Ֆրանսիան դատապարտել է Իրանի հարձակումն Իսրայելի վրա Իրանը բալիստիկ հրթիռների առաջին ալիքն է արձակել Իսրայելի ուղղությամբ․ IRNA (տեսանյութ) Իրանում բենզինի համար երկար հերթեր են գոյացել (տեսանյութ) Նեթանյահուն ռազմական շտաբում արտահերթ նիստ է գումարել Իսրայելական բանակը հարվածներ է հասցրել «Հեզբոլլահի» թիրախներին (տեսանյութ) Իրանը կպատասխանի այն երկրներին, որոնք տարածք կտրամադրեն Իսրայելին՝ հարձակման համար Հորդանանը պատրաստ է խոցել երկրի սահմանները խախտած իրանական ԱԹՍ–ները Իսրայելի դեմ հարձակումը, ամենայն հավանականությամբ, կտևի մի քանի ժամ․ Սպիտակ տուն Հորդանանն ու Իրաքը ժամանակավորապես կփակեն իրենց օդային տարածքները Իրանական «Shahed-136» ԱԹՍ–կամիկաձեն նկատվել է Իրաքի երկնքում՝ Իսրայելի ուղղությամբ (տեսանյութ) 

«Ոտքերիս տակ ամպերն են, ինձանից վերև միայն Աստված է, այս դիրքն ամեն գնով պետք է պահենք». Արմեն Քարամյանն անմահացել է 2022թ. սեպտեմբերի 13-ին Իշխանասարում. «Փաստ»

Հայկական Մամուլ

«Փաստ» օրաթերթը գրում է.

«Շարժուն էր, աշխույժ, չափից դուրս անկարգ: Մանկապարտեզից մինչև դպրոց անկարգություն է արել: Սովորել չէր սիրում, իրենը սպորտն էր: Մի քիչ ֆուտբոլ, մի քիչ կարատե, չէր սիրում մի տեղում երկար մնալ: Ուզում էր ամեն ինչից սովորել: Երկուերեք ամիս գնում էր պարապմունքների և ասում՝ սա ինձ բավարար է: Մտածում էինք, որ բանակում էլ մի քանի ամիս ծառայելուց հետո կասի, թե էլ չի ուզում ծառայել: Բայց իր ծառայությունն ու համազգեստը շատ էր սիրում»,-«Փաստի» հետ զրույցում ասում է տիկին Արմինեն՝ Արմենի մայրիկը:

Վերհիշում է որդու մանկության տարիները. «Արմենն առաջին դասարան հաճախեց Վանաձորի Պուշկինի անվան դպրոցում: Հետո տեղափոխվեցինք Աբխազիա: Սուխումի քաղաքում ենք ապրել: Բայց ամուսինս մահացավ, և վերադարձանք Հայաստան: 5-րդ դասարանից Արմենը հաճախեց Վանաձորի Վիկտոր Համբարձումյանի անվան միջնակարգ դպրոց: «Շատ սիրուն էր նկարում, ուսուցիչն անգամ խորհուրդ տվեց, որ կարող է դաջվածքների համար շատ գեղեցիկ պատկերներ նկարել, թող գնա և սովորի: Բայց իր ցանկությունը քեռու նման հմուտ վարորդ դառնալն էր»: Արմենը սովորել է Վանաձորի գյուղատնտեսական քոլեջում: Ուներ հնարավորություն տարկետում ստանալու, բայց չօգտվեց դրանից և 2021 թ. հուլիսի 5-ին զորակոչվեց ժամկետային զինծառայության: Ծառայում էր Գորիսի «Զանգեր» զորամասում:

