Նիկոլ Փաշինյանն ավարտին է հասցնում «Բոլթոնի ծրագիրը»

Թեև Նիկոլ Փաշինյանը հայտարարում է, որ Իրանի Իսլամական Հանրապետության հետ Հայաստանի Հանրապետության հարաբերությունները խորն են, և Հայաստանը շարունակելու է նվիրված լինել այդ հարաբերություններին, ակնհայտ է, որ ՀՀ իշխանությունների՝ դեպի Արևմուտք դրեյֆը զգալի ազդեցություն է թողել նաև հարևան երկրի հետ մեր հարաբերությունների վրա: Պատահական չէր Փաշինյանի մյունխենյան անկեղծացումը, երբ վերջինս հայտարարեց, որ մեր լավ հարաբերություններն Իրանի հետ որոշ տեղերում լարումներ են առաջացնում:

Հասկանալի է, որ որոշ տեղեր ասելով՝ Փաշինյանը նկատի ունի Արևմուտքը, որը վերջին շրջանում ակտիվորեն լծվել է Իրանի դերը տարածաշրջանում նվազեցնելու գործին: Ըստ էության, Նիկոլ Փաշինյանն ավարտին է հասցնում Բոլթոնի պլանը: Ջոն Բոլթոնի ծրագրի թիրախը Իրանն էր, դրա իրականացման հարցում գործընկերներ են Թուրքիան եւ Ադրբեջանը (վերջինիս որպես բոնուս խոստացվել է հենց Ղարաբաղը), իսկ ռազմավարական թիրախը Ռուսաստանն է: Հայաստանին այս խաղում խոստացվել էր «տարածաշրջանային տնտեսական ներուժի իրագործմանն ուղղված որոշ փոխշահավետ տնտեսական նախագծերի իրականացում»: Ամերիկացի դիվանագետի պլանը ենթադրում էր, որ Հայաստանը պետք է զիջումների գնա Արցախի հարցում՝ իր հասարակությանը նախապես պատրաստելով «խաղաղությանը»: Փաշինյանն, իհարկե, չէր կարող չգիտակցել այդ ծրագրի իրականացման հետևանքները՝ իշխանությունը պահելու համատեքստում: Այսօր, սակայն, մենք տեսնում ենք մի գործընթաց, որը տանում է Բոլթոնի պլանի կուլմինացիային՝ դրանից բխող բոլոր հետևանքներով: Արցախը, ըստ էության, Փաշինյանն արդեն իսկ դրել է զոհասեղանին, իսկ այսօր այդ նույն զոհասեղանին հայտնվել է արդեն Հայաստանը, որին Արևմուտքը փորձում է գժտեցնել երկու ռազմավարական գործընկերների՝ ՌԴ–ի և Իրանի հետ:

Գաղտնիք չէ,  Բոլթոնի երևանյան այցից անմիջապես հետո լրատվամիջոցները հրապարակեցին վարկած, որ ամերիկացին Փաշինյանին հրավիրել է դառնալ տարածաշրջանային իրողությունների վերանայման գլոբալ նախագծի մաս, որը նախատեսում է ոչ միայն իրանական գործոնի ոչնչացում, այլև աշխարհաքաղաքական պլան Մերձավոր Արևելքի փոխակերպման համար, որտեղ Թուրքիան ԱՄՆ-ի ամենահետևողական դաշնակիցն է։ Բոլթոնի ծրագրով՝ Հայաստանը պետք է ձերբազատվեր «պատմական կարծրատիպերից», այսինքն՝ դուրս գար ռուսական ազդեցությունից և հայտնվեր արևմտյան ազդեցության ուղեծրում։ Եվ քանի որ Թուրքիան տարածաշրջանում «ՆԱՏՕ-ի» և հավաքական Արևմուտքի օպերատորն է, Փաշինյանին փաստացի առաջարկվել է մտնել թուրքական շահերի ուղեծիր, ինչն էլ վերջինս հաջողությամբ իրականացնում է: Ավելին՝ տխրահռչակ «Զանգեզուրի միջանքը» (ըստ էության Հայաստանի հարավի օկուպացիան) լրիվ համապատասխանում է արևմտյան վեկտորի ռազմավարական նպատակներին` ռուս–իրանական ազդեցություն հատուկ նվազման ներքո և ՀՀ իշխանությունները՝ Արևմուտքի ճնշման ներքո, լարելով հարաբերությունները Իրանի հետ և ավարտին հասցնելով Բոլթոնի ծրագիրը, հսկայական հարված են հասցնում ՀՀ անվտանգությանը և պետական շահերին:

Այս թեմայով Առաջարկվել է տեղում սկսել աշխատանքները․ կառավարությունը՝ Փաշինյանի հետ կիրանցիների հանդիպման մասին «Հեռացնե՛նք Նիկոլին» վանկարկումների ներքո Փաշինյանը հեռացավ կառավարության շենքից (տեսանյութ) Մեր ոչ մի հարց չլուծվեց. ինչ են պատմում Փաշինյանի հետ հանդիպումից դուրս եկած տավուշցիները (տեսանյութ) Ակցիա՝ կառավարության շենքի դիմաց, մինչ տավուշցիները հանդիպում են Փաշինյանի հետ․ ուղիղ Հանդիպում չի կայանա․ Փաշինյանը չի մեկնելու Պուտինի երդմնակալության արարողությանը. MediaHub «Ծիծեռնակաբերդում» «ցեղասպան Նիկոլ» բառի համար կալանավորվել է 1անձ, մյուս 6 ձերբակալվածները ազատ են արձակվել «Նիկոլ, դավաճան», «2 րոպե ժամանակ ունեք, բացեք ճանապարհը». Արմավիր-Գյումրի ճանապարհին գերլարված է (տեսանյութ) «Վարչապետի գավաթ»-ն ավելի ու ավելի շատ պետք է կապված լինի կրթության, դպրոցի հետ. Նիկոլ Փաշինյան Նիկոլ Փաշինյանին ու Աննա Հակոբյանին նկարահանել են Սևանում գտնվող սրճարանում (տեսանյութ) Փաշինյանը տիկնոջ հետ հանդիպել է «ՀՀ վարչապետի գավաթ» սեղանի թենիսի մրցաշարի եզրափակիչ փուլի մասնակիցներին