Հայաստանում Ռուսաստանի Դաշնության դեսպանն այցելել է ռուսաց լեզվի և մշակույթի կենտրոններ

Փետրվարի 20-ին ՀՀ-ում Ռուսաստանի Դաշնության արտակարգ և լիազոր դեսպան Սերգեյ Կոպիրկինը Գեղարքունիքի մարզ կատարվելիք շրջայցի ընթացքում այցելեց МИР  ռուսաց լեզվի և մշակույթի մանկական կենտրոններ։ Ինչպես հայտնում են դեսպանությունից՝ մարզում Հայաստանում МИР հիմնադրամի (Միջազգային զարգացման ինստիտուտ) կողմից և Ռուսաստանի Հաղորդակցության զարգացման ազգային գիտահետազոտական ինստիտուտի (НИИРК) աջակցությամբ ստեղծվել է եզակի տարածք երեխաների համար՝ ուսումնասիրելու ռուսաց լեզուն, մշակույթը և հայ-ռուսական բարեկամության պատմությունը:

Կենտրոնի նկատմամբ պահանջարկը շատ մեծ է։ Ուստի դեսպանը այցելեց Գավառի այս կենտրոն։ Կենտրոնը մշակութային և կրթական նախագիծ է, որը ստեղծվել է հայկական և ռուսական կողմերի համատեղ ջանքերով։ Դեսպանը ընդգծել է այս կենտրոնների և НИИРК-ի նախաձեռնության կարևորությունը: «Հիանալի է լինել այստեղ և տեսնել այդքան երիտասարդ դեմքեր:

Ավելորդ է ասել, թե որքան կարևոր է այն, ինչ անում եք: Մեր ժողովուրդներին միավորում է շատ բան՝ մեծ պատմություն, հոգևոր կապեր, ավանդույթներ, որոնք օգնել են մեր ժողովրդին հասնել հաղթանակների և հաջողությունների, գոյատևել դժվարին իրավիճակներում։ Շատ կարևոր է, որ այդ ավանդույթները փոխանցվեն սերունդներին»,- նշել է դեսպանը։ Նա շնորհակալություն հայտնեց բոլոր նրանց, ովքեր նպաստել են Հայաստանում նման կենտրոնների ստեղծմանը։ Կենտրոնի սաները դեսպանի համար պատրաստել էին ստեղծագործական և պարային բեմադրություններ։ 

НИИРК -ի գիտական աշխատանքների գծով փոխտնօրեն Վալենտինա Կոմլեվան շնորհակալություն հայտնեց դեսպանին Հայաստանում НИИРК նախագծերին աջակցելու համար և նրան նվիրեց ինստիտուտի կողմից հրատարակված նոր գրքեր: «6-17 տարեկան երեխաները հնարավորություն ունեն ոչ միայն սովորել ռուսաց լեզու, այլև ծանոթանալ  Ռուսաստանի պատմությունն ու մշակույթին և ընկղմվել երկու երկրների՝ Ռուսաստանի և Հայաստանի բարեկամության պատմության մեջ, տիրապետել ժամանակակից մասնագիտությունների հիմունքներին:

Կենտրոնները հագեցած են ժամանակակից սարքավորումներով և մեծ գրադարանով, որը պարունակում է ռուս, հայ և արտասահմանյան հեղինակների ռուսերեն գրականություն: Փորձառու ուսուցիչները կազմակերպում են միջոցառումներ, էքսկուրսիաներ, ընթերցումներ, օլիմպիադաներ, հանդիպումներ Ռուսաստանի և Հայաստանի տարբեր մասնագիտությունների հայտնի ներկայացուցիչների հետ»,-նշում է կենտրոնի ուսուցիչ Ժաննա Բոզիկյանը։

Նշենք, որ Սևան, Գավառ և Արենի քաղաքներում նախորդ տարվա մայիսին բացվեցին ռուսաց լեզվի և մշակույթի ուսումնասիրման անվճար МИР կենտրոններ: 2024 թվականին նախատեսվում է ընդլայնում։ Այլ վայրերում կբացվեն ռուսաց լեզվի և մշակույթի կենտրոններ։

Այս թեմայով Կարո՞ղ եք հայտարարել՝ Հայաստանում չկան քաղբանտարկյալներ. Վարդապետյանը հրաժարվեց նման հայտարարություն անել (տեսանյութ) Հայաստանում ոչ մի դուռ չի կարող փակ լինել Սրբազանի առաջ, սա ֆիլմ չէ, սա մեր կյանքն է․ Հովհաննիսյան Հայաստանում անցումային դիկտատուրա է. Խաչատրյանը` ՄԻՊ Մանասյանին (տեսանյութ) Ֆրանսիական պատվիրակության անդամներն այցելել են Ծիծեռնակաբերդ, շրջել Հայոց ցեղասպանության թանգարանում Ռուսաստանի ևս մի մարզում միգրանտներին արգելվել է տաքսի վարել Բարեկամության կամուրջներ Ռուսաստանի կառավարությանն առնթեր ֆինանսական համալսարանում Ցուցարարները Վրաստանի խորհրդարանի շենքի մոտ պատռել են Ռուսաստանի դրոշը Ռուսաստանի ագրեսիվ քաղաքականության ֆոնին՝ Հայաստանի և Ադրբեջանի միջև համաձայնությունը կարևոր գործոն է. Ուկրաինայի ԱԳՆ Հայաստանում ԱՄՆ դեսպանատունն այսօր փակ է Հայաստանում սկսվել է զրահապատ սաղավարտների սերիական արտադրությունը