Նախարարներից ո՞վ հաջորդը հրաժեշտ կտա պաշտոնին

Այսօր առավոտվանից էկոնոմիկայի նախարարությունում քննչական գործողություններ են ընթանում։  Լրատվամիջոցները գրում են փոխնախարար Անի Իսպիրյանի ձերբակալության մասին, ով մինչ այդ ազատվել էր զբաղեցրած պաշտոնից: Ըստ նույն ԶԼՄ–ների` պաշտոնյաներն իրավապահների ուշադրության կենտրոնում են հայտնվել չարաշահումների կամ կոռուպցիոն գործարքների հետ կապված վարույթներով, գործով անցնում է նաև նախարար Վահան Քերոբյանը: Հիշեցնենք, որ ամիսներ առաջ հայտնի դարձավ, որ Հաշվեքննիչ պալատը էկոնոմիկայի նախարարությունում արձանագրել է 30 անհամապատասխանություն, տարբեր հաշվետվությունների և ֆինանսկան ցուցանիշների խեղաթյուրման 12 դեպք՝ 601 մլն դրամի չափով: Միևնույն ժամանակ, Հաշվեքննիչ պալատը խախտումներ է հայտնաբերել նաև առողջապահության և շրջակա միջավայրի նախարարություններում:

Դիցուք՝ Հաշվեքննիչ պալատը հանրայնացրել է Առողջապահության նախարարության 2022 թվականի պետական բյուջեի տարեկան մուտքերի ձևավորման և ելքերի իրականացման մասին եզրակացությունը: Հաշվեքննությունն ընդգրկող ժամանակաշրջանը 2022 թվականի հունվարի 1-ից 2022 թվականի դեկտեմբերի 31-ն է, կատարման ժամկետը՝ 2023 թվականի հունվարի 9-ից 2023 թվականի ապրիլի 30-ը ներառյալ: Եզրակացությամբ արձանագրվել է, որ 2022 թ.-ին, բացի տարեկան պետական բյուջեի ԱՆ համար նախատեսված շուրջ 117 միլիարդ 808 միլիոն 508 հազար դրամ գումարը, կորոնավիրուսային վարակի կանխարգելման, վերահսկման, բուժման և այլ համալիր միջոցառումների իրականացման շրջանակներում, նախարարության ներկայացմամբ, կառավարության 5 որոշումներով նախարարությանը հատկացվել է ևս 10 միլիարդ 466 միլիոն 626 հազար դրամ: Հաշվեքննությունից պարզ է դառնում, որ չնայած այն հանգամանքին, որ բժշկական ծառայությունների գների հաշվարկման մեթոդաբանությունը հաստատվել է դեռ 2019 թվականին, սակայն առ հաշվեքննության ավարտի օրն այն չի կիրառվում, նախարարությունը չի ապահովել նաև կառավարության 2004 թվականի մարտի 4-ի N 318 Ն որոշմամբ սահմանված բժշկական օգնության և սպասարկման գների հաստատման կարգի պահանջների կատարումը, ինչի հետևանքով բացակայում են ոլորտում ծառայությունների համար կիրառվող գների իրավամեթոդաբանական հիմնավորումները: Մեկ այլ անհամապատասխանության մասին ևս. պատվաստումների վերաբերյալ տվյալների (ըստ պատվաստվողների թվի, պատվաստման ժամանակահատվածի, պատվաստման փուլերի, պատվաստումն իրականացրած բուժհաստատության անվանման, պատվաստանյութի տեսակի) բացակայության պատճառով հնարավոր չի եղել ուսումնասիրել տվյալ միջոցառման շրջանակներում հատկացված միջոցների ծախսման ճշտությունը, քանի որ պատվաստումներ իրականացրած բուժանձնակազմի լրավճարի համար կատարված ծախսերը, համաձայն նախարարության կողմից տրված պարզաբանման, հնարավոր չէ արտահանել էլեկտրոնային առողջապահության համակարգից:

ՀՀ հաշվեքննիչ պալատը 2022 թվականի ընթացքում խախտումներ է արձանագրել Հակոբ Սիմիդյանի գլխավորած՝ ՀՀ շրջակա միջավայրի նախարարությունում: Մասնավորապես,  ՀՀ շրջակա միջավայրի նախարարությունում անտառօգտագործման գործընթացի նկատմամբ կատարողականի հաշվեքննությամբ արձանագրվել է, որ, օրինակ, «Հայանտառ» ՊՈԱԿ-ի կողմից կնքված թվով 9 վարձակալության պայմանագրերում պետական սեփականություն հանդիսացող անտառների վարձավճարների՝ օրենսդրությամբ սահմանված նվազագույն չափը չպահպանելու արդյունքում, հաշվեքննողների հաշվարկներով, անտառտնտեսության թվով 5 մասնաճյուղերում ընդհանուր վարձակալված 36,7 հա անտառային հողատարածքներից 2019-2020թթ. ժամանակահատվածում 14,086.5 հազ. դրամի վարձավճարներ չեն գանձվել:

Ինչպես տեսնում ենք՝ ՔՊ-ական երեք նախարարի գլխավերևում այս պահին մութ ամպեր են կուտակվում և վերջիններիս հետագա պաշտոնավարումը հայտնվել է լուրջ հարցականի տակ: Մամուլը վերջին շրջանում հաճախ էր անդրադարձ կատարում նրանց գործունեությանը՝ ընդգծելով, որ Նիկոլ Փաշինյանը դժգոհ է երեք նախարարների աշխատանքի արդյունավետությունից և նրանց փոխարինելու առիթ է փնտրում: Հաշվեքննիչ պալատի եզրակացությունները կարող են Փաշինյանի համար հենց այդ բաղձալի առիթը հանդիսանալ:

Այս թեմայով Ճապոնիայի կառավարության գլխավոր քարտուղարը և մի քանի նախարարներ հրաժարական են տվել Ամենահարուստ նախարարների թոփ 10-յակը Արցախի նախագահը նախարարներ է նշանակել, անունները հայտնի են «Ժողովուրդ». Իրավապահները կմտնեն ՔՊ. հարցաքննվելու են նախարարներ, պատգամավորներ Դո՛ւք՝ իշխանական պատգամավորներ, նախարարներ, կուսակիցներ, Նիկոլ ընտրողներ, էս տեսարաններից դուք գոհ ե՞ք. Սևակ Հակոբյան Մեկնարկել է Հայաստանի, Ռուսաստանի, Ադրբեջանի ԱԳ նախարարների հանդիպումը Հայաստանն ու Ադրբեջանն ունեն փոխըմբռնում, որ տրանսպորտային ուղիները պետք է ապաշրջափակվեն երկրների ինքնիաշխանության ներքո Խաղաղության պայմանագրի մասին հակասական մտքեր. Փաշինյանը խաբել է. մաս 103. «Ժողովուրդ» Հայաստանի և Ադրբեջանի ԱԳ նախարարները կհանդիպեն հոկտեմբերի 2-ին, Ժնեւում. ԱԳՆ ՀԱՊԿ ԱԳ նախարարներին ասում ենք՝ Նիկոլը իրավունք չունի ՀՀ-ի անունից հայտարարություններ անել