«Նպաստի իրավունքը որոշվելու է ընտանիքի կողմից տնօրինվող եկամուտների հիման վրա»․ մանրամասներ

Ինչպես արդեն հայտնել ենք, վարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել է Անապահովության գնահատման նոր համակարգի հայեցակարգի նախագիծը: Այն մշակվել է վարչապետի հանձնարարականի համաձայն՝ 2021 թվականին ստեղծված միջգերատեսչական հանձնաժողովի կողմից: Հայտնում են վարչապետի աշխատակազմի մամուլի ծառայությունից։ 

Ներկայացնելով Անապահովության գնահատման նոր համակարգի հայեցակարգը՝ Աշխատանքի և սոցիալական հարցերի նախարարի տեղակալ Աննա Ժամակոչյանը նախ ներկայացրել է անապահովության գնահատման գործող համակարգում առկա խնդիրները՝ կապված համակարգի բանաձևի, հասցեականության և արդյունավետության հետ:

Աշխատանքի և սոցիալական հարցերի նախարարի տեղակալը մանրամասներ է ներկայացրել նոր համակարգի ներդրման քաղաքականության, նպատակների, նոր բանաձևի, համակարգի հիմքում դրված հիբրիդային ստուգման մեթոդի վերաբերյալ: Աննա Ժամակոչյանի ներկայացմամբ, գործող համակարգի բանաձևի թերությունը կայանում է նրանում, որ խոցելիության անուղղակի գնահատման հիմքով ենթադրյալ անապահովություն է չափվում և բանաձևի հիմքում եկամուտների հաշվարկը երկրորդական դեր է խաղում: «Ամենակարևոր բանը, որ պետք է փոխենք, բանաձևի փոփոխությունն է նոր համակարգում, այսինքն՝ ոչ միայն ընթացակարգերը, ոչ միայն թիրախի հարցը, այլ հենց բանաձևի տրամաբանությունը: Սա հաշվի առնելով՝ նոր բանաձևի հիմքում ընտրվել է միջոցների ստուգման հիբրիդային մեթոդը: Այս պահին ամենակարևորը բանաձևի տրամաբանության մեջ եկամուտների չափումը դնելն է, որպեսզի մեր անապահովության իրական պատկերը և գնահատված անապահովությունը տեսանելի և հասկանալի լինի, չափելի լինի այն քաղաքականությունը, որ վարում է Կառավարությունը»,- ասել է Աշխատանքի և սոցիալական հարցերի նախարարը: Աննա Ժամակոչյանի ներկայացմամբ, նոր մեթոդի միջոցով նպաստի իրավունքը որոշվելու է ընտանիքի կողմից տնօրինվող եկամուտների հիման վրա:

Որպես նոր համակարգի թիրախ, ըստ Աննա Ժամակոչյանի, վերցվում է մեկ չափահաս անդամին հավասարեցված անդամի հաշվով նվազագույն պարենային զամբյուղից ցածր ամսական եկամուտներ ունեցող ծայրահեղ աղքատ ընտանիքը: «Այս մոդելով առաջարկվում է թիրախավորել ծայրահեղ աղքատ խմբերին և հասնել այն նպատակին, որ Կառավարությունն իր առջև դրել է, այսինքն՝ ունենալ 0 տոկոս ծայրահեղ աղքատություն»,- ասել է նախարարի տեղակալը:

Նրա խոսքով՝ նոր համակարգի ակտիվացման խթանների շնորհիվ նաև անհրաժեշտ ջանքեր կներդրվեն անապահովության համակարգում հաշվառված ընտանիքների կարողությունների զարգացման միջոցով զբաղվածության ձեռքբերման և կենսապայմանների բարելավման ուղղությամբ: Ըստ Աննա Ժամակոչյանի, կիրականացվի ինտեգրված դեպքի վարում, այսինքն՝ ընտանիքների հետ համալիր կարիքների հիման վրա կտարվի սոցիալական աշխատանք:

Այս թեմայով ԼՂ-ից բռնահանված փախստականները ՀՀ-ում կստանան կենսաթոշակ և նպաստ. նախարար Կներդնենք բոլոր ջանքերն՝ ի նպաստ երկկողմ կապերի հետագա զարգացման․ Լեհաստանի դեսպանը՝ Փաշինյանին Բազմապատկել բոլորիս վճռականությունը՝ ի նպաստ մեր հայրենազրկված երեխաների կրթության. նախարարի ուղերձը Պետությունից նպաստ ստացողը չպետք է խաղա, բայց հիմա էլ ուրիշի քարտով են խաղում. Պապոյան Մարդը միլիոնատեր ա, Կենտրոնում ապրում ա, «Գելենվագեն» ա վարում, բայց մեզնից նպաստ ա ուզում (տեսանյութ) Առաջնահերթություն է, որ կանանց տրվի հնարավորություն՝ գիտելիքն օգտագործելու ի նպաստ երկրի Եթե գործատուն աշխատանքի ընդունի հաշմանդամություն ունեցող կամ նպաստ ստացող գործազուրկ ընտանիքի անձի, պետությունից աջակցություն կստանա Փոփոխություններ Հայաստանում, որոնք ուժի մեջ են մտնում 2023 թվականին Հունվարից քաղաքաբնակ չաշխատող մայրերը ևս կստանան խնամքի նպաստ. այն ավելացել է 3000 դրամով Հունվարի 1-ից հետո ծնված երեխաների համար մինչև 2 տարեկանը նպաստ կնշանակվի բոլոր մայրերին (տեսանյութ)