Հայաստանի և Ադրբեջանի միջև խաղաղության պայմանագիր կարող է ստորագրվել Ամանորից անմիջապես հետո. Коммерсантъ
Иностранный
Հայաստանի և Ադրբեջանի միջև խաղաղության պայմանագիր կարող է ստորագրվել Ամանորից անմիջապես հետո։ Այս մասին ասվում է Коммерсантъ-ի՝ «Խաղաղ ձեռքսեղմում» հոդվածում։
«Հայաստանի վարչապետ Նիկոլ Փաշինյանը երկօրյա այցով մեկնել է Ռուսաստան, որի ընթացքում Սանկտ Պետերբուրգում ԱՊՀ ոչ պաշտոնական գագաթնաժողովում սեղմել է Ադրբեջանի նախագահ Իլհամ Ալիևի ձեռքը։ Կողմերը շարունակում են ակտիվորեն աշխատել խաղաղության պայմանագրի վրա, որը կարող է ստորագրվել «Ամանորից անմիջապես հետո»: Մեկ օր առաջ պարոն Փաշինյանը մասնակցել է Եվրասիական տնտեսական միության (ԵԱՏՄ) գագաթնաժողովին, որի նախագահությունը 2024 թվականին կանցնի Հայաստանին։ Սանկտ Պետերբուրգում իր ելույթում Հայաստանի վարչապետը զգուշացրել է, որ ձգտելու է լուծել բացառապես տնտեսական խնդիրները և ճնշել ԵԱՏՄ-ն «քաղաքական և աշխարհաքաղաքական նպատակներով» օգտագործելու փորձերը»,-ասվում է հոդվածի նախաբանում։
«Տարվա ընթացքում Փաշինյանը ընդգծված հրաժարվեց ՀԱՊԿ և ԱՊՀ շրջանակներում հանդիպումներից։ Նոյեմբերին նա չգնաց Մինսկում կայանալիք ՀԱՊԿ գագաթնաժողովին՝ հույս հայտնելով, որ «որ ՀԱՊԿ գործընկերները ըմբռնումով կվերաբերվեն այս որոշմանը», իսկ հոկտեմբերին չմասնակցեց Բիշքեկում ԱՊՀ գագաթնաժողովին։
Երեքշաբթի Փաշինյանը կարճատև հանդիպում ունեցավ նաև Իլհամ Ալիևի հետ։ Ադրբեջանի նախագահը, որը այս ասոցիացիայի անդամ չէ, չի մասնակցել ԵԱՏՄ գագաթնաժողովին, բայց մասնակցել է երկրորդ միջոցառմանը` Ցարսկոյե Սելոյում ԱՊՀ-ի նախաամանորյա ոչ պաշտոնական գագաթնաժողովին։
Հանդիպման բացմանը Ադրբեջանի և Հայաստանի ղեկավարները միմյանց ողջունել են ձեռքսեղմումով։
«Այս պահին առանձին երկկողմ հանդիպումների պլաններ չկան։ Բայց գագաթնաժողով ավարտին բոլորը կկարողանան շփվել»,- բովանդակալից նշել է Դմիտրի Պեսկովը՝ դրանով իսկ հասկացնելով, որ Սանկտ Պետերբուրգում Ադրբեջանի և Հայաստանի ղեկավարների դեպքում հնարավոր է ցանկացած իմպրովիզացիա»,-գրում է պարբերականը։
Баку никогда не считал Арцах частью Азербайджана. "Коммерсантъ" развенчал тезисы Алиева
Для армянской стороны победа - это сохранить свой дом. Интервью Президента Армена Саркисяна российской газете «Коммерсантъ»
Самое популярное 
Шакира показала подросших сыновей от Пике
