Բարձրաստիճան պաշտոնյաների աշխատանքի ՕԳԳ-ն. Քաջայր Նիկողոսյան

Շարունակելով ներկայացնել հեղափոխական պաշտոնյաների աշխատանքի արդյունավետությունը՝ այսօր կանդրադառնանք Սպիտակի համայնքապետ Քաջայր Նիկողոսյանին:

Համայնքապետարանի պաշտոնական կայքից տեղեկանում ենք, որ նախորդ տարվանից ի վեր Նիկողոսյանը հասցրել է կանանց անակնկալ անել՝ մեկամսյակի կապակցությամբ, հանդիպել ՌԴ գլխավոր հյուպատոս Ռուսլան Կանդաուրովին: Բացի այդ, Սպիտակի համայնքապետարանի միջոցներով համայնքի 4 բնակավայրերում՝ Նոր Խաչակապում, Քարաձորում, Լեռնանցքում և Արջհովիտում, երեկ տեղադրվել են նոր տաղավարներ: Սպիտակի համայնքապետարանի աշխատակազմի մշակույթի, կրթության, սպորտի, երիտասարդության և տուրիզմի բաժնի աշխատակիցներ՝ Լուսինե Աբրահամյանը, Լիանա Գրիգորյանը և Անուշ Վարդանյանը, Սպիտակ համայնքի ղեկավար Քաջայր Նիկողոսյանի նախաձեռնությամբ, ճանաչողական այցով հյուրընկալվել էին «Սպիտակի խնամքի տանը»։  

Նիկողոսյանը հասցրել է նաև սկանդալի կիզակետում հայտնվել, իսկ ավելի ճիշտ՝ այս պատմության հերոսը նրա որդին էր: Ամիսներ առաջ հայտնի դարձավ, որ ձերբակալվել է Սպիտակ համայնքի ղեկավարի որդին՝ Գոռ Նիկողոսյանը։ Ոստիկանությունում նա խոստովանել է, որ  ինքն է ծեծել Սպիտակի բնակավայրերից մեկի՝ Սարամեջի վարչական ղեկավարի ամուսնուն՝ Էդգար Հովհաննիսյանին, ինչի հետևանքով վերջինս վնասվածքներով Սպիտակի հիվանդանոց է տեղափոխվել։ Նշենք, սակայն, որ այնուհետև Գոռ Նիկողոսյանն ազատ արձակվեց:

Ավելորդ չի լինի նաև նշել, որ Սպիտակում ՔՊ-ականների արշալույսներն այնքան էլ խաղաղ չեն: Իշխող կուսակցությունը Սպիտակում բաժանվել է թեւերի, որոնք միմյանց նկատմամբ հակամարտության մեջ են։ Սպիտակի ավագանու ՔՊ-ական անդամները բոյկոտում են ավագանու նիստերը, ինչի հետեւանքով ավագանու նիստեր տեղի չեն ունենում։ Սպիտակի ավագանիում ՔՊ-ն ունի ավագանու 16 անդամ, ընդդիմությունը՝ «Իմ հզոր համայնք» դաշինքը՝ 8 մանդատ, եւ մեկ մանդատ էլ՝ Դաշնակցությունը։ Ավագանիում պառակտվածության պատճառը համայնքապետի հետ է կապված, նիստերին մշտապես ներկայացողները համայնքապետ Քաջայր Նիկողոսյանի կողմնակիցներն են, մյուս մասն էլ, որ բոյկոտում է, ցանկանում է իրենցից մեկին տեսնել համայնքապետի պաշտոնում։ Սպիտակում անգամ լուրեր են շրջում, որ ընդամենը 1 տարի առաջ ընտրված համայնքապետը կարող է հրաժարական տալ, եթե այս վիճակը շարունակվի։ Սակայն, հաշվի առնելով, որ ՔՊ վարչության վերջին նիստի ժամանակ վարչությունն իր աջակցությունն է հայտնել Նիկողոսյանին, հրաժարական չի լինելու, կամ պայքարը ՔՊ-ի ներսում սրվելու է և բանը կհասնի ներթիմային բախման, կամ կրքերը, ինչպես ասում են, կհանդարտվեն, քանի որ վարչությունը՝ ի դեմս Փաշինյանի, հստակ մեսիջ հղեց, որ թևերի բաժանումը չի ողջունվում: Մինչ ՔՊ-ականները զբաղված են դասական աթոռակռվով՝ քաղաքի խնդիրները, որոնք գնալով կուտակվում են, սպասում են իրենց լուծմանը: Ստացվում է, որ ՔՊ-ականները, թեև հաղթանակ են տարել Սպիտակում և ստացել են սպիտակցիների վստահության քվեն, այսօր հիասթափեցնում են այդ նույն սպիտակցիներին՝ ներքին գզվրտոցը նախընտրելով քաղաքի կենսական խնդիրները լուծելուց:

Միևնույն ժամանակ օբյեկտիվությունը պահանջում է անդրադառնալ նաև այն դրական քայլերին, որոնք կատարվել են համայնքապետի կողմից: Դիցուք՝ Սպիտակի համայնքապետարանի և «Պլանետա մեչտի» ֆոնդի միջև համագործակցության շրջանակում հերթական անակնկալը մատուցվեց այս անգամ Սպիտակի քաղաքային գրադարանին, որի մանկական բաժնի ֆոնդը համալրվեց նոր գրքերով։ Բացի այդ, Հայաստանի տարածքային զարգացման հիմնադրամի «Բաղադրիչ 2» ծրագրի շրջանակում Սպիտակ համայնքի կողմից ներկայացված «Սպիտակ խոշորացված համայնքում կոմունալ և սանիտարական պայմանների բարելավում» ծրագրով համայնքը ձեռք է բերելու 3 նոր աղբատար մեքենա, 1 բազմաֆունկցիոնալ մեքենա, 1 ինքնաթափ մեքենա և 500 աղբարկղեր: Սպիտակ համայնքին արդեն տրամադրվել է նոր մոդելի աղբարկղերի առաջին խմբաքանակը:

Այս թեմայով Ցուցարարները փակել են Սպիտակ-Գյումրի ավտոճանապարհը Ես ոչ սև եմ, ոչ՝ սպիտակ, եռագույն եմ․ քաղաքացին՝ ոստիկանին (տեսանյութ) Ապարան-Սպիտակ ճանապարհն էլ փակվեց (տեսանյութ) Իսրայելի դեմ հարձակումը, ամենայն հավանականությամբ, կտևի մի քանի ժամ․ Սպիտակ տուն Գնել Սանոսյանը դիտարկել է միջպետական ավտոճանապարհի Սպիտակ-Վանաձոր հատվածի ճանապարհաշինական աշխատանքների ընթացքը ՃՏՊ Սպիտակ-Գյումրի ավտոճանապարհին․ կան տուժածներ Մարտի 7-ին ԱՄՆ-ն գրավոր կերպով նախազգուշացրել է ՌԴ–ին ահաբեկչական սպառնալիքի մասին․ Սպիտակ տուն ՃՏՊ Սպիտակ-Երևան ավտոճանապարհին․ կան տուժածներ Երևանի պարեկների ծառայության երեք դրվագ. հայտնաբերվել են թմրանյութ և սառը զենքեր Սպիտակում անհայտ անձինք են շրջում, հավաքագրում անձնական տեղեկություններ․ համայնքապետարան