Սննդաբանը ցրել է տոնական օրերին քաշ հավաքելու մասին հայտնի միֆը

Արձակուրդների ժամանակ քաշի ավելացումը սովորաբար այնքան փոքր է լինում, որ արտաքինից նկատելի չէ և առողջության վրա որևէ ազդեցություն չի թողնում, ասել է սննդաբան Ամանդա Բիվերը: Նա HuffPost-ի հետ զրույցում ցրել տոնական օրերին քաշի ավելացման մասին տարածված միֆը։

Բիվերը նշել է, որ արձակուրդների ժամանակ իսկապես հեշտ է գիրանալ, բայց սովորաբար խոսքը զանգվածի մասին է, որը հեշտությամբ հեռանում է, երբ վերադառնում ես սնվելու և ֆիզիկական ակտիվության սովորական ռիթմին։ Սակայն, շարունակել է դիետոլոգը, միլիոնավոր մարդիկ սխալմամբ կարծում են, որ տոնական օրերին գիրանում են, ուստի փորձում են շատ չուտել։ «Ցանկացած հնարավոր քաշի ավելացումից ավելի վատ կերած ուտելիքից ամաչելն է: Նման հույզերը հանգեցնում են նրան, որ մարդը խախտում է իր սննդակարգը, շատ է ուտում, հետո նորից խիստ սահմանափակում է իրեն և հետո նորից խախտում»,- բացատրել է Բիվերը:

Որպես ավելորդ քաշի ի հայտ գալու հիմնական պատճառ՝ մասնագետը նշել է սննդի նկատմամբ անառողջ վերաբերմունքը։ Նա խորհուրդ է տվել հանգստյան օրերին վայելել սիրելի ուտեստներն ու համեղ աղանդերները։ Նրա կարծիքով՝ երկարաժամկետ հեռանկարում օրական 500 կամ նույնիսկ ավելի հավելյալ կալորիաները չեն վնասի ո՛չ արտաքինին, ո՛չ առողջությանը։

Բացի այդ, Բիվերը խորհուրդ է տվել ուտել օրական երեք անգամ և համոզվել, որ յուրաքանչյուր կերակուր պարունակում է սպիտակուցներ, ճարպեր, բջջանյութեր և ածխաջրեր: Երկրորդ՝ դիետոլոգը խորհուրդ է տվել սննդակարգում ավելացնել ավելի շատ ընկույզ, մրգեր և բանջարեղենային աղցաններ, որոնք լավացնում են մարսողությունը և հագեցվածության զգացում են հաղորդում՝ կանխելով չափից շատ ուտելը։

Այս թեմայով Ինչպես վերահսկել ախորժակը․ սննդաբանի խորհուրդը Սննդաբանը նիհարել ցանկացողներին խորհուրդ է տվել դառը շոկոլադ օգտագործել Սննդաբանը նշել է սուրճի հնարավոր վտանգները օրգանիզմի համար Սննդաբանը թվարկել է այն մթերքները, որոնք նպաստում են երկարակեցությանը Սննդաբանը պատմել է, թե ինչպես կարելի է խուսափել ամանորյա տոներին ավելորդ քաշ հավաքելուց Սննդաբանը նշել է ամենաառողջարար բանջարեղենը Սննդաբանը նշել է այն մթերքները, որոնք օգնում են պայքարել սթրեսի դեմ Սննդաբանը խորհուրդ է տվել առողջ ըմպելիքներ ցուրտ եղանակի համար Սննդաբանը նշել է այն մթերքները, որոնք կօգնեն հաղթահարել անքնությունը Սննդաբանները նշել են մթերքները, որոնք նվազեցնում են սթրեսը և բարելավում քունը