Ո՛չ Ուկրաինան, ո՛չ Ռուսաստանը չեն կարող հաղթել պատերազմում․ Օրբան Մեծ Բրիտանիայում գնահատել են Ռուսաստանի հետ պատերազմի հավանականությունը Մեղքի մեջ մեծ ու փոքր չկա, մեղքը մեղք է՝ փոքր լինի, թե մեծ. Բագրատ Սրբազան (տեսանյութ) Աննա Հակոբյանը Հունաստանի վարչապետի տիկնոջ հետ այցելել է Աթենքի հայկական «Քալֆայան» պատկերասրահ Երևանում «BMW X5»-ը վրաերթի է ենթարկել հետիոտնին Պետությունը կօգնի, որ ՀՀ-ի հետ կենսականորեն իրենց ապագան կապող արցախցիները տուն ունենան․ փոխվարչապետ «Ուրարտուն» ու «Փյունիկը» խաղացին ոչ ոքի (տեսանյութ) Ապրիլին Հայաստանն ընդդեմ Ադրբեջանի գործով լսումներ կանցկացվեն ՄԱԿ–ի դատարանում. Sputnik Արմենիա ԵԽԽՎ-ում հայկական պատվիրակության անդամները հանդիպել են ԵԽ գլխավոր քարտուղարի թեկնածու Ինդրեկ Սաարին Մհեր Գրիգորյանը ԵՄ պատվիրակությանը ներկայացրել է «Խաղաղության խաչմերուկ» նախագծի հիմնական նպատակները 

«Մինչ օրս էլ մի փոքրիկ հույս եմ փայփայում, որ Դավիթս կարող է տան դուռը բացել ու ներս մտնել». Դավիթ Վիրաբյանն անմահացել է հոկտեմբերի 3-ին, տուն «վերադարձել» հինգ ամիս անց. «Փաստ»

Հայկական Մամուլ

«Փաստ» օրաթերթը գրում է.

«Փոքրուց Դավիթը իր հասակակիցներից շատ տարբերվող երեխա էր: Չափազանց խելացի էր, յուրահատուկ ընդունակություններով օժտված: Շատ էր սիրում նկարել: Ամեն ինչ փորձում էր անել Դավիթը: Եթե ինչոր բանով զբաղվում էր, ապա դա անում էր գերազանց, կատարյալ: Աշխույժ էր, ընկերասեր, բարի, շփվող, ընտանիքի յուրաքանչյուր անդամի՝ ծնողների, տատիկ-պապիկի հանդեպ յուրահատուկ կերպով ուշադիր էր: Անսահման սիրում էր կրտսեր եղբորը՝ իր Ալենին, ապրում էր Ալենով: Ալենն իր ամեն ինչն էր: Իրեն մի անգամ հարցրել են, թե ամենաշատն ում է սիրում: Բոլորն, իհարկե, պատասխանում են՝ մայրիկին: Իսկ Դավիթը ասում էր՝ առաջինն Ալենիս, իսկ հետո՝ մամայիս»,-«Փաստի» հետ զրույցում ասում է տիկին Լիլիթը՝ Դավթի մայրիկը:

Նշում է՝ առողջ ընտանիքում են մեծացել իր որդիները: Սա շեշտելու անհրաժեշտություն անգամ չկար, որովհետև երկու եղբոր անվերապահ սերն այլ բանի մասին վկայել չի կարող: Երբ մտովի տեղափոխվում ենք Դավիթի դպրոցական տարիներ, մայրիկն ասում է՝ որդու տարերքը մաթեմատիկան էր: «Ապրում էր մաթեմատիկայով: Դավիթը դպրոցի պարծանքն էր: Սովորել է Ավանի թիվ 170 դպրոցում, ուսուցիչները միշտ հպարտանում էին նրանով: Որքան ներկա եմ եղել նրա ծնողական ժողովներին, փայլելով եկել եմ տուն: Երբ պետք է գնայի ժողովներին, Դավիթն ասում էր՝ գնա՛, գնա՛, մա՛մ ջան, տես, թե տղադ ինչ է արել: Ուսուցիչներն էլ միշտ ասում էին, որ Դավիթը տարբերվող է իր մաթեմատիկական ունակություններով, որը բնածին է»: Մայրիկի խոսքով, Դավիթը նաև բժշկություն էր շատ սիրում, ուզում էր սրտաբան դառնալ, բայց երբ եկավ որոշելու պահը, 12րդ դասարանում հստակ որոշեց ընդունվել Ամերիկյան համալսարան:

