Իրանը զոհաբերել է իր լավագույն ռազմական խորհրդականներին․ Աբդոլլահիան

Իրանի արտաքին գործերի նախարար Հոսեյն Ամիր Աբդոլլահիանը հայտարարել է, որ Իրանը զոհաբերել է երկրի լավագույն ռազմական խորհրդականների արյունը՝ օգնելու Իրաքին և Սիրիային ԴԱԻՇ ահաբեկչական խմբավորման դեմ պայքարում։ Այս մասին հայտարարել է Իրանի արտաքին գործերի նախարար Հոսեյն Ամիր Աբդոլլահիանը՝ վերջերս Դավոսի Համաշխարհային տնտեսական համաժողովի շրջանակներում ամերիկյան CNBC հեռուստաալիքին տված հարցազրույցում։

Նրա խոսքով՝ «իսրայելական ռեժիմը» և Գազայի հատվածում շարունակվող ցեղասպանությունը տարածաշրջանի «ապակայունացման արմատն են»։

Իրանական դիվանագիտության ղեկավարը խորհուրդ է տվել ԱՄՆ նախագահ Ջո Բայդենին և Սպիտակ տանը «իրենց ճակատագիրը չկապել» վարչապետ Բենիամին Նեթանյահուի ճակատագրի հետ։

«Միացյալ Նահանգները չպետք է, Բայդենը չպետք է կապի իր ճակատագիրը Նեթանյահուի հետ», - ասել է նա: «Բայդենի և Սպիտակ տան լայնածավալ համագործակցությունը Նեթանյահուի նման հրոսակների հետ՝ տարածաշրջանում անկայունության հիմքն է», - հավելել է նա:

Կարմիր ծովում լարվածության և Վաշինգտոնի մեղադրանքների մասին հարցին ի պատասխան՝ Ամիր Ադբոլլահիանն ասել է, որ ծովային անվտանգությունը Իրանի համար առաջնային նշանակություն ունի, քանի որ երկիրը նավթ է արտահանում:

«Եմենի և տարածաշրջանի այլ երկրների ժողովուրդները, ովքեր պաշտպանում են Պաղեստինի ժողովրդին, գործում են՝ ելնելով սեփական փորձից և սեփական շահերից, և նրանք մեզանից որևէ հրաման կամ հրահանգ չեն ստանում»,- ասել է արտգործնախարարը։

Պատասխանելով Իրաքում Իրանի հակաահաբեկչական հարվածների մասին հարցին՝ Ամիր Աբդոլլահիանն ասաց, որ անցյալ շաբաթ Իսլամական հեղափոխության պահապանների կորպուսի (ԻՀՊԿ) կողմից իրականացված հրթիռային հարվածները «համահունչ են ահաբեկչության դեմ պայքարին և օրինական ինքնապաշտպանությանը»:

Նա ասել է, որ Թեհրանը շատ «արտոնյալ հարաբերություններ» ունի իրաքյան կառավարության հետ: «Իրաքի պաշտոնյաները շատ լավ գիտեն, որ Իրանն այս երկրի անվտանգությունն իրենն է համարում, իսկ ահաբեկիչներն Իրանի ու Իրաքի ժողովուրդների և կառավարությունների ընդհանուր թշնամին են»:

«Մենք ոչ մի անհանգստություն չունենք, երբ խոսքը գնում է մեր ազգային շահերի պաշտպանության մասին ցանկացած որևէ այլ երկրի հետ»,- հավելել է նա։

Այս թեմայով Հյուսիսային Կորեան պատվիրակություն է ուղարկել Իրան Իրանի դեսպանն անդրադարձել է Ադրբեջանում իսրայելական բազաների առկայության մասին տեղեկությանը (տեսանյութ) Հայաստանի տարածքային ամբողջականությունը պետք է հարգվի, Իրանը դեմ է սահմանների փոփոխությանը․ դեսպան (տեսանյութ) Իրանը ցանկանում է ամրապնդել ռազմական համագործակցությունը Ռուսաստանի հետ ՄԱԿ-ի գլխավոր քարտուղարը դիմել է Իրանին և Իսրայելին ԱՄՆ-ն և Մեծ Բրիտանիան ընդլայնել են Իրանի դեմ պատժամիջոցները Իրանում հայտարարել են, որ պատրաստ են հարվածել Իսրայելի միջուկային կենտրոններին Իրանը Սիրիայից դուրս է բերում ԻՀՊԿ սպաների մի մասին՝ Իսրայելի հնարավոր հարվածի պատճառով Ի՞նչ է սպասվում Հայաստանին՝ Իրան-Իսրայել լայնածավալ պատերազմի դեպքում Իրանում հրապարակել են Իսրայելի վրա հարձակման ժամանակ ԱԹՍ–ների և հրթիռների արձակման կադրերը (տեսանյութ)