ Արմինե Ղազարյան Անշիրիմ թող մնան բոլոր նրանք, ովքեր հարգանք չունեն հերոսների շիրիմներին մատուցելու համար. Էդգար Ղազարյան Վահե Ղազարյանի հրամանով՝ Շիրակի մարզի ոստիկանապետ է նշանակվել Ձեր հատուկ նվիրումն ու ջերմությունն է երկարամյա պատմության ընթացքում պահպանել մեր ընտանիքների ամրությունը․ Վահե Ղազարյան