«Ընտրեց «Բիզնեսի կառավարում» բաժինը: Հասցրեց ուսանող լինել, պետք է դեկտեմբերին զորակոչվեր ծառայության, սակայն ասաց, որ չի ուզում կիսատ թողնել կիսամյակը՝ «թող ոչինչ կիսատ չմնա», և հունվարին զորակոչվեց բանակ: Մեծ սիրով ու հպարտությամբ էր դասերին հաճախում: Մեծ նպատակներ ուներ ուսման, գիտելիքներ ձեռք բերելու հետ կապված: Ցանկանում էր օգնել ներդրողներին, ամեն ինչ անել, որ մեր երկիրն ավելի լավը դառնա, մեր պետությունն ավելի լավը լինի: Երկրի մասին էր մտածում: Ուզում էր, որ մեր երկրում ամեն ինչ լավ լինի»: Նպատակներն ու երազանքները մտքում՝ Դավիթը 2020 թ.-ի հունվարի 8-ին զորակոչվում է պարտադիր զինվորական ծառայության: Նրա ծառայության առաջին վեց ամիսն անցել է Գյումրու հրետանային զորամասում՝ հակատանկային դասակում: Հետո Դավիթը տեղափոխվել է Արցախի Հանրապետություն՝ Կուբաթլուի հակատանկային դասակ:

«Մեծ ոգևորվածությամբ է զորակոչվել Հայոց բանակ, չեք էլ պատկերացնի, թե ինչ ոգևորված էր, որ պետք է կրի այդ համազգեստը: Հպարտանում էր, սպասում այդ օրվան: Իր ընկերն արձակուրդ էր եկել, այդ ժամանակ Դավիթը դեռ չէր ծառայում, ինձ ասաց, որ քիչ անց կգա: Մեկ էլ ինձ նկարներ է ուղարկում: Ընկերոջ տուն էր գնացել, հագել Էդուարդի համազգեստը, նկարվել և նկարներն ուղարկել ինձ: «Մա՛մ, տղայիդ սազո՞ւմ է համազգեստը», արձագանեցի՝ «շատ, Դավի՛թ ջան»: Դավիթը շատ էր կարևորում իր բանակ գնալը, ասում էր, որ պետք է անպայման ծառայել Հայոց բանակում՝ «ո՞նց կլինի չծառայել, մա՛մ ջան, չի լինի»: Այն հայրենասիրությամբ, որ մեր ընտանիքն է սերմանել իր մեջ, այլ տարբերակ չէր կարող լինել: Հրաշալի էին նաև իր տպավորությունները, երբ արդեն ծառայում էր: Երբեք որևէ բանից չի դժգոհել, միշտ ասում էր, որ ամեն ինչ լավ է: Հրամանատարական անձնակազմի կողմից երկու անգամ նամակ ենք ստացել, որ հրաշալի որդի ունենք, գերազանց առաջադիմությամբ է ծառայում: Մենք էլ նույն ոգևորությամբ ու սիրով իրեն բանակ ենք ճանապարհել՝ տղա է, պետք է ծառայի»: 2020 թ.-ին սկսվեց պատերազմը, որը 44 օր տևեց, սակայն զգացում ունենք, որ մինչ օրս չի էլ ավարտվել:

