«Արարատ-73»-ը մեզ համար հաղթանակի հոմանիշ է. Կարեն Գիլոյանն ընդունել է լեգենդար ֆուտբոլիստներին

ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանն «Արարատ-73»-ի փառահեղ հաղթանակների 50-ամյակի շրջանակում ընդունել է թիմի լեգենդար ֆուտբոլիստներին: ԿԳՄՍ նախարարությունում հյուրընկալվել են Էդուարդ Մարկարովը, Սերգեյ Պողոսյանը, Սերգեյ Բոնդարենկոն, Նորայր Մեսրոպյանը և Արկադի Հարությունյանը:

ԿԳՄՍ նախարարի տեղակալ Կարեն Գիլոյանը ողջունել է հյուրերին և ընդգծել հայկական ֆուտբոլի տարեգրության մեջ «Արարատ-73»-ի նշանակալի դերակատարումը:

«Դուք այնպիսի տոն ու բերկրանք եք նվիրել մեր ազգին, որ մինչև հիմա ձեր նվաճումը բոլոր ժամանակների ամենավառ հաղթանակներից մեկն է: «Արարատ-73»-ը մեզ համար հաղթանակի հոմանիշ է, մեր սպորտի փառավոր ու պանծալի էջերից: Ձեր սխրանքը ոչ միայն չենք մոռացել, այլև շատ թանկ ենք գնահատում»,- նշել է Կարեն Գիլոյանը:

Փոխնախարարը նաև տեղեկացրել է, որ ՀՀ կառավարությունը՝ Հայաստանի ֆուտբոլի ֆեդերացիայի հետ համատեղ, նախատեսում էր կազմակերպել տոնական միջոցառում՝ «Արարատ-73»-ի հաղթանակների հոբելյանի առթիվ: Այն պետք է տեղի ունենար 2023 թվականի աշնանը, սակայն սեպտեմբերի 19-ի և դրան հաջորդած իրադարձությունների պատճառով տոնակատարությունները հետաձգվեցին: ԿԳՄՍ նախարարի տեղակալի խոսքով՝ միջոցառումը, ամենայն հավանականությամբ, կանցկացվի 2024 թվականի առաջին կիսամյակում:

Հիշեցնենք՝ 1973 թվականին «Արարատը» մեկ խաղաշրջանում նվաճել է Խորհրդային Միության գավաթն ու նաև արժանացել Խորհրդային Միության չեմպիոնի տիտղոսին:

ԿԳՄՍ նախարարի տեղակալի խոսքով՝ նախատեսվում է նաև հրատարակել Հայկական սպորտի տարեգիրք, որում «Արարատ-73»-ն իր ուրույն տեղն անպայման ունենալու է:

Հանդիպման ընթացքում լեգենդար ֆուտբոլիստները կիսվել են իրենց հուշերով, հետաքրքիր դրվագներ ներկայացրել իրենց մարզական անցյալից:

Այս թեմայով Արարատ Միրզոյանը պաշտոնական այցով կմեկնի Կատար Արևմուտքի համար Հայաստանը, ինչպես Ուկրաինան, ընդամենը մանրադրամ են ընդդեմ ՌԴ-ի և Իրանի․ Հայկ Բաբուխանյան (տեսանյութ) Եթե Արարատ Միրզոյանը չլիներ, դատախազությունն իրեն այլ կերպ կպահեր, տեսանյութում դեմք չի երևում (տեսանյութ) Վահագն Խաչատուրյանն ընդունել է նախարար Նարեկ Մկրտչյանին ՀՀ ֆինանսների նախարարն ընդունել է ԵՄ դեսպան Վասիլիս Մարագոսին Ես ամաչում եմ իմ այն գործընկերների համար, որոնք արդարացնում են Արցախի հայերի ցեղասպանությունը (տեսանյութ) Այն կտի մասին, թե իբր ադրբեջանական գազ է գնելու Հայաստանը․ Կարեն Վրթանեսյան Միրզոյանը և Սերբիայի ԱԳ նախարարը քննարկել են տարածաշրջանային հարցեր Մի ժամանակ «իգնոռ» էին անում, հիմա թեթևակի խոսքից բռնում-տանում են, դա վախի հետևանք է. քաղտեխնոլոգ (տեսանյութ) Սուրեն Պապիկյանն ընդունել է Եվրոպայի խորհրդի Երևանի գրասենյակի ղեկավարին