«44-օրյա պատերազմից հետո մեր թաղամասից մի տղա անհետ կորած է համարվում, ամեն պահի սպասում էր, որ իր ընկերը պետք է իրեն զանգի: 2020 թ.-ին Արմենը գնացել է զինկոմիսարիատ, որ իրեն էլ տանեն բանակ: Իրեն ասել էին՝ տղա՛ ջան, քո ժամանակը չի, երբ քո ժամանակը լինի, այն ժամանակ կգնաս: Իր՝ զինկոմիսարիատ գնալու մասին շատ հետո ենք իմացել: Միշտ ասում էր՝ ինչ ուզում է լինի, պիտի ծառայեմ: Համազգեստը շատ էր սիրում, իրեն էլ այն այնքան շատ էր սազում, իրեն ուրախ ճանապարհեցինք, չէինք պատկերացնի, որ հետ չի գալու, բայց...»: Երբ մայրիկին հարցնում եմ 44-օրյա պատերազմից հետո որդուն բանակ ճանապարհելու զգացումների մասին, բայց հատկապես անհանգստության մասին, արձագանքում է. «Երբ զանգեց ու ասաց, որ Գորիսում է ծառայելու, հարցրեցի՝ ինչի՞ այդքան հեռու: «Մա՛մ ջան, վիճակահանությունով եմ ընտրել Գորիսը: Մեր Հայաստանն է»: Բայց առաջին իսկ օրվանից, երբ տնից դուրս եկավ ու գնաց, քունս կորցրել եմ, մինչ օրս չեմ քնում, որ Արմենը պետք է տուն գա: Ներքուստ այդ անհանգստությունը միշտ ունեցել եմ, բայց Արմենը երբեք չի դժգոհել իր ծառայությունից: Երբ զանգել ենք, ասել է՝ ամեն ինչ ավ է, «սաղ տոչնի է», դիրքերում շատ լավ է: Զոհվելուց հետո իմացանք, որ իրեն «Իշխանասարի Կպո» են կոչել:

Բնավորության գիծ ուներ, որ մի բան ուզում էր անել, այնքան պետք է կպներ, մինչև աներ: Կարծում եմ, որ այդտեղից է եկել այդ անունը: Ծառայության ժամանակ երկու անգամ արձակուրդ է եկել, այն էլ՝ խրախուսանքներով: Մի անգամ, որպես դիպուկահար, ծառայության մեջ առանձնահատուկ աչքի ընկնելու համար էին արձակուրդ տվել, մյուս անգամն էլ ցանկացել էր ջուր խմել, իր վերադասներից մեկը անցնելուց էր եղել, ջուրը չէր խմել, պատիվ էր տվել: Վերադասը մոտեցել էր, մի քիչ զրուցել, իրեն հինգ օրով արձակուրդ էին ուղարկել: Իր զինգրքույկը հիմա մեզ մոտ է, գրված է, որ շատ լավ տիրապետում էր իրեն ամրակցված զենքին, օրինակելի զինվոր էր և այլն: Իր թույլ տեղն իր ընկերներն էին, շատ ընկերասեր էր: Վերջում էլ կյանքն իր ընկերների համար տվեց»: 2022 թ. սեպտեմբերի 12-ի լույս 13-ի գիշերը Հայաստանի սահմաններին պատերազմ էր:

«Սեպտեմբերի 12-ի երեկոյան զանգեց, ասաց՝ տղերքի հետ «չայնիում» նստած եմ, կզանգեմ: Հարցրեցի՝ քույրիկներին զանգե՞լ է, թե՞ ոչ, պատասխանեց, որ կզանգի: Մեծ քրոջը նամակ էր գրել, թե «ի՞նչ կա, Անի՛», քույրիկը պատասխանել է՝ «բան չկա, մեռնեմ քեզ, դու ասա», բայց այդ նամակն անպատասխան է մնացել: Արմենը զորամասում է եղել: Երբ տագնապ են հայտարարել, ընկերներից մեկն ասել է՝ Արմե՛ն ջան, գլխարկս ու բլ յախս թողնեմ մոտդ, մեզ վերև են բարձրացնում: Ասել է՝ ես էլ եմ գալիս: Ընկերն արձագանքել է, որ իրեն չեն տանի, նոր է իջել, իր ընկերներն էլ վերևում են: Պատասխանել է՝ դրա համար էլ գալիս եմ, տղերքը վերևում են: Գնացել է, իր սպային տեղեկացրել, նստել մեքենան ու բարձրացել իր տղերքի մոտ: Իրենց սպայի հետ ութ հոգով են եղել: Շատ թեժ մարտեր են մղել, երեխեքին չեն կարողացել կոտրել, մինչև լուսաբաց կռիվ են տվել: ԱԹՍ-ն հարվածել է: Տղաներն իրենց հրամանատարի հետ զոհվել են:

