Փաշինյանի թիմակիցների մանիպուլյացիաները. Վահան Քերոբյան

Էկոնոմիկայի նախարար Վահան Քերոբյանը հպարտորեն հայտարարում է, որ ինքը երբեք չի ստել և ինքն իրեն չի հակասել: Ինչ խոսք, տեխնոլոգիաների դարում, երբ պաշտոնյայի ամեն խոսք ոչ միայն հիշվում է, այլև պահպանվում է նաև համացանցում, Քերոբյանի ասածը հաստատել կամ հերքելը որևէ խնդիր իրենից չի ներկայացնում: Եվ այսպես, ստե՞լ է արդյոք երբևէ ՔՊ-ական նախարարը:

Քերոբյանը խոստանում էր ուղիղ աշխատել փոքր և միջին ձեռնարկատերերի հետ, սակայն այսօր ՓՄՁ ոլորտը ամենաանտեսվածն է կառավարության կողմից։

Վահան Քերոբյանը պաշտոնն ստանձնելու առաջին իսկ օրվանից հանրությանը կերակրում է սահմանին հերթ կանգնած պոտենցիալ ներդրողների մասին գեղեցիկ հեքիաթներով` առանց դրանց առկայության որևէ փաստացի ապացույցի:

Զբոսաշրջությունն էլ նախորդ տարի, ըստ Քերոբյանի, ռեկորդային աճ էր արձանագրել՝ 319 տոկոս, ինչ խոսք նման թիվը զարմացրեց անգամ զբոսաշրջության կոմիտեին, քանի որ վերջիններս էլ տեղյակ չէին, թե ինչպիսի ցնցող արդյունքներ են արձանագրել տարվա կտրվածքով:

Էկոնոմիկայի նախարարը հայտարարում էր, որ գնաճի պայմաններում մարդիկ ավելի լավ են ապրում, քան մեկ տարի առաջ:  Թե որն է այս տնտեսական բանաձևի հիմքն ու տրամաբանությունը՝ դժվար է կռահել, սակայն հավատանք՝ եթե նման պնդում անում է ոլորտի ղեկավարը: Քերոբյանը նաև հայտարարում էր, որ Շվեյցարիան զարգացած տնտեսություն ունի, որովհետև վերջին 600 տարվա մեջ չի պատերազմել: Միևնույն ժամանակ, Քերոբյանը մոռանում է նշել շվեյցարական տնտեսության զարգացման մյուս հիմքերն էլ՝ կոռուպցիայի բացակայությունը, մենաշնորհների բացակայությունը, պետության աջակցությունը բիզնեսին, ճկուն բարեփոխումները: Պատերազմների բացակայության գործոնը վերը թվարկածի շարքում թերևս ամենավերջին գործոնն է:

Ամիսներ շարունակ նախարարը խոստանում է հայկական կողմի գնված լաստանավերի գործարկումը: Խոստումներով հանրությանը կերակրող պաշտոնյան շաբաթներ առաջ էլ հայտարարեց, որ լաստանավերը ձեռք բերվել են, մնացել է միայն Վրաստանում Փոթիի օպերատոր հանդիսացող հոլանդական APM ընկերության թույլտվությունը, որին իրենք րոպե առ րոպե սպասում են։ Մինչ օրս նրանցից որևէ նորություն չկա:

Վերջերս Քերոբյանը այցելել էր Գյումրի և այնտեղ նրա ներկայացրած ծրագիրը «Դիստրիկտ» էկո թաղամաս կառուցելու, մյուսը՝ «չոր նավահանգիստ» կամ արդյունաբերական պարկ հիմնելու մասին էր, որի հեղինակը ՀՀ կառավարությունն է։ Ի դեպ, գյումրեցիները տևական ժամանակ է՝ լսում են Վահան Քերոբյանի այս ծրագրի մասին, երբեմն ժպտում, ինչպես ժպտում էին ու հումոր անում Գյումրիում թռչող տրամվայի (Սքայ Գյումրի) ծրագիրը քննարկելիս։

2021-ի սկզբին նա հայտարարել էր, որ եթե երկնիշ աճ չլինի, ապա ինքը հրաժարական կտա։ 2021–ին ունեցանք երկնիշ աճ, բայց առաջին անհրաժեշտության տարբեր սննդամթերքների գների աճի տեսքով։ Երկնիշ տնտեսական աճ չկա, բայց նախարարը խոստման համաձայն հրաժարական չի տալիս։ Քերոբյանին պարբերաբար հիշեցվում էր, որ ինքը խոստացել է հրաժարական տալ, եթե երկնիշ աճ չլինի, բայց նա փորձում «կռուտիտ» լինել ու կառչած մնալ աթոռից՝ շարունակելով նոր հեքիաթները։

Շարունակելի...

Այս թեմայով ԱԳ փոխնախարարը ՆԱՏՕ-ի կենտրոնակայանում քննարկել է հայ-ադրբեջանական հարաբերությունները Կոստանյանը Կատարի ԱԳ փոխնախարարին ներկայացրել է «Խաղաղության խաչմերուկ»-ի սկզբունքները Վահան Կոստանյանը հանդիպում է ունեցել Սաուդյան Արաբիայի տեղեկատվական տեխնոլոգիաների նախարարի տեղակալ Ահմադ Ալ-Սայանի հետ Վահան Քերոբյանի նկատմամբ կիրառված տնային կալանքը երկարաձգվել է ևս 2 ամսով. պաշտպան «Ժողովուրդ». Վահան Քերոբյանի քրեական գործով համակարգիչներն են ստուգվում Վահան Կոստանյանը ելույթով է հանդես եկել ՄԱԿ եվրոպական տնտեսական հանձնաժողովի ԿԶՆ տարածաշրջանային ֆորումին «Ժողովուրդ». Կալանքի տակ գտնվող Վահան Քերոբյանի դեմ դատարան հայցեր են ներկայացվում Աշխարհը զգալիորեն հետ է ընկել 2030-ի օրակարգի իրականացումից. Կոստանյանի ելույթը ՄԱԿ-ում Շատ եմ ցավում, որ այս կադրային փոփոխությունը տեղի է ունենում. Փաշինյանը՝ Վահան Քերոբյանի մասին ՈՒՂԻՂ․ Վահան Քերոբյանի կալանավորման մանրամասները․ ասուլիս