ՔՊ-ական պաշտոնյաների ուշագրավ գնումները՝ բյուջեի հաշվին. Անահիտ Ավանեսյան

Շարունակելով ընթերցողի ուշադրությանը ներկայացնել ՔՊ-ական պաշտոնյաների միլիոնների հասնող ուշագրավ գնումները՝ այսօր կանդրադառնանք առողջապահության նախարար Անահիտ Ավանեսյանին:

Առողջապահության նախարար Անահիտ Ավանեսյանի ընտանիքին առնչվող դեղագործական ընկերությունը՝ «Արֆարմացիա» ՓԲԸ-ն,  մնում է պետական կառույցների «սրտի մատակարարը»՝ պահպանելով  առաջատարի դիրքերը պետական գնումների մրցույթների «հաղթարշավում»: Միլիոնավոր դրամների  հարյուրավոր պայմանագրեր շուրջ 4 տասնյակ պետական կառույցների հետ. սա վերջին երեք-չորս տարիներին այս ընկերության «ձեռքբերումն» է:

2022 թվականին «Արմֆարմացիան» շուրջ 8 տասնյակ պայմանագրեր է կնքել, որոնցից մեկը՝ «հրատապ մեկ անձ ընթացակարգով» (Նկատենք՝ 2019 թվականից սկսած՝  Անահիտ Ավանեսյանին առնչվող ընկերությունը տասնյակ պայմանագրեր է կնքել «մեկ անձ և հրատապ մեկ անձ ընթացակարգով»):  Պետական գնումների armeps.am համակարգի տվյալներով` 2022 թվականի 10 ամիսներին այս ընկերության պատվիրատուների թվում են «Երևանի Մխիթար Հերացու անվան պետական բժշկական համալսարան» հիմնադրամը՝ 10 պայմանագրով, «ՀՀ Սևանի հոգեկան առողջության կենտրոն» ՓԲԸ-ն՝ 5 պայմանագրերով, ՀՀ ազգային անվտանգության ծառայությունը՝ 3 պայմանագրերով, ՀՀ պաշտպանության նախարարությունը` 5 պայմանագրերով, արտակարգ իրավիճակների նախարարությունը՝ 1 պայմանագրով, առողջապահության նախարարությունը՝ 2 պայմանագրով, ՀՀ պետական պահպանության ծառայությունը՝ 2 պայմանագրով,  Վանաձորի, Արթիկի, Մարտունու Գավառի, Կապանի և Մեղրու տարբեր ԲԿ-ները՝ տասնյակ պայմանագրերով: Վերջին պայմանագիրն ընկերության հետ կնքել է պաշտպանության նախարարությունը հոկտեմբերի 5-ին:

Ի դեպ, նախարարի ամուսինը՝ Ստեփան Ավանեսյանը, 2017 թվականին հիմնադրել է սննդամթերքի մեծածախ առևտրով զբաղվող «Իբարի» ՍՊԸ-ն: «Իբարի»-ն կառավարության որոշմամբ՝ մարտ ամսին ազատվել էր մաքսատուրքից. արտոնությունը գնահատվում էր 53.4 մլն դրամ:

Բացի այդ, ՀՀ առողջապահության նախարարությունը` ի դեմս Անահիտ Ավանեսյանի, անհասկանալի ծառայություններ է գնել մեկ անձից ` վճարելով պետական բյուջեից 990,000 դրամ: Այսքանով, սակայն, մեկ անձից գնումները չեն սահմանափակվել: Ավանեսյանը 941,908,116 դրամի հիվանդանոցային ծառայություններ է գնել «ԻՆԳՈԱՐՄԵՆԻԱ» ԱՓԲԸ-ից, 1,087,886,20 դրամի ամբուլատոր - բժշկական ծառայություններ՝ «Սուրբ Գրիգոր Լուսավորիչ» ԲԿ-ից:

Շարունակելի..

Այս թեմայով Անահիտ Մանասյանն ընդգծել է Հայաստանում ԿԽՄԿ-ի իրականացրած աշխատանքների կարևորությունը Երգչուհի Անահիտ Սիմոնյանը «Ռոլս Ռոյս»-ով Կալիֆոռնիայում (լուսանկարներ) Քանի որ շատ կապանցիներ հնարավորություն չունեն գնալ Լոնդոն, Բեռլին կամ Նյու Յորք, ուստի մենք աշխարհն ենք բերում Կապան. Սևակ Ավանեսյան Անահիտ աստվածուհու արձանը սեպտեմբերի 21-ից կցուցադրվի Հայաստանի պատմության թանգարանում Կապանի ԲԿ-ի խնդիրները կլուծվեն համատեղ ջանքերով․ Անահիտ Ավանեսյան Անահիտ Ավանեսյանը եղել է Մեղրու վերականգնողական կենտրոնում Անահիտ Սիմոնյանը նկարահանվում է «Բախում» ֆիլմում Մեր նպատակն է սոցիալիզացիայի պայմաններ ստեղծել` երեխաների կյանքի որակը բարելավելու համար․ Ավանեսյան Եթե վարչապետը որոշի ինձ ազատել աշխատանքից, ուրեմն չեմ համապատասխանի պահանջվող որակին. Ավանեսյան (տեսանյութ) Հայտնի է ՝ երբ տեղի կունենա Անահիտ Չարենցի հոգեհանգիստը