Արման Եղոյանը բարձր է գնահատել Լյուքսեմբուրգի մասնակցությունը ԵՄ դիտորդական առաքելությունում

Հայաստանի համար Լյուքսեմբուրգը բարեկամ երկիր է: Վերջին տարիներին, երբ մեր երկիրն անցնում էր բազմաթիվ դժվարությունների միջով, Լյուքսեմբուրգն առաջիններից էր աշխարհում, որ համապատասխան արձագանքեց ստեղծված մարտահրավերներին: Ողջունելով Լյուքսեմբուրգի ԱԳՆ քաղաքական տնօրենի տեղակալ Դեյվիդ Ուայսի գլխավորած պատվիրակությանը խորհրդարանում` ասել է ԱԺ Հայաստան-Լյուքսեմբուրգ բարեկամական խմբի անդամ, Եվրոպական ինտեգրման հարցերի մշտական հանձնաժողովի նախագահ Արման Եղոյանը, տեղեկանում ենք ՀՀ ԱԺ պաշտոնական կայքից։

Հունվարի 25-ին կայացած հանդիպմանը մասնակցել են ԱԺ Հայաստան-Լյուքսեմբուրգ բարեկամական խմբի անդամներ Հասմիկ Հակոբյանը եւ Արփինե Վարդանյանը:

Արման Եղոյանը բարձր է գնահատել Լյուքսեմբուրգի մասնակցությունը ԵՄ դիտորդական առաքելությունում: Պատգամավորի խոսքով առաքելությունը կարեւոր անվտանգային գործառույթ է իրականացնում Հայաստանի համար:

Արման Եղոյանը խոսել է տարածաշրջանում տիրող իրավիճակի մասին, կարեւորել ԵՄ անդամ երկրների, այդ թվում` Լյուքսեմբուրգի դերակատարությունը Հարավային Կովկասում խաղաղության եւ կայունության հաստատման գործում: Պատգամավորը հյուրերին ներկայացրել է ՀՀ կառավարության առաջարկած «Խաղաղության խաչմերուկ» նախագիծը:

Բարեկամական խմբի անդամ Հասմիկ Հակոբյանը, ողջունելով հյուրերին, բարձրաձայնել է 44-օրյա պատերազմից հետո ՀՀ ինքնիշխան տարածքի նկատմամբ ադրբեջանական ոտնձգությունները, Ադրբեջանում պահվող հայ գերիների հարցը: «Ադրբեջանը հետեւողականորեն շարունակում է ջնջել հայկական հետքը Լեռնային Ղարաբաղի տարածքից»,- ընդգծել է պատգամավորը եւ հավելել` բազմաթիվ ապացույցներ կան հայկական պատմամշակութային ժառանգության ոչնչացման վերաբերյալ: Հասմիկ Հակոբյանը մարտահրավերների հաղթահարման հարցում կարեւորել է միջազգային գործընկերների աջակցությունը:

Դեյվիդ Ուայսը նշել է, որ Լյուքսեմբուրգի եւ Հայաստանի միջեւ դիվանագիտական հարաբերություններն ավելի քան 30 տարվա պատմություն ունեն: «Ողջունելի է, որ արդեն Հայաստանում ունենք հավատարմագրված դեսպան. դա ցույց է տալիս մեր հանձնառությունը` զարգացնելու քաղաքական եւ տնտեսական հարաբերությունները»,- ընդգծել է հյուրը: Նա տեղեկացրել է, որ հետեւում են Հայաստանում տեղի ունեցող գործընթացներին եւ տեղեկացված են մարտահրավերների մասին: Կարեւորելով «Խաղաղության խաչմերուկ» նախագիծը` Լյուքսեմբուրգի ԱԳՆ ներկայացուցիչը նշել է, որ դա շատ կոնկրետ եւ հասկանալի առաջարկ է եւ իրենք աջակցում են դրա իրականացմանը:

Զրուցակիցներն անդրադարձել են թե' խորհրդարանական մակարդակում, թե' այլ ոլորտներում երկկողմ համագործակցության զարգացման հեռանկարներին:

Այս թեմայով Պետք է գործի լրագրողի աշխատանքի նկատմամբ օրինավորության ու բարեխղճության կանխավարկածը․ Արման Թաթոյան Իշխանությունն անում է Ադրբեջանի իրավազորությունը ճանաչող հայտարարություններ․ Արման Թաթոյան Արման Ծառուկյանը հայտարարել է, որ «խելագարվում է» ԱՄՆ-ում Անվտանգային անդառնալի հարցեր կարող են առաջանալ. Արման Թաթոյան (տեսանյութ) Սրբազանն ասաց ամեն ինչ. Արման Հովհաննիսյան Արման Տեր-Թովմասյանն ազատվել է «Ջրային Կառույցների» ՓԲԸ տնօրենի ժամանակավոր պաշտոնակատարի պաշտոնից Սրբազանն ասաց ամեն ինչ․ Արման Հովհաննիսյան Սեփական իրավունքների համար մարդկանց պայքարը բացարձակ արդարացի է․ Արման Թաթոյան Դանիական պատվիրակությունը Գորիսում ԵՄ դիտորդական առաքելության հետ պարեկություն է իրականացրել Դերասան Արման Նավասարդյանը Կիրանցում է (տեսանյութ)