Չեխիայում եւ Ֆրանսիայում նշում են Փարաջանովի 100-ամյակը

Աշխարհահռչակ հայ կինոռեժիսոր Սերգեյ Փարաջանովի ծննդյան 100-ամյակի կապակցությամբ Չեխիայի Ազգային կինոարխիվը նախաձեռնել է Վարպետի ֆիլմերի հետահայաց ցուցադրություն, հայտնում է orer.eu-ն։ 

2023 թվականի դեկտեմբերի 2-ից Փարաջանովի հայտնի չորս ֆիլմերը՝ «Նռան գույնը», «Մոռացված նախնիների ստվերները», «Սուրամի ամրոցի լեգենդը» եւ «Աշուղ Ղարիբը» կցուցադրվեն Պրահայի Պոնրեպո կինոթատրոնում մինչեւ 2024 թվականի փետրվարի 9-ը։ 

Հունվարի 19-ին, Ֆրանսիայում էլ Փարաջանովի 100-ամյակին նվիրված միջոցառումներ կլինեն։ Դրանցից առաջինը Լիոնից ոչ հեռու գտնվող Դեսինե քաղաքի «Տոբագան» թատրոնում «Նռան գույնը» պարային ներկայացման ցուցադրությունն է։ Այն հայ-ֆրանսիական համատեղ ծրագիր է։ Բեմադրիչը Ֆրանսիայում հայտնի պարուսույց Մուրադ Մերզուկին է։ Գաղափարի հեղինակը Սաթե Խաչատրյանն է, գեղարվեստական ղեկավարությունն իրականացնում է «Սատե-Ատգ» թատերական միրությունը, որը գործում է Ֆրանսիայում։ Միաժամանակ նաեւ տեղի կունենա լուսանկարիչ Զավեն Սարգսյանի լուսանկարների ցուցադրությունը, որում ներկայացված են Փարաջանովի լուսանկարները, կոլաժները, «Նռան գույնը» եւ այլ ֆիլմերի համար արված կոստյումտային էսքիզները։ Ցուցահանդեսը կգործի մինչեւ փետրվարի 4-ը, իսկ պաշտոնական բացումը կլինի հունվարի 19-ին։

Նշենք, որ այս պարային ցուադրությունը այս տարվա մարտի կեսերին կներկայացվի նաեւ Հայաստանում՝ Օպերայի եւ բալետի ազգային ակադեմիական թատրոնի բեմին։ 

Այս թեմայով Հնդկաստանի Նոիդա քաղաքում կցուցադրվի Սերգեյ Փարաջանովի «Նռան գույնը» ֆիլմը ՅՈՒՆԵՍԿՕ-ի կենտրոնակայանում կանցկացվեն Սերգեյ Փարաջանովի 100-ամյակին նվիրված միջոցառումներ Ֆրանսիայում մեկնարկել են Սերգեյ Փարաջանովի 100-ամյակին նվիրված միջոցառումները ՀՀ դեսպանն ընդգծել է Փարաջանովի դերը հայ և վրաց ժողովուրդների բարեկամության ամրապնդման գործում Հարգելի'ս, Փարաջանով լուսաբանեք. Արայիկ Հարությունյանը՝ խաղաղության պայմանագրի հարցին ի պատասխան Թբիլիսիում կնշվի Սերգեյ Փարաջանովի ծննդյան 100-ամյակը Շառլ Ազնավուրի և Սերգեյ Փարաջանովի ծննդյան 100-ամյա հոբելյաններն ընդգրկվել են ՅՈՒՆԵՍԿՕ-ի օրացույցում Մահացել է Սերգեյ Փարաջանովի կինը