Գորիսի «Զանգեր» զորամասում 29 զոհ ունենք: Շատ բան չգիտենք, որովհետև բոլոր տղաները զոհվել են: Ասում են, որ հրամանատարը վիրավորվելուց հետո տղաներին նահանջ հրաման է տվել, բայց հրամանատարին մենակ չեն թողել: Շատ բաներ կան, որ բացահայտված չեն, շատ բաներ ավելի ուշ ենք իմացել, որոշ դրվագների մասին չգիտենք: Ծնողներով իրար գտել ենք, կիսվել մեր ունեցած տեղեկություններով: Իմ տղան փակբերան էր, ինչ էլ լիներ, ոչ ոք դրա մասին չէր իմանա: Սեպտեմբերի 13-ին ինձ ասում էին՝ Արմենդ ժիր է, հիմա կզանգի, բայց գիտեի, որ իմ աշխույժ տղան մինչև կեսօր պետք է զանգած լիներ: Երևի հասկանում էի, որ երեխուս կորցնում եմ»:

Զոհվելուց օրեր անց Արմենը «տանն» էր: Մայրիկն ասում է՝ ճանաչելի էր, բեկորային վնասվածքներ էր ստացել: «Ոչ մի բանից չէր վախենում: Երես տված երեխա էր, բայց երբեք առիթից չի օգտվել: Երդմնակալության արարողության ժամանակ ամբողջ տեքստը կարծես չարտաբերեր, տեսանյութերում ընկերների ժպիտն է երևում, բայց հստակ արտաբերեց՝ երդվում եմ ծառայել Հայաստանի Հանրապետությանը, և ստորագրեց թուղթը: Զոհվելուց մի քանի օր առաջ զանգել էր քրոջը, Իշխանասարի գագաթին էր եղել. «Անի՛, նայի՛ր, ոտքերիս տակ ամպերն են, ինձանից վերև միայն Աստված է, տես, թե ինչ բարձր տեղում եմ: Այս դիրքը, եթե տանք, Հայաստան չի լինելու, այս դիրքն ամեն գնով պետք է պահենք»: Մտածում եմ, որ երևի երեխես մի բան գիտեր կամ էլ կանխազգում էր»: Մայրիկի խոսքով, որդին պաշտում էր Սյունիքը:

«Իր զոհվելուց հետո Արմենիս քույրիկին մի աղջիկ էր գրել, պարզվեց, որ Գորիսի խանութներից մեկում է աշխատում: Գրել էր. «Ձեր զինվորին ճանաչում ենք, մայրիկիդ շնորհակալություն կհայտնես այդքան լավ տղա դաստիարակելու համար»: Աղջիկներ և տղաներ նամակներ էին գրել իմ աղջկան, Արմենի մասին խոսել, ինձ շնորհակալություն փոխանցել»: Տղաների մասին զրույցները շատ լուսավոր ու պինդ են ստացվում, չնայած ամբողջ ցավին ու կարոտին:

