Աշխարհահռչակ քարոզիչը խոշտանգել և բռնաբարել է հավատացյալներին

BBC-ն բացահայտել է աշխարհի ամենամեծ քրիստոնեական ավետարանական եկեղեցիներից մեկի հիմնադրի կոմից բռնության և խոշտանգումների ապացույցներ:

«Բոլոր ազգերի սինագոգ եկեղեցու» տասնյակ նախկին անդամներ, այդ թվում՝ հինգ բրիտանացիներ, հայտնել են, որ նիգերիացի քարոզիչ Թի Բի Ջոշուան մոտ 20 տարի դաժան հանցագործություններ է կատարել, այդ թվում՝ բռնաբարություններ և հարկադիր աբորտներ, Լագոսում գտնվող գաղտնի համալիրում:

Թի Բի Ջոշուան, ով մահացել է 2021 թվականին, խարիզմատիկ և չափազանց հաջողակ հեռուստաավետարանիչ էր, նրա քարոզները չափազանց տարածված էին միլիոնավոր լսարանի շրջանում, հիշում է BBC-ն։

BBC-ի երկամյա հետաքննության արդյունքում հաջողվել է հավաքել տասնյակ վկայություններ Ջոշուայի կողմից ֆիզիկական բռնության կամ խոշտանգումների մասին, այդ թվում՝ երեխաների նկատմամբ: Բազմաթիվ կանայք պնդում են, որ Ջոշուայի կողմից ենթարկվել են սեռական բռնության, որոշները պնդում են, որ նրանք բազմիցս բռնաբարվել են երկար տարիների ընթացքում «Բոլոր ազգերի սինագոգ եկեղեցու» համալիրի տարածքում:

 Շատերը BBC-ին պատմել են, թե ինչպես է Ջոշուան կեղծել իր «հրաշք բուժումները», որոնք հեռարձակվել են աշխարհով մեկ:

Ավելի քան 25 նախկին «աշակերտներ»՝ Մեծ Բրիտանիայից, Նիգերիայից, ԱՄՆ-ից, Հարավային Աֆրիկայից, Գանայից, Նամիբիայից և Գերմանիայից վկայություն են տվել BBC-ին եկեղեցում իրենց փորձառությունների մասին, որոնցից ամենավերջինը եղել է 2019 թվականին: Նամիբիայից Ջեսիկա Քայմուն ասել է, որ եկեղեցում անցկացրել է ավելի քան հինգ տարի: Նա հայտնել է, որ ինքը 17 տարեկան է եղել, երբ Ջոշուան առաջին անգամ բռնաբարել է իրեն: Եկեղեցում գտնվելու ընթացքում նա ստիպված է եղել հինգ անգամ աբորտ անել։ Մյուսները պատել են, որ իրենց մերկացել և ծեծել են մտրակներով:

Բրիտանացի քաղաքացիներից չորսը, ովքեր զրուցել են BBC-ի հետ, ասել են, որ եկեղեցուց փախչելուց հետո բռնության մասին հայտնել են Մեծ Բրիտանիայի իշխանություններին: Նրանց խոսքով, սակայն, որևէ քայլեր չեն ձեռնարկվել:

Նշվում է, որ «Բոլոր ազգերի սինագոգ եկեղեցին» չի արձագանքել այս մեղադրանքներին։

Այս թեմայով Ինչ կապ ունեն Եկեղեցու դեմ արշավի առաջամարտիկները Սորոսի հիմնադրամի հետ Այս արշավը մեր բոլորի դեմ է. Եկեղեցու կողքին պետք է լինեն նաև եկեղեցի կառուցած մեր ազդեցիկ հայերը. Վահե Հովհաննիսյան Բագրատ Սրբազանի ուղեկցությամբ ցուցարարները բարձրացան Եկեղեցի, նկարահանում թույլ չտրվեց «Ո՞վ կարող է Եկեղեցու դռները փակել մեր առջև` ոչ ոք», «Տարածքը փակ է, 1 ժամից կարող եք Եկեղեցի գնալ» (տեսանյութ) Ո՞նց եք մեր եկեղեցին թողնում թուրքին, յոթերորդ դարի եկեղեցի է․ տավուշցիներ (տեսանյութ) Չի կարող 7-րդ դարի եկեղեցի լինի և 1մետր այն կողմ լինի Ադրբեջան (տեսանյութ) Թուրքիայում ևս մեկ հայկական եկեղեցի է հանվել վաճառքի Նորանոր հաղթանակներ կարողանանք այս խաչի զորությամբ ունենանք. Աշոտ Երկաթի խաչը` հրապարակում (տեսանյութ) Շատ ենք հեռացել Եկեղեցուց, թող հայրենասիրության, ազգային արժեքների, ինքնության Հարություն լինի (տեսանյութ) Քննարկվել է Հայ Առաքելական և Վրաց Ուղղափառ եկեղեցիների միջև բազմադարյա համագործակցության պահպանումը