Ավինյանն ու թիմակիցները երևանցիներին դրդում են սոցիալական բունտի

Օրեր առաջ Երևանի քաղաքապետարանը հանրային տրանսպորտը թանկացնելու նախագիծ էր ներկայացրել: Նախագիծը ներառված էր փետրվարի 13-ին նախատեսված ավագանու նիստի օրակարգում. ընդունվելու դեպքում՝ սեպտեմբերի 1-ից քաղաքացիները կվճարեն 100 դրամից ավելի, ավելացումը կախված կլինի առաջարկվող փաթեթի ընտրությունից՝ մեկանգամյա, օրական, ամսական, թե տարեկան: Շրջանառվող նախագիծը մեծ աղմուկ էր բարձրացրել. մարդիկ հիշում էին, թե նախկինում ընդդիմադիր այս իշխանության տարբեր ներկայացուցիչներ ինչ ջանասիրությամբ էին պայքարում 50 դրամ թանկացման դեմ: Ուշագրավ է, որ քաղաքապետարանից սակագների բարձրացումն, արդեն հաստատված ավանդույթի համաձայն, սկզբում «լկտի սուտ» որակեցին, այնուհետև ընդունեցին, որ թանկացում լինելու է, սակայն ոչ 260 դրամով, դրանից հետո էլ ստիպված էին հաստատել, որ ոչ միայն թանկացում է լինելու, այլ ավելին՝ այդ թանկացման վերին սանդղակը լինելու է ոչ թե 260, այլ 500 դրամ:

Հանրային ռեզոնանսը և երևանցիների արդար զայրույթն այն աստիճան մեծ էր, որ քաղաքապետարանն այսօր ստիպված էր հետ քայլ անել և փոխքաղաքապետ Սուրեն Գրիգորյանի շուրթերով հայտարարել, որ միասնական տոմսային համակարգի հարցն օրակարգից հանվել է՝ հանրային նոր քննարկման նպատակով: Թե ինչ են պատրաստվում քննարկել քաղաքային իշխանությունները, այնքան էլ պարզ չէ՝ հաշվի առնելով, որ հանրային տրանսպորտի անգամ 10 դրամի թանկացումը որևէ կերպ չի տեղավորվում վերջիններիս ամպագոռգոռ «Ասեք, կանենք»  նախընտրական կարգախոսի մեջ: Ի հեճուկս այդ կարգախոսին, քաղաքապետարանը որոշեց մտնել քաղաքացիների գրպանը՝ օրակարգ բերելով հերթական «փայլուն հաշվարկած» և «երևանակենտրոն» նախագիծը: Սակայն, այն հալած յուղի տեղ չանցավ, երևանցիները հստակ մեսիջ հղեցին, որ չեն պատրաստվում տրանսպորտի համար վճարել միջին վիճակագրական եվրոպացու կամ ամերիկացու չափ, եթե ոչ ավել: Դիցուք՝ Վրաստանի մայրաքաղաք  Թբիլիսիում հասարակական տրանսպորտի սակագինը կազմում է 1 լարի՝ մեկ ուղևորության դիմաց, ինչն իր հերթին կազմում է 152 դրամ: Նշենք, որ Թբիլիսիի իշխանություններն արդեն ավարտել են իրենց տրանսպորտային բարեփոխումները, իսկ մենք՝ ոչ: Չեխիայի մայրաքաղաք Պրահայում 90 րոպե վավերականությամբ տոմսը արժե 489 դրամ, կամ 32 կրոն: Երևանից տասնյակ անգամներ ավելի մեծ ու էականորեն ավելի հարսուստ Մոսկվայի բնակիչներն օգտվում են տրոնսպորտի աբոնենտային համակարգից և  ցամաքային տրանսպորտի մեկ ուղևորության դիմաց վճարում են 61 ռուբլի, կամ 253 դրամ: ԱՄՆ Արիզոնա նահանգի Ֆենիքս քաղաքում, որն ԱՄՆ-ի 1,7 մլն բնակչությամբ հինգերորդն է, 150 դոլարով կամ 61 հազար դրամով կարելի է ձեռք բերել հասարակական տրանսպորտի անսահմանափակ տարեկան կտրոն: Սա երկու անգամ ավելի էժան է, քան այն տարեկան պլանը, որը քաղաքապետարանն առաջարկում է երևանցիներին:

Ակնհայտ է, որ քաղաքային իշխանությունները, ի դեմս Ավինյանի և նրա գործընկերների, ստիպված եղան հետ քայլ անել՝ ակնհայտորեն վախենալով, որ քաղաքացիներին տուգանքի մատերիալի վերածելու իրենց անհագուրդ ցանկությունն ի վերջո Երևանում սոցիալական բունտի կհանգեցնի:

Այս թեմայով Կառավարությանն առաջարկել ենք վերանայել «Վեոլիա ջրի» հետ պայմանագիրը. Տիգրան Ավինյան «Երևանը պետք է լինի մարդկանց համար հարմարավետ ու ապահով քաղաք»․ Տիգրան Ավինյան (տեսանյութ) Երևանը դառնալու է «սմարթ սիթի», ամբողջ աշխատանքը օնլայն երևալու է. Ավինյան (տեսանյութ) Նորագյուղ թաղամասը դառնալու է Երևանի նոր կենտրոնը. Ավինյան Ութ մեքենա և ինը շարժիչների լրակազմ ձեռք կբերվի. Ավինյան Այլընտրանք չկա, Երևանը մի օր կանգնելու է, եթե տրանսպորտի առանձնացված գծեր չունենանք. Ավինյան (տեսանյութ) Ապօրինի կառուցված և քաղաքաշինական նորմերին չհամապատասխանող որևէ գազաբենզալցակայան Երևանում չպետք է լինի. Տիգրան Ավինյան ՔՊ վարչության նիստերում ընդդիմադիր շարժման մասին քննարկումներ չեն եղել. Ավինյան (տեսանյութ) Երևանում ընթանում է բալետային փառատոնը, որը մեր առօրյան փոխելու հավակնոտ մի ծրագիր է․ Ավինյան Ցավով հետևում եմ Լոռու մարզում ստեղծված իրավիճակին, Երևանը պատրաստ է օգնել․ Ավինյան