«Իր մասին՝ լացը՝ երեսիս, բայց ծիծաղով եմ պատմում: Հաճախ ենք զրույցների ժամանակ ասում՝ 19 տարվա մեջ հասցրեց ամեն ինչ անել: Արմենից հետո մի ընթացք շատ կոտրվեցի: Հարցերս Աստծուն շատ էին: Ամուսնուս մահվանից հետո ահագին ժամանակ դեպրեսիայի մեջ էի, հետո ինձ հավաքեցի, որ կարողանամ երեխաներիս մասին հոգ տանել: Հիմա աղջիկներս են ուժ տալիս, իրենց համար եմ ապրում: Փոքր աղջիկս 2 տարեկան էր, երբ հայրիկը մահացավ, իսկ հիմա էլ՝ եղբայրը: Իր համար շատ դժվար է: Փոքր քույրիկի համար հայրիկ էր, ընկեր, եղբայր: Առհասարակ, որպես եղբայր, երբեք չի նեղացրել իր քույրիկներին՝ ոչ՛ մեծին, ո՛չ փոքրին: Փորձում եմ անթերի ապրել, առանց չարանալու, հույսով, որ գոնե մի օր հանդիպեմ տղայիս: Տղես մի ակնթարթ եկավ էս աշխարհ ու գնաց: Փորձում եմ տղայիս արարքը հասկանալ, նա մտածել է, որ թուրքը կհասնի Հայաստան, իսկ ինքը տանը երկու քույր ունի: Մեր տղաներին այդպես պետք է դաստիարակենք՝ քո ընտանիքն ու հայրենիքը պետք է սիրես, որովհետև եթե տուն ու հայրենիք չունես, անտեր ես, չգիտեմ էլ, թե որ կարգի մարդ ես դառնում: Քո հողում պետք է ապրելու տեղ ունենաս»:

Հ. Գ. - Արմեն Քարամյանը հետմահու պարգևատրվել է «Մարտական ծառայություն» մեդալով: Հուղարկավորված է Վանաձորի պանթեոնում։

ԼՈՒՍԻՆԵ ԱՌԱՔԵԼՅԱՆ

 