«Պատերազմն սկսվելուց օրեր անց ամուսինս մեկնեց Արցախ, որ Դավիթին հասնի: Բայց իրենք այդպես էլ չհանդիպեցին: Ամուսինս մինչև պատերազմի ավարտը մնաց Արցախում, նաև դրանից հետո՝ որոնողափրկարարական աշխատանքների ժամանակ: Պատերազմն սկսվելուն պես, չնայած անհանգիստ լինելուն, չենք փորձել զանգել Դավթին: Ես չեմ զանգահարել, Դավիթն է զանգել սեպտեմբերի 29-ի երեկոյան: Խոսեցինք, անհանգիստ ձայնով ասացի՝ Դա՛վ ջան, ընդհատեց՝ մա՛մ ջան, եթե չեմ զանգում, չի նշանակում, որ զոհվել եմ: Կռիվ է, կռվում ենք: Այսպես ասենք, չէր թաքցնում ոչինչ: Հետո ասաց, որ ամեն ինչ լավ է, հանգիստ լինեմ: Մի քիչ զրուցելուց հետո հեռախոսը փոխանցեցի Ալենին, նա էլ ասել էր, որ հայրիկն ուզում է գնալ Դավիթի մոտ: Միանգամից անջատեց հեռախոսն ու զանգեց հայրիկին, խոսեց նրա հետ, համոզվեց, որ ամեն ինչ կարգին է. «Պա՛պ ջան, մեզ մոտ մի՛ արի, ոչ մի լուրջ բան չկա»: Բայց գիտեր, որ հայրիկն իրեն չի լսելու և գնալու է: Սեպտեմբերի 30-ին զանգել է իր ընկերուհուն, որն այդ պահին Դավիթի հորեղբոր տանն է եղել: Խոսել է հորեղբոր ընտանիքի բոլոր անդամների հետ, համոզել, որ ամեն բան կարգին է, հանգիստ լինեն»:

Դավիթը Ջրականում է եղել, Մարջանլու կոչվող տարածքում՝ Անանուն բարձունքում: Դավթի կռիվը վեց օր է տևել: «Տղաները շատ լավ են կռվել, տղաները չեն նահանջել իրենց հրամանատարների հետ: Եվ բոլորը միասին զոհվել են հոկտեմբերի 3-ին: Հինգ ամիս որոնումներից հետո ԴՆԹ հետազոտությամբ գտնում ենք Դավթին. մարտի 5-ին հաստատվում է ԴՆԹ-ն: Մարտի 8-ին նրան հուղարկավորել ենք: Իրեն փնտրելու ողջ ընթացքում հայրիկը մասնակցում էր որոնողական աշխատանքներին: Թուրքերը տղաների մարմինները տարել էին, նրանք իրենց զոհվելու վայրում չեն եղել: Բայց այդ տեղից ամուսինս գտնում է Դավոյիս գլխարկը, մասունքներ»: Սպասման ամիսները հեշտ չեն տրվել: «Հոկտեմբերի 5-ից գիտեինք, որ Անանուն բարձունքը, որտեղ գտնվում էին Դավիթն ու իր ընկերները, թուրքերը գրավել են: Նահանջող տղաներ կային, որոնք ողջ էին, իսկ մյուսները չկային: Իրականությանը պարզ էինք նայում, պատերազմ էր եղել, և գիտակցում էինք, թե ինչ է տեղի ունեցել: Այնպես չէր, որ ասում էինք՝ Դավիթը ողջ է և վերջ, բայց սրտի անկյունում հավատ ունեինք ու սպասում էինք հրաշքի: Մյուս կողմից՝ կար այն գիտակցումը, որ երեխաների մարմինները չկան: Չեմ տեսել երեխայիս ու մինչ օրս էլ մի փոքրիկ հույս եմ փայփայում, որ մի օր նա կարող է տան դուռը բացել ու ներս մտնել: Մենք ոչինչ չենք տեսել, մեր երեխաներին փակ տարանք և ...»:

