Իշխանությունը խաբում է վարդենիսցիներին․ Թագուհի Թովմասյան

ՀՀ ԱԺ պատգամավոր Թագուհի Թովմասյանը գրում է.

«Իշխանությունը խաբում է վարդենիսցիներին

Նիկոլ Փաշինյանի իշխանությունը ստախոսության նոր ռեկորդներ է սահմանում: ՀՀ քաղաքացիներին խաբելով, սուտ պայքարի իմիտացիաներով իշխանության գալով, Նիկոլ Փաշինյանն ու իրեն շրջապատող կիսատառաճանաչները հիմա էլ վարդենիսցիներին են խաբում:

Երեկ բազմաթիվ քաղաքացիներ զայրացած փակել էին Վարդենիսի ավտոճանապարհը՝ դժգոհելով, որ պետական մարմինները հերթով փակվում են Վարդենիսում և վերջինը անձնագրային ծառայությունն է:

Ե՛ւ մարզպետը, և՛ անձնագրային ծառայության պատասխանատուները, և՛ Նիկոլ Փաշինյանը քաղաքացիներին մոլորեցնող հայտարարություններ են անում այս օրերին: Իսկ իրականությունը, ինչպես միշտ, այլ է:

Այս տարվա հունվարի 23-ին գրությունով պարզաբանում էի պահանջել ՀՀ ՆԳՆ Վահե Ղազարյանից, թե ինչու են փակվում Վարդենիսի և Ճամբարակի անձնագրային ծառայությունները համայնքներում, նաև ներկայացրել էի, թե ինչ վատ ազդեցություն է ունեցել այդ որոշումը հանրության շրջանում:

Օրերս ստացել եմ նախարարի գրավոր պարզաբանումը, որտեղ սևով սպիտակի վրա գրված է, որ օպտիմալացվելու են անձնագրային ծառայությունները սահմանամերձ համայնքներից.

«…նախաձեռնվել է ստորաբաժանումների օպտիմալացում՝ թիվը 63-ից հասցնելով 47-ի. հաշվի են առնվել հետևյալ գործոնները.

- տարածքային ստորաբաժանումների բաշխվածությունը, աշխարհագրությունը, սպասարկման ծածկույթը՝ ըստ բնակչության թվի,

- քաղաքացիական ծառայության պահանջը, ըստ որի՝ 4 և ավելի աշխատակիցների քանակ է պահանջվում ստորաբաժնման ձևավորման համար, մինչդեռ մարզերում առկա էին 2-3 հոգուց բաղկացած խմբեր:

Գործընթացը կիրականացվի ընթացիկ տարում փուլային եղանակով: Այն համայնքներում, որտեղ նախատեսված է օպտիմալացում, զուգահեռաբար մշտադիտարկում կարվի: Անհրաժեշտության դեպքում շրջիկ ծառայության միջոցով պարբերաբար ծառայություններ կմատուցվեն Հայաստանի տարբեր համայնքներում»:  

Պարզ գրված է, որ անձնագրայինը փակվելու է, քանի որ Վարդենիսի անձնագրային ծառայությունում 3 աշխատակից էր աշխատում: Էլ ի՞նչ եք խաբում մարդկանց, բառախաղ անում, թե օնլայն, մեկ պատուհան եւ այլն: Անձնագրային ծառայությունները փակվելու են և՛ Վարդենիսում և՛ Ճամբարակում.

Սա՛ է իրականությունը.

Կից ներկայացնում եմ պաշտոնական պատասխանը»։

Այս թեմայով Թող հիմնավորեն, թե երբվանից է թշնամու դրոշը ծածանվում այդ դիրքի վրա և իրենց իշխանությունը կապ չունի դիրքը զիջելու հետ. փաստաբան Պարզվում է, մինչեւ պարտության արձանագրումը՝ Հայաստանի իշխանությունը մերժել է ոչ միայն Ռուսաստանին, այլ նաեւ Իրանին. Աննա Իսրաելյան Հայաստանի քեմալական իշխանությունը ներում շնորհեց բոլոր մարդասպան ադրբեջանցիներին․ Րաֆֆի Ալանյան Իշխանությունը գաղտնի է պահում, թե քանի քառ. մետր է տրվել թուրքին. Արթուր Խաչատրյան (տեսանյութ) ՀՀ քաղաքացին բոլորին, այդ թվում ինձ, ասում է՝ հանգիստ վե՛ր ընկեք տեղներդ, ես կորոշեմ ինչպես եւ երբ փոխել իշխանությունը. Հովիկ Աղազարյան Իշխանությունը մեծ բլեֆի է գնում. Տիգրան Աբրահամյան ԲԴԽ-ն մերժեց դատավոր Աթանեսյանին կարգապահական պատասխանատվության ենթարկելու միջնորդությունը Թուրքական իշխանությունը Հայաստանից պետք ա քշվի. Բյուրականի բնակիչ (տեսանյութ) Այսօրվա իշխանությունը հարցականի տակ է դնում ՀՀ Սահմանադրությունն ու նրա գոյությունն այսօրվա տեսքով․ սահմանագրագետ Վարդան Պողոսյան Ղրղզստանում իշխանությունը բռնությամբ զավթելու փորձ է կանխվել