Հետևե՛ք -ին Youtube-ում`
Ֆրանսիան դատապարտել է Իրանի հարձակումն Իսրայելի վրաԻրանը բալիստիկ հրթիռների առաջին ալիքն է արձակել Իսրայելի ուղղությամբ․ IRNA (տեսանյութ)Իրանում բենզինի համար երկար հերթեր են գոյացել (տեսանյութ) Մերձավոր Արևելքի երկինքն այս պահին (լուսանկար) Նեթանյահուն ռազմական շտաբում արտահերթ նիստ է գումարել Իսրայելական բանակը հարվածներ է հասցրել «Հեզբոլլահի» թիրախներին (տեսանյութ)Իրանը կպատասխանի այն երկրներին, որոնք տարածք կտրամադրեն Իսրայելին՝ հարձակման համարՀորդանանը պատրաստ է խոցել երկրի սահմանները խախտած իրանական ԱԹՍ–ներըԻսրայելի դեմ հարձակումը, ամենայն հավանականությամբ, կտևի մի քանի ժամ․ Սպիտակ տունՀորդանանն ու Իրաքը ժամանակավորապես կփակեն իրենց օդային տարածքները Իրանական «Shahed-136» ԱԹՍ–կամիկաձեն նկատվել է Իրաքի երկնքում՝ Իսրայելի ուղղությամբ (տեսանյութ)Իսրայելի պաշտպանության բանակը հաստատել է Իսրայելի վրա Իրանի հարձակումըՊենտագոնը մեկնաբանել է Իրանի կողմից Իսրայելի ուղղությամբ ԱԹՍ–ների արձակման մասին լուրերըՄեծ թվով իրանական ԱԹՍ–ներ են անցել Իրաքի հարավային օդային տարածքով․ ԶԼՄՆեթանյահուն հայտարարել է, որ Իսրայելը պատրաստ է Իրանի հարձակմանըԻրանն անօդաչու թռչող սարքեր է արձակել Իսրայելի ուղղությամբ․ ԶԼՄ (տեսանյութ)Իսրայելի ՌՕՈւ պաշտպանական համակարգերը բերվել են մարտական պատրաստության վիճակիԲաքուն յուրացնում է Արցախի ժառանգությունը՝ Ս. Պողոս-Պետրոս եկեղեցին ներկայացնելով աղվանական ԱՄՆ–ում հայտնել են՝ երբ է Իրանը պատրաստվում հարձակվել Իսրայելի վրա«Պատանի երաժիշտների Եվրատեսիլ» մրցույթում Հայաստանը ներկայացնի Հայկ Հեքեքյանը Փաշինյանը «ՀՀ սոցիալ-հոգեբանությունը» թեմայով դասախոսություն է կարդացել (տեսանյութ)Բժիշկները կնոջ աչքից կենդանի որդ են հեռացրելԻսրայելը կարող է հույսը դնել ԱՄՆ-ի աջակցության վրա․ Պենտագոնի ղեկավարՀրաձիգ Էլմիրա Կարապետյանը դուրս է եկել Ռիո դե Ժանեյրոյի մրցաշարի եզրափակիչ Իրանի գերագույն առաջնորդը հանդես է եկել հայտարարությամբԻրանը կարող է հարձակվել Կարմիր ծովում Իսրայելի ամենամեծ բազայի վրա․ ԶԼՄԷրդողանը նամակ է հղել Հռոմի պապինՎերաքննիչ դատարանն արդարացրեց ինձ և իմ պայքարի ընկերներին. Տարոն Մանուկյան Ինչ մեքենայով է երթևեկում Ասիայի ամենահարուստ տղամարդու կինը (տեսանյութ)Համակարգը «պայթել» է. նպատակային պռավա՞լ, թե դիլետանտությունԲայդենը նախատեսվածից շուտ վերադարձել է Սպիտակ տուն՝ Մերձավոր Արևելքում տիրող իրավիճակի պատճառով«Politico»-ի աղմկահարույց բացահայտումը. Բրիտանա-ադրբեջանական համատեղ «օպերացիան»՝ ԱրցախումԱպրիլի 15-16-ին սպասվում են գեոմագնիսական փոթորիկներՌուսաստանի և Իրանի ԱԳ նախարարները քննարկել են Մերձավոր ԱրևելքըՄեքենաների վերանորոգման և բոլոր այլ ծախսերը բացառապես հոգում է ՊՆ-ն. հայտարարությունԶինվորներն են իրենց գումարով հաճախ զինվորական մեքենաները նորոգում. վթարից տուժածի մայր Մեգան Ֆոքսը կտրուկ ոճափոխության է դիմել (լուսանկար)Վենեդիկտովը հիշել է իր խոսակցությունը Հեյդար Ալիևի և Ռոբերտ Քոչարյանի հետ (տեսանյութ)27-ամյա վարորդը վրաերթի է ենթարկել հետիոտնին«Ուսումնասիրում ենք Հայաստանը Ռոբի հետ»․ Սիրուշոն ընտանեկան ջերմ կադրեր է հրապարակելԳերմանիայի դեսպանատան աշխատակիցների հարազատներն սկսել են հեռանալ ԻրանիցՉի դադարել պայքարս, եղել եմ, կամ ու կլինեմ այս ազգային գոյամարտի առաջնագծում․ Արմեն Աշոտյան Աբխազիայում զբոսաշրջիկը սելֆի անելիս ընկել է 50 մետր բարձրությունից և մահացել (տեսանյութ)Ձկնորսներին փրկել են անմարդաբնակ կղզուց արմավենու տերևներով «գրված» Help բառի շնորհիվԹուրքիայում հայտարարել են, որ Իրանի վերաբերյալ տվյալներ չեն փոխանցել ԻսրայելինՎահան Քերոբյանի նկատմամբ կիրառված տնային կալանքը երկարաձգվել է ևս 2 ամսով. պաշտպան Կոռուպցիոն սկանդալ՝ Ադրբեջանում․ Ըմբշամարտի միջազգային ֆեդերացիան ստուգում կանցկացնիԻրանն Իսրայելի հետ կապված լցանավ է առգրավել․ ինչպես է դրան արձագանքել պաշտոնական Թել ԱվիվըԱռեղծվածային դեպք՝ Օշական գյուղումԵրկրաշարժ՝ Երևանից 8 կմ հյուսիս-արևելք, ստորգետնյա ցնցման ուժգնությունը կազմել է 2-3 բալ
Ամենադիտված