ԱՄՆ-ն փորձում է «ջրել» ուկրաինական քեյսը. հերթական դասը՝ Նիկոլ Փաշինյանի համար

«Ռանդ» վերլուծական կորպորացիայի փորձագետները կարծում են, որ Ուկրաինայում հակամարտությունը պետք է հնարավորինս շուտ վերջ դրվի։ Սա հենց այն խորհուրդն է, որ փորձագետները տվել են ԱՄՆ իշխանություններին իրենց վերջին զեկույցում: Ինչպես գրում են վերլուծաբանները, Ուկրաինան կարող է ավելի շատ տարածքներ կորցնել երկարատև պատերազմի սցենարով։ Միաժամանակ զգալիորեն մեծանում է Ռուսաստանի և ՆԱՏՕ-ի միջև ուղիղ բախման վտանգը։ Փաստաթղթում ասվում է, որ ամերիկյան իշխանությունները պետք է դադարեցնեն որոշումներ կայացնել՝ հիմնված պատերազմական ռազմավարության վրա, քանի որ Ուկրաինայում հակամարտության երկարաձգումը չափազանց անցանկալի և, հավանաբար, անդառնալի հետևանքներ կունենա հենց ԱՄՆ-ի համար։ Սա առաջին հերթին վերաբերում է տնտեսական խնդիրներին։ Բացի այդ, փորձագետների կարծիքով, եթե ամերիկյան իշխանություններն սկսեն նպաստել կայուն հրադադարի հաստատմանը, դա Կիևին հնարավորություն կտա զսպել Ռուսաստանի հետագա առաջխաղացումը։ Ավելին, «Ռանդ»-ի վերլուծաբանները խորհուրդ են տալիս Սպիտակ տան վարչակազմին խրախուսել Ուկրաինային անցնել պաշտպանության՝ հրաժարվելով ռազմական ճանապարհով վերադարձնել կորցրած տարածքները։ Ի վերջո, եթե Վաշինգտոնին հաջողվի վերջ տալ հակամարտությանը, փորձագետները զգուշացնում են ամերիկյան իշխանություններին զերծ մնալ Ռուսաստանի դեմ հետպատերազմյան կոշտ հռետորաբանությունից, որը կարող է հանգեցնել Ռուսաստանի Դաշնության և ԱՄՆ-ի զինված առճակատման:

Սա նշանակում է, որ ամերիկյան իսթեբլիշմենթն սկսում է վերանայել իր մոտեցումը ուկրաինական քեյսին և հակված է չշարունակել դաշնակիցներին օգնություն տրամադրելը՝ ելնելով ԱՄՆ պետական շահերից: Պարզ ասած՝ ԱՄՆ-ն զոհաբերում է Ուկրաինային և սա  մի պարագայում, երբ իշխանության դեռևս չի եկել Դոնալդ Թրամփը, ում մոտեցումները ռուս-ուկրաինական հակամարտության հարցում որևէ մեկի համար գաղտնիք չեն: Արևմուտքը, տվյալ դեպքում՝ ԱՄՆ-ն, փաստացի ընդունում է, որ ՌԴ–ի դեմ վարվող իր ռազմավարությունը տանուլ է տրված և վերանայում է այն՝ ուկրաինացի ժողովրդի շահերի և նույնիսկ՝ կյանքի հաշվին:

Անշուշտ, այս փոփոխվող իրականությունը պետք է դաս լինի նաև ՀՀ իշխանությունների համար, որոնք արդեն անթաքույց են շրջադարձ կատարում դեպի Արևմուտք՝ հույս ունենալով այնտեղ գտնել աջակցություն, պաշտպանություն և օգնություն: Կիևի օրինակը ցույց է տալիս, որ եթե ՀՀ իշխանությունները չհրաժարվեն այդ քաղաքականությունից, ապա հաջորդ «Ուկրաինան» լինելու է Հայաստանը...

Այս թեմայով Առաջարկվել է տեղում սկսել աշխատանքները․ կառավարությունը՝ Փաշինյանի հետ կիրանցիների հանդիպման մասին «Հեռացնե՛նք Նիկոլին» վանկարկումների ներքո Փաշինյանը հեռացավ կառավարության շենքից (տեսանյութ) Մեր ոչ մի հարց չլուծվեց. ինչ են պատմում Փաշինյանի հետ հանդիպումից դուրս եկած տավուշցիները (տեսանյութ) Ակցիա՝ կառավարության շենքի դիմաց, մինչ տավուշցիները հանդիպում են Փաշինյանի հետ․ ուղիղ Հանդիպում չի կայանա․ Փաշինյանը չի մեկնելու Պուտինի երդմնակալության արարողությանը. MediaHub «Ծիծեռնակաբերդում» «ցեղասպան Նիկոլ» բառի համար կալանավորվել է 1անձ, մյուս 6 ձերբակալվածները ազատ են արձակվել «Նիկոլ, դավաճան», «2 րոպե ժամանակ ունեք, բացեք ճանապարհը». Արմավիր-Գյումրի ճանապարհին գերլարված է (տեսանյութ) «Վարչապետի գավաթ»-ն ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան Նիկոլ Փաշինյանին ու Աննա Հակոբյանին նկարահանել են Սևանում գտնվող սրճարանում (տեսանյութ) Փաշինյանը տիկնոջ հետ հանդիպել է «ՀՀ վարչապետի գավաթ» սեղանի թենիսի մրցաշարի եզրափակիչ փուլի մասնակիցներին