Բաքուն հաստատեց, որ Նիկոլ Փաշինյանը կատարում է Իլհամ Ալիևի պահանջը
Аналитический
Բաքվում ՀՀ վարչապետ Նիկոլ Փաշինյանի առաջարկին արձագանքել են սպառնալիքների ու մեղադրանքների նոր խմբաքանակով։ ԱՀ ԱԳՆ մամուլի քարտուղար Այխան Հաջիզադեն հայտարարել է, որ «Հայաստանի վարչապետի հայտարարությունը նպատակ ունի շեղել ուշադրությունը խաղաղության մասին երկկողմ համաձայնագրի նախագծի և Ադրբեջանի և Հայաստանի միջև միջպետական հարաբերությունների հաստատման գործընթացից»։ Հաջիզադեն հայտարարել է, որ «չնայած նշված համաձայնագրի նախագծի քննարկման հենց սկզբից հայկական կողմին ուղղված ադրբեջանական կողմի կոչերին՝ վերջ դնելու Ադրբեջանի տարածքային ամբողջականության և ինքնիշխանության դեմ շարունակվող պահանջներին՝ իր Սահմանադրության մեջ, օրենսդիր մարմնի մի շարք որոշումներում, ինչպես նաև 44-օրյա «Հայրենական պատերազմից» հետո տարբեր միջազգային ատյաններ դիմելիս, միջազգային կազմակերպություններում տարածված պաշտոնական նամակագրություններում և նամակներում, Հայաստանն այս ուղղությամբ դեռ գործնական քայլեր չի ձեռնարկել»։
Այսպիսով, ինչպես և գրել էինք՝ ապացուցվում է այն հանգամանքը, որ Նիկոլ Փաշինյանը Սահմանադրությունը փոխելու հարցը բերել է օրակարգ հենց Բաքվի պահանջով: Եթե դա այդպես չէ, ապա նրա թիմակիցներն այսօր ողջ օրվա ընթացքում ունեին հնարավորություն հակադարձելու Բաքվի պաշտոնյաներին, սակայն, փոխարենը ՔՊ-ականները, մեկը մյուսին հերթ չտալով, լծվել են նոր Սահմանադրության լոբբինգին՝ նշելով, որ Հայաստանի զինանշանը և օրհներգը ևս պետք է փոխվի: Սա ևս մեկ անգամ ապացուցում է այն փաստը, որ Նիկոլ Փաշինյանն ընդամենը կատարում է Իլհամ Ալիևի կողմից առաջ քաշված նախապայմանները՝ փորձելով վերացնել հայ ինքնության գլխավոր տարրերը: Ուշագրավ է ևս մեկ հանգամանք: Ինչպես տեսնում ենք՝ Բաքուն Երևանից պահանջում է հետ կանչել միջազգային դատարանում Ադրբեջանի դեմ ներկայացրած հայցերը: Հարց է առաջանում՝ իսկ գուցե այն հանգամանքը, որ ՀՀ իշխանությունները չեն շտապում օգտագործել Հռոմի ստատուտի ընձեռած հնարավորությունները, նշանակում է, որ պաշտոնական Երևանը պատրաստվո՞ւմ է կատարել Բաքվի նաև այդ պահանջը:
Самое популярное 
Победителем «Евровидения-2024» стал представитель Швейцарии: Армения заняла 8-ое место