Մայրիկները հաճախ են ինձ ապշեցնում իրենց ամրությամբ, զսպվածությամբ, երբեմն կարող են զրույցի ժամանակ ինձ իրենց փխրունությունը ցույց տալ, բայց դա մի ակնթարթ է տևում: Ցավն արժանապատվորեն կրելու մասին նաև տիկին Լիլիթն է նշում. «Պետք է արժանի լինեմ իմ Դավիթին, արժանապատիվ ապրեմ: Պետք է այնպես ապրեմ, ինչպես որդիս կցանկանար: Պետք է հանուն Դավիթիս ու Ալենիս ապրեմ, հանուն ամուսնուս: Ապրելու ենք, որ ապրեցնենք: Մեր հասարակությունը պետք է փոխվի, պետք է սիրենք ու հարգենք իրար ու նաև մեկս մյուսով ապրենք: Պետք է գիտակցենք, որ դարավոր թշնամու հետ ենք կռվել, պատերազմ է եղել, և մեր տղաներն անհնարինն են արել: Դավիթն էլ է անձնազոհության գնացել, գիտակցված անձնազոհության, և ես հարգում եմ իր որոշումը: Նա այդ քայլն արել է հանուն մեր ընտանիքի, հանուն իր սիրելի մարդկանց, հանուն իր Ալենի, որին պաշտում էր: Ալենը սպորտսմեն է, սպորտն օգնեց իրեն հաղթահարել սթրեսը: Նա շատ չի արտահայտվում, բայց Դավոյով է ապրում: Տղաներս հայրիկի հետ ընկերներ էին, հիմա այդ ընկերությունը շարունակվում է Ալենի և հայրիկի միջև»:

Հ. Գ. - Դավիթ Վիրաբյանը հետմահու պարգևատրվել է «Մարտական ծառայության» մեդալով: Հուղարկավորված է Գետարգելի գերեզմանատանը:

