Կայացել է «Դիլիջան կենսոլորտային տարածք»-ի ստեղծմանն ուղղված աշխատաժողովը

Կայացել է «Կենսոլորտային տարածքները` որպես կլիմայի փոփոխության մեղմման և հարմարվողականության մոդելային տարածաշրջաններ Հայաստանում «Դիլիջան կենսոլորտային տարածք»-ի ստեղծման կարողությունների զարգացում» ծրագրի մեկնարկային աշխատաժողովը:

Աշխատաժողովի շրջանակներում ներկայացվել են Հայաստանում կենսոլորտային տարածքի զարգացման հնարավորությունների ուսումնասիրության արդյունքները, Հայաստանում կենսոլորտային տարածքի հայեցակարգի զարգացման պատմությունը, ինչպես նաև՝ Ծրագրով նախատեսված գործողությունները և ժամանակացույցի:

Աշխատաժողովի մեկնարկին ողջույնի խոսքով հանդես է եկել Շրջակա միջավայրի նախարարի տեղակալ Արամ Մեյմարյանն, ով իր խոսքում անդրադարձել է կենսաբազմազանության պահպանության և կայուն կառավարման ուղղությամբ մեր պետության կողմից վարվող քաղաքականությանը և բնության հատուկ պահպանվող տարածքների ու արժեքավոր էկոհամակարգերի կայուն կառավարման մոդելների ստեղծմանն ու զարգացմանը.

«Ինչպես գիտեք, Հայաստանը Կովկասյան տարածաշրջանում համարվում է աշխարհում կենսաբազմազանության թեժ կետերից մեկը, այստեղ ամեն 1 կմ քառակուսու վրա հանդիպում է բարձրակարգ բույսերի 107 տեսակ: Եվ ես ուրախ եմ, որ այսօր մեկնարկում ենք մի գործընթաց, որըոլորտում մեր վարած քաղաքականության մի մասն է կազմում։ Այս համատեքստում էապես կարևոր ռազմավարական ուղղություն ենք դիտարկում համայնքների և տեղական բնակիչների հետ համահունչ ու ներդաշնակ զարգացող պահպանվող տարածքների կառավարման մոդելներ ունենալը։ Առանցքային նշանակություն ունի այն հանգամանքը, որ հատկապես համայնքները և բնակիչները, որպես այդ տարածքների առաջնահերթ շահառու գիտակցեն և արժեվորեն այն բնական կապիտալը, որն առկա է իրենց կողքին և որոնց էկոլոգիական արժեքից կարող են հսկայական եկամուտներ և շահույթ գեներացնել»,-նշել է նախարարի տեղակալը:

Ծրագրի ընթացքում նախատեսվում է իրականացնել տեղական և ազգային մակարդակներում ստեղծված աշխատանքային խմբերի պարբերական հանդիպումներ, հանդիպումների ընթացքում բացահայտված հատուկ թեմաների վերաբերյալ դասընթացներ, աշխատաժողովներ, հետազոտական անհրաժեշտ աշխատանքներ, թեմայի վերաբերյալ իրավական դաշտի ուսումնասիրություն և վերլուծություն, այց եվրոպական որևէ կենսոլորտային տարածք՝ առավել մանրակրկիտ ծանոթանալու համար արդեն իսկ գործող կենսոլորտային տարածքի առանձնահատկություններին։

Ծրագիրը ֆինանսավորվում է Գերմանիայի Շրջակա Միջավայրի Դաշնային Նախարարության «Կենտրոնական և Արևելյան Եվրոպայի, Կովկասի, Կենտրոնական Ասիայի և Եվրոպական միությանը հարևան այլ երկրներին բնապահպանական խորհրդատվական աջակցության ծրագրի» շրջանակներում։ Այն ղեկավարվում է Բնապահպանության Դաշնային Գործակալության և Գերմանիայի Շրջակա Միջավայրի Գործակալության կողմից։

Ծրագիրն իրականացվում է ՀՀ շրջակա միջավայրի նախարարության աջակցությամբ՝ «Միխայել Զուքով» հիմնադրամի և «ՍՈԼՅՈՒՏՈՆ» ՍՊ ընկերության կողմից:

Այս թեմայով Արմավիր գյուղում կայացել է գյուղի բժշկական կենտրոնի բացման արարողությունը ՔՊ Շենգավիթի տարածքային կազմակերպությունում կայացել է խորհրդի և վերահսկողի ընտրություններ Կայացել է «Քաղաքացիական պայմանագիր» կուսակցության Մարտունու տարածքային կառույցի նախաձեռնող խմբի նիստ Արժանի հոր արժանի զավակ. Կայացել է Բյուզանդ Ավետիսյանի որդու շքեղ հարսանեկան արարողությունը Հ1-ով հեռարձակված ռեպորտաժն ուղղված է Հակոբյանի գովերգմանը՝ խոցելի խմբի երեխաներին ցույց տալով ԱԽ քարտուղարը կարևորել է ԱՄՆ-ի կողմից Հայաստանի ժողովրդավարական ինստիտուտների զարգացմանն ուղղված աջակցությունը ՓԾ-ի կողմից իրականացվում է լայնածավալ իրազեկման աշխատանքներ՝ ուղղված հակահրդեհային միջոցառումներին Կառավարությունն այսօր կրկին փաստեց՝ սահմանազատման անվան տակ Ադրբեջանին է փոխանցել ՀՀ սուվերեն տարածք․ Մեսրոպ Առաքելյան Փոխվարչապետի գլխավորությամբ կայացել է սուբվենցիոն հայտերի գնահատման հանձնաժողովի հերթական նիստը «Զանգեզուր» կենսոլորտային համալիր» ՊՈԱԿ-ի տարածքում կրկին արձանագրվել է ընձառյուծ