Ի՞նչ անել, եթե դատական որևէ ծառայող կամ հենց դատավորը ձեզանից կամ այլ անձից կաշառք է պահանջել

Ի՞նչ անել, եթե դատական որևէ ծառայող կամ հենց դատավորը ձեզանից կամ այլ անձից կաշառք է պահանջել: Նաև ի՞նչ անել, եթե տեղյակ եք, որ ձեր կամ այլ գործով դատավորին զանգահարել են, ապօրինի միջամտել են գործի ընթացքին կամ դատավորը հովանավորում է գործով կողմերից մեկին։ Այս մասին տեղեկացնում է ԲԴԽ մամուլի ծառայությունը։

«Դատարանի գործունեությանը կամ գործի քննությանը խոչընդոտելու նպատակով ցանկացած միջամտություն, ինչպես նաև կաշառք տալը, ստանալը, կաշառքի միջնորդություն ներկայացնելը քրեորեն պատժելի արարքներ են։

Նման ցանկացած հանցագործության մասին տեղեկատվություն ունենալու դեպքում անհրաժեշտ է դիմել այս երեք մարմիններից մեկին` Ազգային անվտանգության ծառայություն, Հակակոռուպցիոն կոմիտե կամ Ոստիկանություն:

Իրավապահ մարմինների հետ կարող եք կապ հաստատել հետյալ միջոցներով․

ՀՀ Ազգային անվտանգության ծառայություն՝ Հասցե՝ Երևան, 0001, Նալբանդյան փողոց 104, հեռ. +37410 563515 էլեկտրոնային հասցե՝ [email protected]ին։

ՀՀ Հակակոռուպցիոն կոմիտե՝ Երևան, Վաղարշ Վաղարշյան 13, հեռ. 011900035 էլեկտրոնային հասցե՝ [email protected]

ՀՀ Ոստիկանություն՝ Հասցե՝ Երևան, 0025, Նալբանդյան փ. 130, հեռ. 1-02, էլեկտրոնային հասցե՝ [email protected]

Հանցանքի մասին հաղորդում կարող եք ներկայացնել ինչպես անձամբ՝ գրավոր կամ բանավոր եղանակով, այնպես էլ անանուն՝ ազդարարման համակարգի միջոցով՝ անանուն եղանակով հանցագործության հատկանիշներ պարունակող և միասնական էլեկտրոնային հարթակով (azdararir.am):

Եթե իրավապահ մարմինները հանցագործության մասին հաղորդմանը չտան պատշաճ ընթացք, ապա կարող եք բողոքարկել վերադասության կարգով, ինչպես նաև դիմել դատարան խախտված իրավունքների վերականգնումն ապահովելու նպատակով:

Եթե հանցագործության մասին հաղորդում ներկայացնել ցանկացող անձն ունի կասկածներ իր անվտանգության կամ հետագայում բարդությունների առջև կանգնելու մասով, ապա պետք է հիշել, որ Քրեական դատավարության օրենսգիրքը սահմանում է ինչպես հատուկ պաշտպանության միջոցների՝ վարույթում ներգրավված անձի, վերջինիս ընտանիքի անդամների և մերձավոր անձանց պաշտպանության վերաբերյալ, նաև նախատեսում է վերոհիշյալ անձանց պաշտպանության վերաբերյալ միջոցներ, որոնք պետք է լինեն համաչափ անձին սպառնացող վտանգի բնույթին և հնարավոր հետևանքներին:

Միևնույն ժամանակ, հարկ է նշել, որ սուտ մատնությունը` իրավասու մարմնին հանցագործության դեպքի կամ անձի կողմից հանցանք կատարելու մասին սուտ տեղեկություն տալը նույնպես քրեորեն պատժելի արարք է»։

Այս թեմայով Իրանի նախագահի հետ կապ հաստատել հնարավոր չէ․ առաջին կադրերը` ուղղաթիռի կոշտ վայրէջքի վայրից (տեսանյութ) Կիրանցիները հրաժարվում են որևէ պարագայում բացել ճանապարհը․ նրանք դեմ են միակողմանի զիջմանը (տեսանյութ) 101 գիտնական միացել է Բագրատ Սրբազանի շարժմանը Հենց հաշվեմ, պրծնեմ՝ կասեմ. ոստիկանապետը՝ ուժայինների քանակի մասին (տեսանյութ) ԵՊՀ-ում չկա և չի կարող լինել քաղաքական որևէ գործընթաց․ ԵՊՀ-ի հայտարարությունը ՌԴ ՊՆ կադրերի վարչության պետին կաշառք տալու գործով հայ գործարար է ձերբակալվել ԲԴԽ-ն 10-ից ավելի կին դատավորների ծանուցում է ուղարկել. հրաժարականի հետքերով. «Ժողովուրդ» Ձեզ չենք լքելու, հուսախաբ չենք անելու․ Մեր ուժը մեկ երկնքից է, մեկ՝ ձեզանից․ Բագրատ Սրբազանը՝ ժողովրդին Որևէ նախագահի աջակից իր առաջնորդի նկարը որպես պրոֆիլի նկար չի դնում իր էջին. Սրբազան (տեսանյութ) ՀԻՄԱ. Արմեն Աշոտյանի գործով դատական նիստը