Պաբլո Էսկոբարի գետաձիերն սկսել են հարձակվել մարդկանց վրա

Թմրաբարոն Պաբլո Էսկոբարին պատկանող գետաձիերի սերունդներն սկսել են հարձակվել Կոլումբիայի բնակիչների վրա։ Այս մասին հայտնում է Daily Mail-ը։

Ներկայումս Կոլումբիայի գետերում ապրում և շարունակում է բազմանալ 169 առանձնյակ։ Երկրում չկան գիշատիչներ, որոնք կարող էին բնական ճանապարհով նվազեցնել «կոկաինային» գետաձիերի պոպուլյացիան, ուստի նրանք հայտարարվել են որպես ինվազիվ տեսակ, որը սպառնում է էկոհամակարգին:

Ըստ կոլումբիացիների՝ ժամանակի ընթացքում կենդանիները դարձել են անկանխատեսելի և ագրեսիվ։ «Դրանք շատ, շատ վտանգավոր են: Գետաձիերն սկսել են հարձակվել մարդկանց վրա»,- Fox News-ի թղթակցին ասել է տեղի բնակիչներից մեկը: Ըստ կոլումբիացիների՝ Էսկոբարի գետաձիերին հանդիպելիս ավելի լավ է թաքնվել՝ ողջ մնալու համար։

Պաբլո Էսկոբարը 1980-ականներին ապօրինի կերպով գետաձիեր է բերել Աֆրիկայից իր մասնավոր կենդանաբանական այգու համար: Ավելի ուշ չորս անհատներ մնացել են լքված կալվածքի մոտ գտնվող լճակում և սկսել են բազմանալ: Բնական թշնամիների բացակայության պատճառով նրանց թիվը գնալով ավելանում է։ Մասնագետները մտավախություն ունեն, որ 2040 թվականին Կոլումբիայում այդ կենդանիների թիվը կհասնի մեկուկես հազարի։

Այս թեմայով Կոլումբիայում թմրավաճառների սուզանավ է առգրավվել, որի մեջ եղել է 2,5 տոննա կոկաին և երկու դի Մահացել է Պաբլո Պիկասոյի ավագ դուստրը Կոլումբիայի նախագահը ՄԱԿ-ի Գլխավոր ասամբլեայում կոչ է արել օրինականացնել կոկաինը Կոլումբիայի նախագահը կրճատել է աշխատանքային շաբաթը Կոլումբիայում ցուցարարները սպանել են երկու մարդու գնդակահարած ոստիկանին