Ադրբեջանը ՌԴ դրդմամբ փորձում է ապակայունացնել իրավիճակը, վարկաբեկել ԵՄ-ն ու միջանցք պարտադրել. Արամ Սարգսյան

«Հանրապետություն» կուսակցության առաջնորդ Արամ Սարգսյանը ֆեյսբուքյան իր էջում գրառում է կատարել.

«2023-ի սեպտեմբերից մի քանի հարցազրույցներում ասել եմ, որ Ադրբեջանը, անկլավները իր տարածքը համարելով, փորձելու է որոշակի գործողություններ անել, ասենք, կտրել Տիգրանաշենը հետևից և վերացնել անկլավությունը։ Նման նպատակ կար, իհարկե, ոչ Տիգրանաշենի, որ ռազմական առումով բարդ է, այլ Տավուշի մարզի անկլավներից մեկի մասով:

Չստացվեց, քանի որ կարողացանք մոբիլիզացնել ԱՄՆ-ին և ԵՄ-ին: Նրանց պատժամիջոցների սպառնալիքներով Ադրբեջանը հրաժարվեց անկլավներ մտնելու գաղափարից ու հիմա խոսում է այդ անկլավներ գնալ-գալու համար անհրաժեշտ արարողակարգ՝ սերվիտուտ, ձևավորելուց։

Քանի որ այդ տարբերակը փակվեց, Ադրբեջանը ՌԴ դրդմամբ փորձում է շփման գծում դիրքային մարտերով նախ ապակայունացնել իրավիճակը Հայաստանում, երկրորդ՝ վարկաբեկել եվրադիտորդների առաքելությունը տարածաշրջանում ու պարտադրել Հայաստանին գնալ առավելագույն զիջումների՝ ներառյալ միջանցքի մասով։

Միջանցք պոկելու միակ տարբերակը այսօր ՀՀ իշխանության համաձայնությունն է մնացել։

ՌԴ-ում համոզված են, որ նոր պատերազմի պարագայում, կանգնեցնելու համար ՀՀ վարչապետը ստիպված կլինի միջանցքը տալ, այլապես հանրային ընդվզմամբ, ինչպես ռուսամետների, այնպես էլ արևմտամետների, կհեռացվի իշխանությունից։

Բայց խնդիրն այն է, որ պատերազմողը Ադրբեջանն է, իսկ Ադրբեջանը վախենում է պատժամիջոցներից:

Հակառակ դեպքում 3 օր առաջ հրետանի կօգտագործեր և չէր դադարեցնի կրակելը:

Էրդողանն էլ այս փուլում հակված է բարելավել հարաբերությունները ԱՄՆ-ի հետ, ոչ թե փչացնել։ Չի բացառվում նաև, որ Ներքին Հանդում տեղի ունեցածը փորձարկում էր՝ արձագանքները ճշտելու նպատակով:

Բնական է, որ այս ամենին ՀՀ ԱԳՆ-ն պետք է արձագանքի՝ խոսքը ուղղելով ոչ միայն Բաքվին, այլ առաջին հերթին արտաքին աշխարհին:

Համոզված եմ, որ նման տեսակետների բարձրաձայնմամբ կառավարությունն ունի ինչպես իրազեկման, այնպես էլ կանխարգելիչ նպատակ՝ Նիկոլ Փաշինյանը պարզ ասում է, որ Ադրբեջանը հրաժարվում է ԱՄՆ և ԵՄ պաշտոնյաների մասնակցությամբ ձեռք բերված ու համաձայնեցված պայմանավորվածությունից և չի ցանկանում սահմանազատման գործընթաց միջազգային նորմերով և բանակցությունների միջոցով։

Իլհամ Ալիևը սահմանազատումը փորձում է իրականացնել ռազմական ագրեսիայով, որը սահմանայինից կարող է վերածվել լայնամասշտաբի, այդ վտանգի դեմ է պայքարում միջազգային հանրությունը, որ կարող է լուրջ գլխացավանք լինել տարածաշրջանի համար:

Իմ կարծիքով՝ նման զարգացումները կանխելու նպատակով է ՀՀ վարչապետը բարձրաձայնում և հորդորում կառուցողական դաշտ բերել Ադրբեջանին, որպեսզի Ալիևը միջազգային դերակատարների ներկայությամբ ձեռք բերված պայմանավորվածություններով սկսի իրականացնել սահմանազատման գործընթացը, որում ՀՀ-ն պատրաստ է անգամ տեղային՝ մարզ առ մարզ տարբերակի...

Հ․Գ․ Այս պարագայում կառավարության նիստում վարչապետի հայտարարության առաջին հասցեատերը ԱՄՆ-ը և ԵՄ-ն են, ինչպես նաև ՌԴ-ն, ում ասվում է, որ որևէ իրավիճակում ՀՀ իշխանությունը չի հրաժարվելու 1991-ին հաստատված ՀՀ տարածքային ամբողջականությունը պաշտպանելու օրինական սկզբունքից։

Ամենաէական գործոնը հիմա ժամանակն է, որ պետք է գերռացիոնալ օգտագործել՝ ՀՀ ինքնիշխանության, բոլոր առումներով՝ քաղաքական, ռազմական, տնտեսական, ներքին զարգացումների, պաշտպանունակության բազմապատկման համար: Ճիշտ այն ժամանակը, որ այլևս գործում է ոչ միայն 2020-ի էյֆորիան չհաղթահարող, այլև Արցախում էթնիկ զտման ու Արցախի հայաթափման պատասխանը չտված Իլհամ Ալիևի դեմ:

Սա անիվը հետ գլորելու մեր ժամանակն է…»:

Այս թեմայով ՈՒՂԻՂ. Տավուշում իրավիճակը շարունակում է լարված մնալ Ադրբեջանը կարող է դեմպինգի դիմել եւ հայաստանյան շուկան գրավելու համար իջեցնել գազի սակագինը. փորձագետ (տեսանյութ) Համախմբվիր, հայ ժողովուրդ, քո զորությունը միասնականության մեջ է, մեզ միավորողը Հայաստանն է. Արամ Ա (տեսանյութ) «Իրավիճակը հնարավոր է փոխել, եթե լինի իշխանափոխություն». «Փաստ» ՈՒՂԻՂ․ Ակցիաները շարունակվում են․ իրավիճակը լարված է Անընդհատ զիջելով չէ, հիմա ադրբեջանցիները երգում-պարում են, նայե'ք էս ժողովրդի վիճակը. Տեր Արամ (տեսանյութ) Երբ մենք մենակ ենք շփվում, և ոչ ոք իրավիճակը չի օգտագործում քաղաքական ամբիցիաների համար, կարողանում ենք համաձայնության գալ. Ալիև ՀՀ քրեական օրենսգրքում հստակ կսահմանվի կիբեռհանցագործությունների ցանկը․ Արփինե Սարգսյան ՈՒՂԻՂ. Տավուշում իրավիճակը շարունակում է մնալ լարված Իշխանությունն ունի արտաքին սատարում, դրա համար էլ չի հաջողվում հեռացնել. Սերժ Սարգսյան