Աշտարակի ոստիկանների հակաթմրանյութային պայքարի երկու դրվագ

Աշտարակի քրեական հետախույզները ստացել էին հավաստի տեղեկություն, որ Արմավիրի մարզի բնակիչ երիտասարդներ ձեռք են բերում և Աշտարակի տարածքում իրացման նպատակով տեղադրում են թմրամիջոցով փաթեթներ:

Տեղեկության իրացման առաջին դրվագը փետրվարի 8-ին էր: Նախնական ստուգումներից ու ճշգրտումներից հետո, ցերեկվա ժամը 4.20-ի սահմաններում, Սասունիկ-Օշական ճանապարհին Աշտարակի ոստիկանները ձերբակալեցին 24 և 27 տարեկան երիտասարդներին և, նրանցից մեկի վարած մեքենայով հանդերձ, բերեցին բաժին:

Մեքենան տեղափոխվեց բաժնի պահպանվող հատուկ տարածք, իսկ 24-ամյա վարորդի անձնական խուզարկությամբ հայտնաբերվեց փաթեթ` լցված մոտ 34 գրամ դեղնականաչավուն զանգվածով:

Երիտասարդներն ու կազմված փաստաթղթերը ներկայացվեցին Արագածոտնի մարզային քննչական վարչություն: Նախաձեռնվեց քրեական վարույթ: Երկու երիտասարդն էլ ձերբակալվեցին ու տեղափոխվեցին ձերբակալվածների պահման վայր:

Աշտարակի քրեական հետախույզների տեղեկության համաձայն` նույն հակաօրինական գործունեությամբ զբաղվում էին ևս երկու տղամարդիկ՝ դարձյալ Արմավիրի մարզի բնակիչ: Այս տեղեկության հաստատումը փետրվարի 10-ին էր: Երեկոյան ժամը 7-ին մոտ Աշտարակի ոստիկանները, նույն հիմնավոր կասկածանքով և նույն` Սասունիկ-Օշական ճանապարհին, ձերբակալեցին Էջմիածնի բնակիչ 37 և 43 տարեկան տղամարդկանց և, վերջինիս վարած մեքենայով հանդերձ տեղափոխեցին բաժին:

Մեքենան տեղափոխվեց պահպանվող հատուկ տարածք, իսկ 37-ամյա ուղևորի անձնական խուզարկությամբ հայտնաբերվեց երեք փաթեթ` մոտ 30 և 13 գրամ դեղնականաչավուն և մոտ 7 գրամ մուգ գույնի փխրուն զանգվածներով: Ըստ նրա հայտնածի` կանեփն ու հաշիշը ձեռք են բերել տելեգրամյան հավելվածի միջոցով:

Կազմված փաստաթղթերն ու տղամարդիկ ներկայացվել են Քննչական վարչություն: Երկուսն էլ տեղափոխվել են ձերբակալվածների պահման վայր:

Առգրավվել են նաև բջջային հեռախոսներ ու կանխավճարային քարտ: Նախաքննությամբ հանգամանքները պարզվում են։

Այս թեմայով Մեր լուծումը՝ ձևավորել պայքարի միասնական ճակատ և սկսել կառավարության անվստահության գործընթաց Կարաչայ-Չերքեզիայում ոստիկանների վրա հարձակում է տեղի ունեցել. 7 մարդ է զոհվել (լուսանկարներ) Ջրվեժի հյուրանոցներից մեկում հայտնաբերվել է 2 օտարերկրացու մարմին, ևս երկուսը տեղափոխվել է հիվանդանոց Քաշքշուկ Հրազդանում ճանապարհ փակած քաղաքացիների և ոստիկանների միջև (տեսանյութ) ԱՄՆ պետքարտուղարության տարեկան զեկույցում ներառվել է Լեւոն Քոչարյանի նկատմամբ ոստիկանների բռնության դեպքը 2020թ․ Երևանում տեղի ունեցած զանգվածային անկարգություններին մասնակցած ևս երկու անձի վերաբերյալ քրեական վարույթով նախաքննությունն ավարտվել է Նոյեմբերյանում ԵԿՄ ավտոմեքենան քշել է բնակիչների ուղղությամբ, երկու հոգի լուրջ վնասվածք է ստացել (տեսանյութ) Ստեփանակերտի ռուսական դրամատիկական թատրոնը ներկայացրել է ևս երկու գարնանային բեմադրություն Ռուսաստանում սպանել են երկու ոստիկանի, հափշտակել նրանց զենքն ու դիմել փախուստի (լուսանկարներ) Վարչապետը Հայաստանի իշխանության որդեգրած խաղաղության օրակարգի հարցում երկու շատ կարևոր իրադարձություն է նշում