Վանաձորցի 40-ամյա կնոջը կացնով հարվածելու, նրա նկատմամբ սպանության փորձ կատարելու համար մեղադրանք է ներկայացվել վերջինիս նախկին ամուսնուն

2024 թվականի հունվարի 2-ին Վանաձոր քաղաքի 40-ամյա բնակչուհին ոստիկանություն հաղորդում է տվել այն մասին, որ նույն օրը իրենց տանը կենցաղային հարցերի շուրջ վիճաբանել է նախկին ամուսնու հետ, ինչից հետո վերջինս կացնով, ձեռքերով և ոտքերով բազմաթիվ հարվածներ է հասցրել իրեն։

Դեպքի առթիվ ՀՀ քննչական կոմիտեի Լոռու մարզային քննչական վարչությունում նախաձեռնված քրեական վարույթի շրջանակներում կատարվել է դեպքի վայրի զննություն, որի ժամանակ հայտնաբերվել և առգրավվել է առերևույթ հանցագործության գործիք կացինը։ Վանաձորի բնակչուհին ճանաչվել է տուժող։

Քննությամբ ձեռք բերված նախնական տվյալներով պարզվել է, որ վերջինիս նախկին ամուսինը՝ 9 անգամ դատապարտված 43-ամյա անձը, հունվարի 2-ին՝ ժամը 15-ի սահմաններում, ալկոհոլի ազդեցության տակ Վանաձոր քաղաքի իրենց տանը վիճաբանել է նախկին կնոջ հետ, ապա ննջարանից վերցրել կացինն ու դրանով նախ մեկ անգամ հարվածել է վերջինիս  կրծքավանդակին, այնուհետև գլխով, ձեռքերով, ու ոտքերով՝  նրա մարմնի տարբեր հատվածներին՝ պատճառելով կրծքավանդակի աջ հատվածի պատռված վերք և գանգուղեղային տրավմա ախտորոշմամբ մարմնական վնասվածքներ։

Սակայն հանցագործությունը ավարտին չի հասել, քանի որ վանաձորցի կինը դիմել է փախուստի, իսկ նրա դուստրն օգնության է կանչել հարևաններին։

Ձեռնարկված անհետաձգելի քննչական, ինչպես նաև օպերատիվ-հետախուզականմիջոցառումների արդյունքում 43-ամյա տղամարդը նույն օրը՝  ժամը 15:57-ինհանցանք կատարած լինելու անմիջականորեն ծագած կասկածի հիմա վրա ձերբակալվել ու  ներկայացվել է վարույթն իրականացնող մարմնին։

Նախաքննությամբ ձեռք բերված փաստական տվյալների հիման վրա միջնորդություն է ներկայացվել հսկող դատախազին նրա նկատմամբ հանրային քրեական հետապնդում հարուցելու համար, որը բավարարվել է։ Տղամարդուն մեղադրանք է ներկայացվել ՀՀ քրեական օրենսգրքի 44-155 հոդվածի 2 -րդ մասի 9-րդ կետով (սպանության փորձը՝ մերձավոր ազգականի կողմից)։ Միջնորդություն է ներկայացվում դատարան՝ տղամարդու նկատմամբ կալանքը որպես խափանման միջոց ընտրելու վերաբերյալ։

Նախաքննությունը շարունակվում է։

Այս թեմայով 71-ամյա տղամարդը բռնել է 13-ամյա աղջկա ձեռքը, քաշել դեպի իրեն և փորձել անառակաբարո արարք կատարել 60-ամյա կինը նվաճել է «Միսս Բուենոս Այրես» տիտղոսը (լուսանկարներ, տեսանյութ) Թմրանյութերի առերևույթ գովազդով զբաղվելու մեղադրանքով կալանավորվել է Երևանի 19-ամյա բնակիչ Տավուշից բնակիչներ են բերվել Երեւան` Փաշինյանի հետ փակ հանդիպման համար. աղբյուր Ինչի՞ եք լռում, ինչի՞ հիմա չեք ասում, որ պետք է պայքարել երկրի համար. Տիգրան Վարդանյանը՝ Մկոյին Ադրբեջանը կարող է դեմպինգի դիմել եւ հայաստանյան շուկան գրավելու համար իջեցնել գազի սակագինը. փորձագետ (տեսանյութ) Անունով, կայքերով, իրենց կուսակցությամբ, ղեկավարով զրպարտելու համար պատասխան են տալու. Բագրատ Սրբազան (տեսանյութ) Բագրատ Սրբազանին «գործակալ ու Կրեմլից փող ստացող» անվանելու համար սկսվելու է դատական գործընթաց (տեսանյութ) Նշյալ անձը Բագրատ Սրբազանին մեղադրում է «ռուսական ԿԳԲ-ի գործակալ լինելու մեջ․ հաղորդում է ներկայացվել Կադիրովն իր 16-ամյա որդուն նշանակել է Պուտինի անվան համալսարանի համակարգող