ԼՈՒՍԻՆԵ ԱՌԱՔԵԼՅԱՆ

Հետևե՛ք -ին Youtube-ում`
Ո՛չ Ուկրաինան, ո՛չ Ռուսաստանը չեն կարող հաղթել պատերազմում․ Օրբան Մեծ Բրիտանիայում գնահատել են Ռուսաստանի հետ պատերազմի հավանականությունըԱմերիկացի երգչուհու համերգը չեղարկվել է ռուս երկրպագուների նվերի պատճառովՄեղքի մեջ մեծ ու փոքր չկա, մեղքը մեղք է՝ փոքր լինի, թե մեծ. Բագրատ Սրբազան (տեսանյութ) Լիբանանցի հայտնի բլոգերը ցուցադրել է հայկական ղափամայի պատրաստման եղանակը (տեսանյութ)Ամբողջ վաշտից միակ փրկված տղան 19-րդ անգամ վիրահատվեց (տեսանյութ) Աննա Հակոբյանը Հունաստանի վարչապետի տիկնոջ հետ այցելել է Աթենքի հայկական «Քալֆայան» պատկերասրահ Երևանում «BMW X5»-ը վրաերթի է ենթարկել հետիոտնինՊետությունը կօգնի, որ ՀՀ-ի հետ կենսականորեն իրենց ապագան կապող արցախցիները տուն ունենան․ փոխվարչապետ «Ուրարտուն» ու «Փյունիկը» խաղացին ոչ ոքի (տեսանյութ)Բրեդ Փիթը խիստ պահանջներ է ներկայացրել սիրելիինԱպրիլին Հայաստանն ընդդեմ Ադրբեջանի գործով լսումներ կանցկացվեն ՄԱԿ–ի դատարանում. Sputnik Արմենիա ԵԽԽՎ-ում հայկական պատվիրակության անդամները հանդիպել են ԵԽ գլխավոր քարտուղարի թեկնածու Ինդրեկ Սաարին Մի քանի կանայք իսպանացի ռեժիսորին մեղադրել են բռնության մեջՄհեր Գրիգորյանը ԵՄ պատվիրակությանը ներկայացրել է «Խաղաղության խաչմերուկ» նախագծի հիմնական նպատակներըՀայաստանի տարածքում փակ ավտոճանապարհներ կան, Լարսը բաց է Արևմուտքն ու ՆԱՏՕ անդամ երկրներն ակտիվորեն զինում են ԱդրբեջանինԵրևանում անչափահաս տղան ավտոմեքենաների ջարդի հեղինակ է դարձել Այսօր իմ այցն Իրաք ևս մեկ պատմական ձեռքբերում է մեր երկկողմ հարաբերությունների պատմության մեջ․ Խաչատուրյան Երբ քննադատում ես այն, ինչի առավել վատթար տարբերակը կյանքի ես կոչելու հետագայումՄիրզոյանը հանդիպում է ունեցել ՄՍՀԿ Գլխավոր տնօրենի հետ (տեսանյութ)Աբովյանում հայրը 2 տարեկան զույգ երեխաներին 40 հազարի դիմաց սեռական շահագործման է տվել․ ArmLur.am (տեսանյութ)Սումգայիթի ջարդերից 36 տարի անց Ադրբեջանը շարունակեց իր ոճրագործությունները․ Արցախի ԱԺ Հայաստանը չի տեղեկացրել իր գործընկերներին ՀԱՊԿ-ի հետ կապված իր քայլերի մասին․ ՏԱՍՍԱդրբեջանը շարունակում է բռնազավթված Արցախում ոչնչացնել հայկական գերեզմանները (տեսանյութ)«Ինձ հետ կատարվողը քաղաքական հետապնդում է»․ Լևոն ՔոչարյանՌուսական բենզինի արտահանման ժամանակավոր արգելքից ամենաշատը կտուժի Թուրքիան Հաշվեքննիչ պալատի աղմկահարույց բացահայտումները. ՊԵԿՍտեփանակերտում ադրբեջանցիներն ապամոնտաժել են Շառլ Ազնավուրի հուշարձանը Անյա Թեյլոր-Ջոյին քննադատել են թոփլես լուսանկարի համարՊապիկյանը մասնակցել է զինվորական դատախազության 2023 թ. աշխատանքների ամփոփմանը նվիրված քննարկմանըԵրկրի վրա անսպասելի մագնիսական փոթորիկ է սկսվել«Թավշյա հեղափոխության» իրական շահառուները. Արսեն ԹորոսյանՈստիկանության յոթ ծառայողի կարգապահական պատասխանատվության են ենթարկել Հայ գործընկերներին փոխանցեցի 15 միլիոն եվրոյի ֆինանսավորման համաձայնագիրը. Կիրալի ՀՀ ԿԸՀ անդամները դիտարկել են Բելառուսի խորհրդարանական և ՏԻՄ ընտրությունները Թուրքիայում երկրաշարժ է տեղի ունեցել Հայաստանն առաջարկում է ստորագրել չհարձակման պայմանագիր. Արարատ Միրզոյան (տեսանյութ)19-ամյա երիտասարդը ձի է գողացել ու փորձել այն թաքցնել իր բնակարանումԼուիզա Ներսիսյանը ներկայացել է նոր ֆոտոշարքովՆորվեգիայի թագավորը հոսպիտալացվել է ՄալայզիայումԼևոն Քոչարյանի և Սերգեյ Ասատուրովի խափանման միջոց բացակայելու արգելքը չվերացվեց Ադրբեջանի ԱԳ նախարարը մեկնել է Գերմանիա՝ Միրզոյանի հետ բանակցությունների Փաշինյանը պարգևատրվել է Հունաստանի խորհրդարանի Ոսկե մեդալովՉինաստանում 14.000 դոլարով վաճառում են K-pop երգչուհու գլխից 3 մազԱդրբեջանի ռազմական էսկալացիայի հրահրման փորձերը դեռ շարունակվում են․ Միրզոյան (տեսանյութ)«Դպրոցը քանդվում է, ուսուցիչները հեռանում են». Երևանի թիվ 130 դպրոցի աշակերտների ծնողների բողոքի ակցիան (տեսանյութ) Հրդեհ է բռնկվել Կոտայքի մարզի գազալցակայաններից մեկում Ադրբեջանական վանդալների թիրախում հայտնվել է Մարտակերտ քաղաքի թանգարանը 88-ամյա Ալեն Դելոնի վիլլայից առգրավվել է 72 հրազեն
Ամենադիտված