Հայաստանից արտահանումը ԵԱՏՄ երկրներ աճել է, ԵՄ երկրներ՝ նվազել

Հայաստանը 2023 թվականին արտահանել է 8 մլրդ 415 մլն 155.1 հազար դոլարի ապրանք, ինչը 2022-ի նկատմամբ աճել է 55.3 տոկոսով, ընդ որում Եվրասիական տնտեսական միության երկրներ արտահանումն աճել է, իսկ ԵՄ երկրներ՝ նվազել:

Այս մասին են վկայում Վիճակագրական կոմիտեի հրապարակած ցուցանիշները:

ԵԱՏՄ երկրներ արտահանումն աճել է 40.8 տոկոսով՝ կազմելով 3 մլրդ 609 մլն 284.8 հազար դոլար: Իսկ ԵՄ երկրներ արտահանումը նվազել է 8.2 տոկոսով՝ կազմելով 709 միլիոն 514.7 հազար դոլար:

Ավանդաբար Հայաստանից արտահանման ամենամեծ ծավալն ուղղվել է Ռուսաստանի Դաշնություն՝ կազմելով 3 մլրդ 418 մլն 641.6 հազար դոլար: Սա 2022 թվականի նկատմամբ ավել է 38.8 տոկոսով: ԵԱՏՄ-ի շրջանակում աճել է ոչ միայն Ռուսաստան, այլ նաև ԵԱՏՄ մյուս երկրներ արտահանումը: Ղրղզստան արտահանման ծավալը նախորդ տարի աճել է 4.8 անգամ՝ կազմելով 27 մլն 392.6 հազար դոլար, Հայաստանից Ղազախստան արտահանումն աճել է 3.8 անգամ՝ կազմելով 71 մլն 320.8 հազար դոլար: Իսկ Բելառուս արտահանման ծավալը կազմել է 91 մլն 929.9 հազար դոլար՝ 2022-ի նկատմամբ աճելով 19.5 տոկոսով:

Ինչ վերաբերում է ԵՄ երկրներին, ապա, չնայած ԵՄ երկրներ արտահանման ընդհանուր ծավալի նվազմանը, Եվրամիության առանձին երկրներ արտահանումն աճել է էական ծավալով: Հայաստանից արտահանման ծավալներով չորրորդը Նիդերլանդներն է (Ռուսաստանից, ԱՄԷ-ից և Չինաստանից հետո)՝ 234 մլն 133.6 հազար դոլարով, 2022-ի նկատմամբ աճը 9 տոկոս է:

ԵՄ երկրներից 2023-ին Սլովակիա արտահանումը, օրինակ, կազմել է 42 մլն 998.9 հազար դոլար՝ 2022-ի նկատմամբ աճելով 75.8 տոկոսով: Հայաստանից Լիտվա արտահանումն աճել է 2.1 անգամ՝ կազմելով 22 մլն 667.7 հազար դոլար: Արտահանումն աճել է նաև դեպի Իսպանիա, Կիպրոս, Հունգարիա, Չեխիա, Շվեդիա, Պորտուգալիա: 2023-ին Հայաստանից Ֆրանսիա արտահանումը նվազել է 3.2 տոկոսով՝ կազմելով 9 մլն 522.9 հազար դոլար: Թեև Հայաստանից Գերմանիա արտահանումը ծավալով փոքր չէ՝ 87 մլն 557.6 հազար դոլար, սակայն 2022-ի համեմատ նվազել է 17.4 տոկոսով: 2022-ի համեմատ նվազել են նաև Իտալիա, Լեհաստան արտահանման ծավալները:

Այս թեմայով Դոլարի և եվրոյի փոխարժեքները նվազել են, ռուբլունը՝ ավելացել Դեպի ՌԴ արգելվում է միայն կարանտին վնասակար օրգանիզմներով վարակված բեռների արտահանումը. ՍԱՏՄ Հայկական կողմը խոչընդոտում է դեպի ՌԴ գյուղմթերքի արտահանումը․ պատգամավորը գրություն կուղղի ՍԱՏՄ-ին ԵԱՏՄ-ն 1 տարում ՀՀ-ին ավելի մեծ օգուտ է տալիս, քան ԵՄ-ի «տժվժիկ» դարձրած 10 միլիոնը․ Շարմազանով Europris-ի տնօրենը՝ որպես բանտային ծառայության ղեկավար, ներկայացրել է իր ակնկալիքները Հայաստանից Անում են ամեն ինչ՝ Արցախից բռնի տեղահանվածներին Հայաստանից հեռացնելու համար Հայաստանի ֆոնդային բորսան առևտրի ծավալներով դարձել է առաջատարներից մեկը ԵԱՏՄ-ում Իրանը կկրկնապատկի Հայաստանից էլեկտրաէներգիայի ներմուծումը. դեսպան ՍԱՏՄ-ն չի մեկնաբանում Հայաստանից ՌԴ պտուղ-բանջարեղենի արտահանման արգելքը․ «Հետք» Սյունիքը Հայաստանի և ԵԱՏՄ-ի միջև առևտրի «դարպաս» է Իրանի հետ. Կոպիրկին